البارت18 من القصة الحقيقية #لاسلطة_فوق_الحب بقلمي #الكاتبة_شهناز_الخزعلي #Jaymin_
ماكو ساعه واندكت الباب خالد جاي وبايده جنطه غزلان وانرمت بحضني وتبجييي..
امل:شكو شبيها؟؟؟؟غزلان شبيج.....
خالد حرف واحد ماحجى ...ذب الجنطه وطلع....
امل:شبيج شصار وياج....هاي موج مووو؟؟؟؟
غزلان مجاوبتني بس هزت برأسها ......اي
جريتهااا كعدنا بالصاله جنت فارشه مندر/دوشك
لان مهاجرين واجار منين نجيب اثاث وبيوتناا وحلالنا مويمنا مسلوبه......
غزلان غفت بحضني والهام اجت متخصره .....
الهام:ها ماما شو يشاركوني بحضنج صاروا..
امل:لابنوتي انتي كلبي بس خاله مريضه تبجي...ضليت يمها ولاتطلعين صوت توها نامت ............
الهام:صار ماما
امل/حررررت دخلت بالمطبخ واتصلت على عمار ......
ميجاوب كالعاده... مصلحجي يشبه امه.....رجعت خابرت على موج تنطي رفض.....وخالد هستوه وصل غزلان وراح معناتها ميتحجه.....اضطريت اخابر ناديه
خليتها احجيلي كل الصور وهيه تمثل دور المحبه واني امثل دور المستمعه......سديت التليفون واحترك كلبي.....
رجعت ل غزلان لكيتها كاعده ..... كعدت يمها
امل:لاتضوجين ضربه ابوج متقلل من قيمتج اول وتالي
انتي طيبه وو....
غزلان:تحجي وتتنفس بصعوبة ومحتنكه:لج امل امل .....أبويه ضربني بالحزام.....شلون جان يضرب آمنا وكمان اخواني وموج تتفرج....لج موج جانت طفله واحنه ربيناها سنه موو ...موو تجي علمود شخص لأنزل ولاصعد....كلمن يعيش بدوامه بسببه
امل:اشش لاتتذكريني باامي جرحها وصوتها بااذني يرن اوف ياغزاله اوف حمل كلبي ثكيل......
غزاله هذا بيتج قبل ما يكون بيتي بلكن الله يفرجها ونرجع وين منطقتنا ووين بيتنا ااااوف
غزلان:الله يحفظج النا يارب
امل:شوفي ربج شكاتبلج تشوفيه.
غزلان:ونعم بالله
الهام:ماما درسيني باجر امتحان
امل:تعالي يله.....
الهام:اي جيتج.
مشى الوقت وثاني يوم بال٦الصبح اتصل حسام على امل وحلف اله يوصلها ويوصلها الهام لدوامها
امل كالوله انه اليوم آخر يوم عندها اجازه....بس حسام صمم يوصل الهام ...وبطريقة يوصلني من عرف اني موجوده يمهم ....اني هم بدلت كشخت وحبيت مكياج خفيف.....ماعرف ليش بس عجبني اهتم لنفسي بيوم من الايام ولو لمره بحياتي.....
اجه حسام ووصل الهام لمدرستها وراها ذنبي لدائرتي....
بالطريق سألني عن سبب تواجدي ببيت امل......
جاوبته :بأن احنه مسيرنا سنه احنه خوات كل وحده منا عامود نشكل مثلث ثلاث أضلاع الواحد لو قل توازنه
ينهدهم كل التوازن....
جاوبني:الله يحفظكم.....
حسام بداخله تلال حجي بس اني مناطيته مجال وصلني لدواامي وتشكرته.....نزلت دخلت الدائرة وموج اتصلت عليه
ماكدر ما جاوبها جاوبتها.....
موج:الو
غزلان:الو
موج:هلو شلونج
غزلان:على الله
موج:انتي بالدوام؟
غزلان:اي بالدوام .....
موج:تعالي للبيت ارجعي محتاجه بالبيت عايفتني وحدي
غزلان:انتي تهينين بالعالم وتردين نمشي طوع امرج تحترمين حالج ارجع تدرين شغله؟؟؟
موج:شنو؟
غزلان:اليوم حسام وصلني الدائرة
موج:هااا .........باي
غزلان/سدته بوجهي التليفون اني اتعمدت اكوللها حسام وصلني اررريدها تقلعه من بالها مثل ما اني رفضته اريدها تفكر بشكل اعتيادي اريدها ترجع موج اختنا ...سديت التليفون ووكفت دوامي بشكل اعتيادي....بعدين حسيت ب وعكه صحيه طلبت اجازه من الدوام وطلعت ب١٢الظهر رجعت للبيت لكيت امل مسويه تمن برياني الاول بارحه طبعا تذكرني بطبخ امي.....نزلت ملابسي وبدلتهم.. وغسلت ومشيت وسولفتلها على مكالمه موج الصبح،،، امل طكت من الضحك....صارت ب١اجه حسام وجايبها ل الهام من الدوام.....امل كالوله اله تتغدى.. ام ربيع هم حلفته يبقى.
موج/سديت الاتصال من غزلان وكمت افور احير شاسوي
رحت على أبويه لكيته ضايج لان غلطان بحق بناته ضميره صحه واني تخبلت يعني ماكو احد يردعهم
أبويه ضل يمدح بشخصيه بناته امل وغزلان وبس الوم عليه اني متسرعه وإنسانه عجوله.... ولازم اعتذر
صعدت لغرفتي ونار بكلبي تسعر اجت بعيوني البوم الصور فتحته وشفت طفولتي شلون امل شايلتني يعيشونها وغزلان شلون تلاعبني وره دقايق تذكرت حسام وحجي غزلان اليوم سديت الألبوم شمرته وتمددت على السرير
بعد ربع ساعه اجه أبويه للغرفه دك الباب وفات.
________يتبع
رأيكم
ملاحظه _ابطال القصه يتابعون وياكم
تحياتي الكم الكاتبه شهناز الخزعلي
جيمن جلال nJaymi
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
