لاسلطة فوق الحب(مكتمله)

البارت2

البارت 2 من القصة الحقيقية #لاسلطه_فوق_الحب بقلمي #الكاتبة_شهناز_الخزعلي  #Jaymin

بابا وصل للمستشفى وخالتي نوال استقبلته وبابا شاف خالتي نوال جانت كاعده ولازمه ايد امي ،وامي جانت متمدده على سرير من شافت أبويه استعدلت مكانها

نوال:هلو ابو امل وين هالغيبه حيرتنا حيره
ابويه:جنت طالع للشغل

نوال:دشوفها شحالها
ابويه:شبيج ام امل شجرالج؟
امي:اني..
ابويه:انتي شنوو
نوال:اعصابك عيوني ابو امل المره حامل

ابويه من عرف بخبر حمل امي اتنرفز وصار عصبي وراد ينهد عليها لو ما خالتي نوال منعته عنها

وضل يصيح....هاااا ياااام البنات تردين تجيبيلي عله رابعه هاةةة
ضرب الميز بايده بقوه وطلع.....وامي ضلت تبجي و انهارت ،خالتي ضلت تهدئها

امي:نوال ذنبي شنوووو اني حامل اني عجبني يصير عندي ولد يشيل اسمه وافرح بيه ويفرح ابو امل هم ويايه

نوال:رزق الله وانتي متدرين شنو الصالح البنات نعمه الهام اني متزوجه من سنين وظفر طفل ماعندي استحمدي ربك وشكري واذا على رجلج هو من وحده
يستقر والله يهدي

الهام/امي:الحمدالله والشكر

*ماكو شويه وابونا اجه وأخذ امي وخالتي جابهم للبيت
خالتي باتت يمنا الان بوقتها الساعه ١٢بالليل ...خالتي نامت يم امي بالغرفة وابويه طلع نام بالصاله
احنه البنات ل٣تسحبنا بهدوء الغرفه موعدنا نلعب ونضحك ويه خالتي وماما وكلش فرحنا من عرفنا راح تجينا اخت صغيره نلعب وياها ،ماما صح تضحك بس جنت احسها مخنوكه ماما جانت حامل بالشهر الثاني

احنه نمنا بس امي ضلت تحجي ويه خالتي بالليل
ويسولفوت سوه........

امي/الهام:تعبانه صلاح ليش تغير عليه شفتي شكد ميطيقني نوال كلش متنك كلبي وخايفه على الطفل الي ببطني وكلبي واجعني

نوال:كافي تشاؤم باوعيهم شلون حلوات نايمات ملائكه

الهام:حقج لج مشايفتهم من يرجعون من الدوام كان حرب البسوس داخله للبيت واضل أسبهم واتعب ابوهم وامهم هههههه

نوال:الا في دضحكي انتي شجاج كل ماتحبلين تجين لبيتنا تركضين جنج طنطل هسه شبيج حتى الهوه يكفخج

الهام:اسمعي

نوال:شنو

الهام:التلفون ديدك وصلاح نايم وبهللوقت .....اروح اشوف منو

نوال:دعوفي دكعدي خلينا نسولف هذا تلكي لو رجلي لو ابوج

الهام:هسه جايه .........

*امي راحت الصاله حتى تشوف شنو سالفه الاتصال هذا الي اجه ويه ما امي رادت تشيل التليفون أبويه صااااح...