غزلان/ضليت ابجي بحركه ومقهوره من صفحه امل ومن صفحه ثانيه موج ......حترررك كلبي
بعدها لمده شهر الاجواء بين الاخوات ل٣متكهربه..
كل وحده منا بعالمها الخاص وكل وحده تحاول تخرب
موج لان كلبها حاقد.....وامل لان مكسور خاطرها
على الي صار بيناا....عبد الرحمن مابطل يحبني
جان منتظر مني كلمه حتى يتقدم بس شنو الفايده
بيوم من الايام جنت كاعده بغرفتي وساده الباب
واتفرج فلم المصري كتكوت مال محمد سعد واضحك ميييته ضحك يييمكن الفلم مووو هذاك القوه الي يجبر الشخص يضحك بالشكل الي ضحكته،،، بس اضحك من ضيم كلبي
الهام بنت امل دخلت لغرفتي وكعدت يمي ...اني قللت من ضحكي وكملت اتفرج..... الهام ضلت تباوع عليه
الهام:خاله شبيج
غزلان:ياعمري ما بيه شي
الهام:خاله تره عمو عبدو يحبج كلش واني اذا كبرت اريد مثله....
غزلان:انتي كلبي وروحي بس اكبري ساعتها راح تلكين امير يخبل مثلج بس هسه شنو وراج متوسطه واعداديه وو جامعه اتمنالج مستقبل حلوو مثل وجهج
الهام:احبج الحمدالله انتو يمنا جان متت من ضوجه
غزلان:حبيبتي هههههه
الهام:ماما عصبيه ومتتفاهم وكاللها مده بس تعيط بوجهي
غزلان:ميخالف اتحملي امج شايله هموم الدنيا فوك راسها امج حبابه بس احنه االتاعبيها
الهام:ماما تحبكم....
امل بهالاثناء دخلت لغرفتي ......
امل:الهام طلعي عندي حجي ويه خالتج
الهان:ماما تره اني كبيره مو صغيره حتى تتصرفين هيج ويايه....
امل:هااا
الهام:صار اني هم مشغوله اروح ادرس وانتو ضلو تفرجو كتكوووت ابو الليل البيمبرمب فيه المسل
ابووو الليل البخياف منه الليل ههههه
امل:سخيفه هههه.
غزلان:وأخيرا اجيتي يمي بعد مرور شهر كامل على كل هذا الجفاء غيرتي رايج اكدر اكوله ل عبد الرحمن يجي يشوفني ويطلب ايدي
امل/عبد الرررحمن ادري ماكو غيرره لج شبيج الخلقه مااخلق غيره انسيييي...صفحه واطويها كاافييي. خلينا نلكه حل لهذاك الكلب طلع للخارج وعاف اختج
معلكه لاهيه بين السماء وبين الأرض...
موج:طول عمركم راكنيني على الرف عبدالرحمن اااحبه
وماتهمني الطوائف يكفي وكف ويايه وكره رجل بشهامه وااصل.....ماااعوووفه اررريده......امنحيني فرصه الاختيار خليني اعيش ايااامي ولو لحظه بعمري دون قلق وخوف من المجهول كاااافي.....
امل:الظاهر ماكوووو فايده .......اني اعرف شلون اتصرررف....
امل/طلعت من غرفه امل ووكفت يم باب الخشب هالحاله واباوع على كراج مالبيت جدي الهام جانت دتدرس تفر ....وترجع... لمكانهاااا.....وتدندن بدراستها
جغرافياااا السادس الابتدائي....
يقع العراق...يقع العراق ....اباوعلها وعيني على الشباك يعكس داخل البيت وموج كعدت من نومها اذكر بيومها جان خميس ويوم عطله يعني جمعه وسبت
امل:موووج اتصلي بعمتج لو همام خلي نشوف طريقه بلكن نفضهااةة ويه هالكلب
موج:اه اه اسكتي وحدتكم صايره محاميه والثانيه حايره بعبدووو اويييي عبوود .. والثالثه دتدرس
لج والله ما بصير براسج خيررر
الهام:يووووو خاله اني طالعه ذكيه ع ماما ..........
امل:عوفج من البنيه ركزي ويايه تره طلعتو روحي
حياتي مراررررر وياكم........
موج:اروح اسبح احسن...
امل/طلعت الكراج يم بنتي وارش الحديقه مي وكت غروب وأجواء حلوه....وخفافيش توها اجت تتطاير صح شكلهم مكروه بس شي حلو جنت اركز بيها واتذكر كلمات امي .....
تكول:لاتباوعون عليها تاخذ عيونكم .
مدري المعلومه صح لو لا
المهم سمعت واحد بالشارع يسلم على شخص
يكله....الله محيي اصلك عبد الرحمن السبع....
ذبيت صونده الماي و طلعت شفت عبدالرحمن ديمشي وبايده سويج السياره بااتجاه بيته (الي جان بيت زوجي ربيع)....
صحته:خويه.........
عبد الرحمن:ياهلا ب ام الهام عاش من شافج خيتي....
امل:جايتك ب نخوه
عبد الرحمن:خادم أمري ؟؟؟؟
امل:خادم ربك....جوز عن اختي غزلان ...شوف غيرها البنيه ماتريدك وانت الف بنت تتمناك...
عبد الرحمن:ليش هيه حجتلج.....هيه جانت متلهفه
وعندها شيء اتجاهي بس
امل:بدون بس هذا الي صار ......
عبد الرحمن: ان شاء الله خير.........
يهالاثناء الهام جانت تشوف أمها .....من شافت امها خلصت حجي ويه عبد الرحمن.......راحت ركض لخالتها
غزلان وحجتلها الصار..
غزلان تخبلت نزلت تركض .......امل جانت هستوها داخله للبيت ....
غزلان:لييييييييش امل لييشششششش
_______يتبع
رأيكم واتمنالكم متابعه شيقه واحداث اقوى من الجزء الثاني
مع استمراريه متابعه ابطال القصه معكم
تحياتي لكم الكاتبه چيمن جلال Jaymin
أنت تقرأ
لاسلطة فوق الحب(مكتمله)
Literatura Feminina(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
