البارت19 من القصة الحقيقية #لاسلطة_فوق_الحب بقلمي #الكاتبة_شهناز_الخزعلي
موج/رحت على أبويه لكيته ضايج لان غلطان بحق بناته ضميره صحه واني تخبلت يعني ماكو احد يردعهم
بناته المصونات...
ابويه:موج
موج:نعم
ابويه:باجر تروحين ل اخواتج تعتذرين ويايه
موج:ليش بابا
ابويه:خواتج أكبر منج واذا بالنسبه لحسام ف انتي بالذات اذا تقدم لج ارفض وهذا آخر كلام
موج:بابا ليش
ابويه:ها لاتنسين تحضرين جنطه هدومج..
موج:هدومي ليش؟
أبويه:روحي ابقي يم خواتج....يله تصبحين على خير
موج/ابويه لوضاربني طلقه ولاطاردني.....اني الغبيه
اني الذليت نفسي أبويه يح
يطردني شنو حسيت بثقل هالكلمه الي اكلها
يهالاثناء دخلت ناديه وسدت الباب اني جنت بوكتها دابجي
وكعدت على الكرسي كدامي وكالت:هااا اليوم آخر يوم الج هنا مووو؟
صراحه انتي سويتي هوايه مشاكل وتجاوزتي على خواتج وطعنتي بشرفهم حتى كمت انقرف من وجودك
اني الي كتله ل ابوج يووديج اخواتج همه يتحملوج وتدرين ابوج مريض ووو...
موج:ايا سافله ...
ناديه:ااااش لاتتجاوزين تره اكدر اسويلج مشكله واخلي واحد من اخوتج يمرد حلكج مرد...
نامي حبيبتي اتمنالج احلام سعيده
موج/اااااااااه والله والله بعد مااعتب عتبه هذا البيت لوتنكلب الدنيا....
كمت حضرت الجنطه مالهدومي ...ونمت
مر الوقت وثاني يوم بابا وداني ل بيت امل ...امل من شافتني اني تفاجئت ووونصدمت من شافت جنطه ملابسي ويايه،،، ابويه خلاني اعتذلهم وهو اعتذر ل غزلان وباسها من راسها
بس سكتت ...امل ضيفت أبويه وراح.....
امل:انتي اختنا مهتما صار وانتي وغزلان روح بروح وامشي شيلي جنطتج ودخليها بالغرفه مكانج وويه غزلان
موج:اني اسفه صدكوني جان مجرد احساس حسيته اتجاه حسام وهسه راح بعد انتو خواتي وسندي
بنات اني كلش متأسفه.
غزلان:مو عيب الانسان يغلط بس الاهم انه يعترف بغلطه...يله عادي تصير نبقى من دم ولحم .......
موج/الايام والاشهر مشت واني عشت وياهم واشوف عيون حسام بيها هوايه حجي اتجاه غزلان، وغزلان متجاهله كل الموضوع حسام جان مشغول بسالفه الوثيقه مال مدرسه الهام ..يردوها.....يعني ديفكرون
يروحون للمنطقه ويجيبوها وبنفس الوكت يجيبون اغراض من البيت والزايد من الأغراض يبيعونه بس يا ترى منو الي لازم يروح......حسام وهناك مبادرون يروحون لان القتل على الأسماء وعلى ألهويه.....
غزلان هيه أعتبرها تروح لبيتنا وتجيب وثيقه الهام ...
غزلان/اني الي قررت اروح .....احيانا الانسان لازم يتحدى الخطر علمود يكافح ويوصل ويحقق خطوه نجاح الي يريدها اني جان لازم اروح لمنطقتنا لان الطفله مستقبلها يروح وهنا من يشوفون انسان محتاج مساعده يدوسون فوك رأسه..جهزت نفسي وحصنتها بالقرآن وطلعت
حسام:خليني اوصلج لاتروحين وحدج
غزلان:لا اني طالعه مادام ساعه٩الصبح خليني اروح بفالي
حسام:ان شاء الله ترجعين سالمه
امل:خابريني عود
موج:خليني اجي وياج
غزلان:ماكو شي.... .يله باي الظهر اني يمكم
غزلان/طلعت وكلبي يرجف ...طلعت وكفني باايدي
طول الطريق الخوف ماكلني ...التكسي ذنبي يم مدرسه الهام ...رحت جبت الوثيقه....الخطوه عدت بسلام.....
وبعدين رحت افتت من يم بيت جدي ........شفته مهجور والزرع ميت....والحايط مشخبطين عليه......التراب كووومه......دمعت عيوني تذكرت جدي المرحوم من يجي من الشغل ويدك الباب واحنه تركض عليه حتى نشيل المسواك من يجي ...جريت نفس ومشيت لبيت امل بيت ام ربيع شفته بيت نظيف ومرتب وجمال طالعين منه ويتراكضون ويلعبون تخبلت ...كبل دفعت الباب وفتت للبيت لكيت نسوان ورياجيل كاعدين بيه عائله
-منوو انتي وشلون تفوتين؟؟؟؟
غزلان:اني هذا البيت بيت اختي انتو عندكم هنا؟
-احنه مرايب حجي كمال ووماجري البيت
غزلان:منين؟؟؟؟
- من مختار المنطقه حجي كامل
غزلان:باعوو البيت معروض للبيع ولازم تخلووو كدامكم يومين....
عفتهم وطلعت .....شااجيب ياغراض تالفين البيت تلف ....
طلعت واني بطريقي لبيت المختار حجي كمال وووو خابرت امل ..
غزلان:امل الحكي ......_________يتبع
رأيكم
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
