امل/يمكن من فاتحني حسام بموضوع غزلان اختي فرحتها من كل كلبي كلت بلكن يطلع حظها احسن من حضي ...كلت خل تعشى واتصل بغزلان
غزلان/رجعنا للبيت وناديه ظلت تشمر حجي ،موج عيونها تصب شرار من العصبيه ......
ناديه"يااااا هاي شبيها شو جنها تتعارك ويه ذبان وجهها
غزلان"والله صار سوء تفاهم بينها وبين امل
ناديه"من شوكت؟
غزلان:بعدين احجيلج .
اني هم رحت ل موج ..
غزلان:فهميني شبيج ليش تصرفتي هيج ويه اختج
جاوبيني موج لاتسكتين؟
موج:اني معجبه ب حسام وهوه هم
غزلان:بله شلون معجبه؟؟؟وشلون هوه معجب؟؟؟
موج:لك نظراته وعيونه بيها حجي متتصورين شكد فكرت بهاي النظرات يله اتوصلت لهالشي
غزلان:باوعي من يجي ويكولج اني معجب بالسانه واريدج بساعتها تأكدي منه......غير هالحجي لأ.....
موج:العيون تحجي؟؟
غزلان:والعيون هم تكذب
موج:روحي حتى عشى ماريد اتعشى راح انخمد
غزلان/نزلت يم ناديه والله شكد حاولت تجر لساني
بس مااحجيت ماريد اكسر بخواتي كدامها وهيه تتخذها نقطه ويه ما خلصت اتعشى....امل اتصلت بيه رحت كعدت بالحديقه واحجيت وياها
توقعت صاير بيها شي او بعدها ماخذه على خاطرها
من موج
غزلان:هلا أموله
امل:هلو غزاله شلونج
غزلان:الحمدالله بخير ....شو احسج فرحانه
امل:لج اايي
غزلان:يعني راح الزعل
امل:اي انتو خواتي وموج طفوليه وعادي....بس الاحلى انه راح يصير عندنا عرس بالبيت
غزلان:عرس منووووو ......اخاف ناويه تتزوجين يولوو
امل:ههههههه لايالدايحه عرسج ...حسام طلب يتزوجج
غزلان:،لا ...اي ....شنو تحجين صدك ؟؟
امل:اي لج تعالي شوفي الهلاهل هنا وامه كلش فرحانه
وتريد تتعرف بيك باجر تعالي انتي وموج؟؟؟؟هم يشوفك حسام
وتشوفج امه بلكن يصير من نصيبج
غزلان:لا امل ما قبل بي
امل:ليش يالغبره فرصه وماتتعوض....
غزلان:لان موج تحبه.....
امل:نعم
غزلان:اي هي مو تحبه بالضبط بس معجبه بي وهيه حجتلي Jaymin
امل:لا اوكف استيعابي قليل
غزلان:حجيها اتجاهج وعصبيتها؟؟؟؟شتفسريها انتي ؟؟؟اليوم وقبل من تجيني انتي وياه
امل:بس والله دوختيني بالسالفه....
غزلان:يله خلي اروح هسه
غزلان/سديت الاتصال ويه امل ضليت صافنه جان تجي موج
موج:شو كاعده وحدج خاتون
غزلان:موكلتي راح انام ......وبعدين جنت احجي ويه امل...
موج:ها امل اي اكيد داحجي ب حسام وبطولاته اني اله اوصل ل أبويه واخوانه همه يتصرفون وياها
*غزلان/جنت كاعده بس من حجت هيج موج كمت من مكاني ولزمتها من ايدها قوي
وكلتلها:شبيج تخبلتي لك حسام طلبني من امل ،،،خليني بطلي اوهام.......كافي
موج:انتو كافي مو اني شبيج تخبلتي كمتي تتخيلين
غزلان:انتي جنتي تتخلصين واعتقد كتلج هالشي قبل
وانتي ماقتنعتي....
موج:اششش بس حبيبي ماريد اسمع شي
موج/عفت غزلان وكلبي يغلي ببالي امل وغزلان حقروا ويايه ولاكااني اختهم.....دخلت للبيت خالد باوع عليه
خالد:شبيج وجهج يتلاطم
موج::وجهي يتلاطم كادر بس عليه دشوف خواتك
لو انت مكرن بس عليه كادر
خالد:باوعي صوتج لاترفعيه افتهمتي.....مرفعت صوتي بيوم عليكم اكول خواتي واحترمكم
موج:شنو تهددني انت ؟؟
غزلان ،شكوو
ناديه:شبيج ابوكم نايم
موج:خواته يلعبن لعب وكادر عليه
غزلان:موج احفظي لسانج ولاتقلين عقلج
موج:وحسام باشاا Jaymin
خالد:حسام شبي خوش ولد ؟؟
غزلان:حسام طلبني من امل اليوم
ناديه:يا صلوات على النبي
خالد:اي الولد مارايد شيي خلي يتقدم ويصير خيرر
موج:اوووووووف ......
غزلان/موج صعدت لغرفتها واني جريت تنهيده اه
يمكن حسام عريس مناسب لكل بنت تتمنى تتزوج
بس هسه اني وامل موج تحسبنا أعداءها....
موج غلطت خلت ناديه تتفرج وخالد.....ناديه تريد تقلعنا من البيت باي طريقه نمت نمت على السرير واحد اني واختي بس كل وحده منا بعالم ثاني وحده بعيده عن الثانيه والتالي شلون شراح اسوي........
نمنا وثاني يوم كعدت لكيت موج ماكو برأسها نزلت لكيتها تسولف ويه ناديه ومن اني اجيت غيرت الحجي وبنفس الوكت ناديه صارت تتوددلي وتقنعني بالزواج.....
اني مشتهيت اي شي جان بوقتها يوم سبت عطله خليت عمار يوصلني لبيت حسام ردت اشوف امل ..رحت هناك ومردت احد يعرف بروحتي لهناك وو من وصلت__________يتبع
رأيكم تحياتي الكم الكاتبه
شهناز الخزعلي
چيمن جلال Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
