_ام الهام اني كاصدج بشغله
_اي تفضل ؟
_اني انسان مطلق من٧سنوات وما عندي اطفال ..حبيت أعرض عليج ان اتقدملج على سنه الله ورسوله .
_امل:بس اني بنتي بطولي مااكدر يعني سألتها من بالي من ٩سنوات او اكثر من وفاه زوجي المرحوم اني اذا تزوج منو لخواتي وبنتي اني مثل امهم
_اني بعدج وغيره ومحتاجه احد يمج الج
اني اتركج تفكرين واتصل بيج بعد يومين....
امل:ماشي ان شاء الله
_في امان الله
_والله وياك ........
امل/ سديت التليفون لكيت الهام واكفه فوك راسي...
الهام:مبروووك اتزووجي.
امل:لا ما وافق ....
الهام:لا امي اني موافقه من كل كلبي ماما انتي ماشفتي شي بحياتج واني صح احب بابا الله يرحمه بس هو راح من وما وعافج وعافني وحدنا وانتي شفتي هموم يابو هموم....وهذا خوش شخص من جنت بمدرسته طول ٦سنوات دوم يوصي المدرسات عليه
اتزوجي ماما
امل:فدوه هالكلام الحلو يا حلوه الحلوات
امل /خابرت خواتي وطلبت منهم اجتماع طارئ على باجر الجمعه حتى هم اعزمهم على دولمه
وفعلا ثاني يوم اجتي همه وبناتهم تغدينا وفتحت الموضوع.....
امل:بنات اني اكو شخص متقدملي وشكلي راح أوافق تتذكرون مدير بنتي من جانت بالابتدائيه هوه...
موج:يااا امل شبيج تخبلتي شضل بعمرج حتى تتزوجين؟
امل:ليش موج اني توني٣٧سنه يعني من حقي اتزوج ويصير عندي طفل
موج:هيهي والله يا الله بنتها بطولها وتريد تتزوج ....بابا شبيج تخبلتي؟؟؟؟؟؟؟
غزلان:عفيه موج ماتحجي شي عدل وبي خير
حبيبتي اموله ادري بالموضوع شويه صعب بس اذا شفتي نفسج محتاجه لهذا الشي تتزوجي ومن الله التوفيق اول وتالي انتي تعبتي هوايه ويانه
موج:اوووف شنو انتي جايه تزقنبينا وتسلمين بدنا لعد اخوان ربيع وخوات ربيع وين عايفيج هيج وينهم عنج وعن بنتج الهام؟؟
امل:كلهم بحبوني ويعرفوني رزنه وكد كلامي موج كافي تره انتي تدوين بالبيت وماتحسبين حساب ل أكبر منج
موج:اي روحي وزوجي شلي دخل غير خايفه على مصلحتج يروح الرجال التتزوجيه يتحرش ببنتج ...
غزلان:لج موووج.
موج:اهووو اروح اشوف بنتي وين صارت...
غزلان:معليج بيها اموله ربي يهنيج
امل/ابتسمت ابتسامه خفيفه ومشى الوكت كلمن راحت لبيت زوجها واني ضليت بالليل لوحدي الهام نامت وضليت بالمطبخ اغسل مواعين وجدوره وصواني
وافكر بحالي لوحدي راح اشيب وهاي فرصه لو هذا راح ماعتقد يجي احسن منه المن ابقى هنا خدامه لو اطفال اخواتي واخواني لوو منو موج الي تحجي بااسلوب وقح وهذا شرع الله والهام موافقه ......
مشى الوقت ومرت الأيام ورجع اتصل عليه وافقت على عرض الخطوبه.....وراح خليني رسمي الكل يفرحلي والكل اجه بالمهر المشايه جانت سيارات على طول الشارع وحفله بسيطه والزواج جان بين الاهل وبس مختصر .....لان سويناه بالعطله وكلنا نسافر شهر عسل والهام تجي ويانه مانعوفها ......من تزوجت عشت بيته وبيت جدي.ضل مفتاحه يم غزلان يبقى بيت العائله......مرت الايام ودخلنا بسنه ٢٠١٦
اني حملت طبعا وبالسونار طلع ولد صرت بشهر الخامس من حملي .......
وعمار هنا صار انسان مستهتر وكاضيها ويه زيدان يهدد بالبنات ويتعرف ويعوف نفس طبعه ما تغير .....
خالد ملتهي ب عائلته ووناسي الدنيا
عمار/بيوم من الايام جنت طالع ويه زيدان بسياره زيدان شربني حبوب كبسله صرت اشوف العالم ٢
جنا مسوين كعده احنه نطلع طلعه ويه ٢بنات طالبات سهره ونرجع وتونس وهسه وكل من يشوف طريقه
بس بالاخير امي لكتلي بنت ناس كلت خلي اخف للعب واتزوج بعد واستقر لكتلي بنت مواليدها٩٥ اسمها ورود
اتزوجتها ...بس مابطلت سوالفي نفسها اغلب وقتي بالشغل لو ويه زيدان ....
وامل ولدت طفل سمته (ادم) وحيل فرحانه بيه وابوه هم باعتباره اول طفل اله بعد هالسنتين والهام حياتها امتلت احسن من قبل صار عندها اب راقي ومحترم ويحبها ويعاملها مثل بنته
هنا
وحياه البنات استقرت وكل وحده تختلف بين تعب وحزن ووالم وفرح بس بعد ما العراق انتهى من مرحله داعش
والايام صارت اجمل واحلى والحمدالله
بس هنا وابو البنات صلاح تمرض مرض قوي ومرضه موات ......بالبنات اضطروا يخابرون نواره حتى ترجع هيه وامها للعراق وفعلا نواره رجعت شافت أبوها وسكنت بيت جدها الي جانت امل ساكنه بي.
وبعد شهر من رجوع نواره _______يتبع
رأيكم
ملاحظه _ابطال القصه يتابعون وياكم
لاتنسوا ضيفوا روايه البذرة الخبيثه وسوو تصويت
تحياتي الكم الكاتبه جيمن جلال Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
