البارت 4من القصة الحقيقية #لاسلطه_فوق_الحب بقلمي #الكاتبة_شهناز_الخزعلي #جيمن_جلال #Jaymin
هالمره ام ربيع هيه قايمه النا بدور الام الحنون الي كل مانواجه مشكله نروحلها.... يمكن ايام صعبه نعيشها
اني كل مااخلي راسي ونام اتذكر امي واختي وين خالتي نوال مابيها لاحس ولاخبر حتى جدي قلق عليها
بيوم من الايام اجتي ام ربيع يمنا وظاله تمدح بغزلان
ام ربيع"من فدوه ل هالطول يمه غزاله وشارده شكد عمرج بنيتي؟
غزلان"اني ١٤سنه عمري
ام ربيع"اي يمه ورده ومفتحه
جدي"هلا حجيه اشلونج.
ام ربيع"بالمهلي ابو الهام
جدي"خيرج حجيه اليوم تمدحين ب حماماتي
ام ربيع"والله يا حجي قاصدتك بخطوه حلال
جدي"أؤمري حجيه؟
ام ربيع"اي اريد أخذ غزوله ل ابني ربيع هو شايفها من تروح للدوام اكثر من مره ونعجب بيها.
جدي"غزلان طفله ويين شافها
امل"فدوه لعيونج خاله تحجين صدك
ام ربيع"اي وشحلاتها هيه وصغيره
جدي"ام ربيع البنيه طفله والمرحومه الهام تعبت هوايه و جانت تخاف عليهن وعلى مستقبلهن اني ماكدر اردج بس هاي رساله الهام ولازم توصل
ام ربيع"اي بالله بس المصيبه الولد هاويها
جدي"البنت اصغر منه بهاي سنين شنو عينه منها
ام ربيع"على كلن اني أبلغه ردك
جدي"كل الهلا بيج..
امل/ام ربيع راحت وامي صعدت ل غزلان لكيتها تلعب ويه موج ويتراكضون .....طفله يربي طفله وبين شافها
اني الي اطلع غزلان وموج جدي ديوصلهم وين شافها ؟
واذا أسئلتها اخاف عيونها تتفتح.....جنت وافكر وبالي مشغول كاعده يم البنات بس بالي شارد ويقره الف فكره بنفس الوكت بنفس الوكت جدي صاحني .....
امل......جدو امل تعالي .......
امل:اي جدو اجيت
جدي:ابوج ع تليفون
امل:أبويه شيرين
جدي:بابا احجي وياه ميخالف كل ما يصير هو ابوج
امل:صار ....
_______________
امل"الو
ابويه"هلو اموله بنيتي،شلونج وشلون خواتج
أمل"اني زينه وخواتي هم وانت شلونك زوجتك وأولادك
ابويه"اني موزين محتاج اشوفكم تعالو واني ارجعكم لبيت جدكم
امل"احنه موجودين بيت جدنا تعال يمنا احنه منريد نجي ببيت ناديه انت تعال ونستقبلك بعيونا
ابويه"بيت ناديه بابا انتي شدتححين؟
امل" تعال بيت جدي واحنه راح ننتظرك على عشى
ابويه"احاول اجي...
*سد الاتصال وراح واني رحت ل موج وغزلان كتلهم:
امل" ساعدوني خل نسوي اكل طيب من طبعا وترتيبنا بابا راح يجي بس شكله تعبان ومريض لحد يفاتحه بااي موضوع
موج"بابا ميحبنا لويحبنا جان اجه للاجتماع ولي الأمر
بالمدرسة.
امل:كومي بدلي وغيري وعووفج من هالحجي ابونا يبقى ابونا ويحتاجلنا واحنه ما نحتاجه لان جدو هو قايم بينا
بمصاريفنا ومشاكلنا بعد شكوو
غزلان"اي صحيح ولو احنه بيت أبويه جان مرته تضيق علينا مشايفين بالافلام
موج"صح بس اني اطلب منه مصروف ولازم ينطيني
امل"ديلا كومي ساعدوني وبطلوا حجي...
*كل وحده من عندنا ساعدت الثانيه ،وكل وحده من عندنا بدلت وتعطرت واجه أبويه،،،و جدي سلم عليه واحنه
وحده بعد الثانيه وكفنا نسلم،،،،بعدها مدينا السفره والاكل والسوالف والضحك......بعدها طلع جدي وابويه
بالحديقه يسولفون.....واني رحت اصب شاي.....ااخر كاسه بالي شارد واني لازمه جيله الشكر....سمعت صوت بأذني خطف مر .......نواره..........درت وجهي لكيت أبويه
ورايه واكف يباوعلي استغفرت ربي......و ابتسمت بوجهه ل ابويه وقدمتله الشاي
وسبقته يم جدي بالحديقه كعدنا.....نسولف وموج وغزلان يلعبون بغرفتهم.....
بهالاثناء موج اجتي.......تصيح،،،،،جدي...جدي تليفون
جدي:صار بنتي
ابويه:امل هاي مصروف الج وللبنات
امل:يأبه مامحتاجين جدي ممقصر
ابويه:أخذني ولاترجعين ايدي اني اتمنى لوترجعون يمي تعيشون
امل:لا انت عندك اولادك
ابويه:همه اخوانج
امل:خلينا ببيت جدي ،،،،جدي وحده عايش واحنه هنا
موجودين جدي يحرص علينا مثل حرص امي
يهالاثناء جدي خلص مكالمته واجه:ها جاي تذكروني
ابويه:بالخير
امل:جدي المن دتخابر؟
جدي:خالتج نوال خابرت بعد غيبه سنين وحجيت ويه بنتها نواره ماشاء الله كبرانه حبيبتي وصارت بروضه مدري مدرسه
امل:صدك جدي ليش ماتدزلنا صوره نواره نشوفها
ابويه:ليش نوال خلفت؟
جدي:اي عندها بنت
ابويه:مو ع اساس متخلف؟
جدي:رزق ربك صلاح
*بعدها ابويه سلم علينا وراح جدي دعد بالحديقه كبر نفس زفير نايمه على كصتها حاير بزمانه ودايخ
ايي كعدت يمه واخذت ايده وبستها وجريت نفس ودموعي نزلت......
جدي:الظاهر الي ببالج ببالي
امل:اي جدي شلللونها
جدي:هالسر ثكيل على الكلب
امل:مكالت شوكت ترجع
جدي:لا .......اكوم انام
امل:واني اخلص شغلي وانام ......
جدي راح نام واني ضليت تباوع على الفلوس الي ناطينياهم أبويه لزمتهم وضميتهم بالجيزدان حضرت هدومي للدوام ونمت.....ثاني يوم ........_____يتبع
رأيكم
ابطال القصه يتابعون وياكم
وعذرا ع السحكات
تحياتي الكم الكاتبه شهناز الخزعلي چيمن جلال Jaymin
.....
أنت تقرأ
لاسلطة فوق الحب(مكتمله)
أدب نسائي(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
