البارت15 من القصة الحقيقية #لاسلطة_فوق_الحب بقلمي #الكاتبة_شهناز_الخزعلي #Jaymin
امل/خواتي راحو بس ضاق نفسي .......اختنكت من تفكير موج....اذا اختي هيج تفكر الغربه شيفكرون
كملت شغلات البيت ورجعت لكيت حسام ضال باله
حسام:هلا ام الهام شو تااخرتوا.....
امل:هلا بيك غسلت ونظفت البيت وهسه اجيت
حسام:شبيج ؟؟؟
امل:مالي خلك شويه
حسام:احد مضايقج؟
امل:ارتاح واحجيلك....
حسام:ان شاء الله خير
امل/رحت نمت كبل وماحسيت على روحي حتى عفت الهام على ام ربيع ووشمرت روحي شمرر على الفراش
حسام ♡خلونا شويه نسرد عليه ونتعرف سوه اكثر عليه وعلى اخوه همام....👇
______
اني شاب طموح موظف ويه زوجها ل امل وصديقه روح بالروح شاب مزاجي صعب الاختيار عصبي وطيب
من مواليد١٩٨٤ بعمر غزلان أختها لست امل
واخويه همام مواليد١٩٩٠
همام جان طالب مدرسه
اما اني صح تعييني جديد بس تعلقت بصديقي المرحوم
ربيع
اني انسان عندي مبادئ وقيم وأخلاق وحدود اذا احد يتعداها يسقط من نظري
الحياه صدف وصدفتي التقي بموج بفاتحه ربيع صراحه نعجبت بيها وردت اتقدملها بس جنت انتظر فرصه تصح الي وامل تنزع السواد ...ويه المشاكل الي مرت بيها امل حسيت نفسي مسؤل اتجاههم بالتحديد ويه وقت تهجيرهم ،،،،امي وابويه تعاطفوا وياهم وبنفس الوقت حبيت قربهم لان الهام محتاجه اب
وانتهزها فرصه هالقرب علمود تتيحلي الفرصه
مرات الرجل شكد ما يكون فطن شكد ماتعبر عليه سوالف ومايوعى إلها او مرات هو الرجل من ذاته يفوت
حتى لمن يدير وجهه ما يرجع....
وبيوم الي حسيت انه لازم افاتح امل بموضوع موج وهم هيه عما تكمل كليتهأ.. لان مبقالها شيء وتخلص جامعه
انصدمت.....
الشيء الصدمني بيها بيوم ما رجعت امل من بيتها
من وصلتها هيه واخواتها
امل دخلت تعبانه ومن كعدت شرحتلي الوضعيه الي جاي تفكر بيها موج ....هنا وحسيت ب موج تغار عليه
او الاصح عندها شي اتجاهي.....هنا وقررت اعيد حساباتي وماافكر ب موج واحتفظ بهالاعجاب بداخلي
وحتى ويه امل ما افاتحه الموضوع لان اني ك رجل ما احب البنت المشكلجيه... بس بداخلي انزرعت بنت
وهيه بنت مسالمه وطيبه حسب حجي أمل عنها...
لهذا السبب....
حسام:ست امل
امل:نعم
حسام:اني ادري مو وكتهأ بس راح افاتحج بموضوع؟
امل:اتفضل اسمعك؟
حسام:ست امل اني طالب القرب منج ب اختج الكريمة
.... ..غزلان.......
امل:صدك يا عيني اني موافقه وين الكه احسن منك انت رجال ينشهدلك بالشهامه ووين الكه احسن منك
ل اختي....
حسام:انتي رتبي وضعج وفاتحيها بالموضوع واني انتظر منج الرد....عن اذنج . ....
امل:ان شاء الله اذنك وياك..........
حسام/تركتها ل امل ورحت بالمطبخ يم الحجيه حسيت هم ونزوح من كلبي اني تصرفت بعقلي
وعفت كلبي غزلان هيه الزوجه المناسبه
وماعتقد امي او أبويه راح يرفضوها اني مشابف غزلان بس الكلب يبصر اكثر من العين
رحت ل حجيتي وبمها ام ربيع وفاتحتهم بالموضوع والهلاهل ماتسكت.....والباقي على امل ..
امل/يمكن من فاتحني حسام بموضوع غزلان اختي_______يتبع رأيكم
ابطال القصه تتابع وياكم
تحياتي الكم الكاتبه جيمن جلال Jaymin_Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
