امل/الظهريه ودكت اتصال خالتي .....انطتني خبر
نوال: تعالو تغدوا يمنا انتي والبنات لان ماكدر اطلع
العده مالتي لزمتها
امل....صار
......
سويت غدا ووصلنا اني وموج والهام....نواره جانت لابسه بنطلون جينز وحذاء سبورت وردي وبدي...وشعرها لخصرها هيه عيونها جنها عيون خالتي .... وضلت تسولف ويه الهام ...سبيلهم اكل غدا خالتي اكلت وتشكرتني كالت نفسج نفس امج بالطبخ بس نوال ما كلت شي كاعده وتغني....وتلعب بتليفونها وتصور حالها سيلفيات...
خالتي:شكلي راح اكمل العده هنا وبعدين أخذ نواره ل أمريكا واروح بلارجعه
امل:واحنه؟
نوال:اكلج شلون سويتي الباصطرمه؟؟
امل:سويتها بعد...
نوال:هالبنت شلشته الدماغي حريته وتقديرها يختلف تربت على الحريه حياتها كلها ثقه وأفكارها إلها قوه و محد يوكف بوجهها هنا شلون راح تستمر او نبقى هاي الأشهر ماعرف شلون راح تنكضي ياامل
امل:خاله:سوال يعني اختي مو عذراء موبنت
نوال:شنو!ليش انتو هنا عندكم مفهوم الحريه هيه بنت من تفض عذريتها......بنتي شريفه ومااسمحلج امل
الحريه معاناتها تكون المراءه قويه مو ضعيفه ومن حقي طموحاتها مثل ما صارت ب موج خلت فكرها محدود ب حسام وهاي النتيجه لو انتي الي شكد كتلج اتزوجي بس مااتزوجتي......ضيعتي سنين عمرج
امل:خاله كافي تقلبين المواجع رجاءاااا
ومثل ماهيه بنتج هيه اختي؟؟؟؟
نوال:كلنا نضوج من احد يحجي الحقيقه بوجهنا امل
اصحي وانتبهي ولاتخربين حياه اختج ......فكري زين تره اني اتدمر لج اني كل حياتي وتعبي وسهري وحيلي إلها راح انتي ماتقبلين اتاذه
اجت نواره:My mother, what happened? Are you okay? Why did your voices rise? What happened? Tell me
امي مالذي حصل هل انتي بخير لماذا ارتفعت اصواتكم ما الذي حصل اخبروني
نوال:Nothing is between me and you go to your room and relax
لاشيء انه امر بيني وبينها انتي اذهبي لغرفتك
واسترخي
امل:يله خاله واني راح اخذ البنات واروح شتريدين اني موجوده بس اتصلي
نوال:ماتقصرين..
امل/اخذت موج والهام و رجعنا للبيت . . .
الايام والاشهر مشت ودخلنا سنه٢٠١٤ سنه الي دخل بيها داعش الموصل وسقطت باايده...هنا الأوضاع تأزمت وشكو عسكري دخل بحاله انذار كل٢٠يوم يله ينزل لبيته......غزلان جانت تكضي الوقت ويانه
ومرات ويه بيت أهله لعبد الرحمن.......
جانت من تشوف الأخبار القصف وسيطرت داعش على الموصل وزوجها هناك.....من يرجع تتوسل بيه وتوكع دخيل اله......
غزلان:دخيلك حبيبي ابو الغيره لا تروح بخاطري وخاطر بنتك روزه.....خايفه عليك قابل بس انته تروح
لو انت راح تنقذ العراق
عبد الرحمن:اي انتي كلتيها ابو الغيره يعني اني اذا مااروح منو الكم باوعي هالفتره كلها ماتت عالم وانسبت نساء وعوائل نزحت وتطافرت للشمال......
اذا مو احنه يحميكم اني وغيري انتو تصيرون صبايا وداعش يوصل ببغداد.........
غزلان:ماااكو اني ما افهم اني اريدك تبقى الي والبنت عبدو حبيبي روحي معلكه بيك يعني لو موعسكري انت ما تروح مووو؟؟
عبد الرحمن:صح اني من غير طائفته بس مرجعيتكم امرت واني حيل احترمه هالرجل لا تخافين اذا الي لكمه بهالحياه ارجع لك بس ادعيلي
غزلان:اني احبك
*بالنسبه الي صرت اخاف يمشي الوكت ......._____يتبع
رأيكم تحياتي الكم الكاتبه جيمن جلال Jaymin
ملاحظه _ابطال القصه يتابعون وياكم
لاتنسوا نجمتي💋ومشاركه رابط القصه لتحصل على عدد أكبر من القراء
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
