دخلنا بسنه ٢٠١٥ نواره ضلت يم بيت حجي سامي الي من المفترض عمها بين رزاله واهانات من قيصر وكل يوم مكفوخه منه بس بنفس الوقت ابتدى يتسلل بينهم
نوع من السوالف صاروا يتغدون كل يوم سوه ويسولفلهاا عن شغله ومواقفه ويه أصدقاءه
نواره جانت تتعارك وياه اكثر من يسولفون لدرجه وصلت انه قيصر يحس بالنقص اذا ماتعارك ويايه واني احترك واضل الوب شهالورطه
بنفس الوقت امل جانت كاعده وغزلان اجت يمها تبجي و تصيح:لج امل طلع الواجب راح بعد وين وين يله يجيني ومدايسمع كلام شلون بيه لج ماضل بيه عقل
امل:اهدئي ان شاء الله يرجع الج بالسلامه لا تخافين
بس هسه دوريلي ابوج رجع من السفر خالتج سوده الباب على روحها وتبجي وبس تصلي وتدعي
غزلان:البارحه موج اتصلت عليه وكالت عود أبويه رجع
من السفر لان موج مخابره على ناديه ومجاوبتها
امل:لج امشي خل تروح كلنا ونفهمه بالصار
وغزلان:لج وروزه وين اخليها
امل:خليها يم الهام ...دمشي
غزلان: شبيج موج بارحه تحاجيني وووتبجي
امل:شبيها؟
غزلان:تكول طلع بيه بنيه بالسونار ووسجاد كالب يريد ولد وداينقنق براسها
امل:منين اتلكاها دمشي نروح ل ابونا وبعدين نشوف شنسوي ..
غزلان:صار
امل"يمكن ظلم ابونا ديتكرر بسجاد زوج موج بالي مشوش عمري٣٦سنه وكبرت كلبي شيب بسبب هذني البنات ...رحت اني وغزلان وخالتي نوال لبيت أبويه. فتحت الباب النا ناديه.وخلقتها مكلوبه لان تغار من عندنا ومن خالتي نوال ...عمار وخالد سلموا علينا...أبويه اجه
امل:شلونك يأبه اخبارك حمدالله على سلامتك
ابويه:زين الحمدالله انتي وخواتج....هلاخيتي ام نواره اشلونج
نوال:خويه شحالني،،،،، شلوني هاي الدنيا دارت عليه
ابويه:ليش شصار يا ستار
نوال:نواره💔.......امل احجيله
امل:يأبه بنتك بخطررررر
ابويه:بنتي منوو؟موووج شبيهااا
امل:لامو موج نواره
ابويه:نواره؟؟؟
امل:أبويه نواره اختي من آمنا وبنتك تتذكر من عمو سليم الله يرحمه اجت كتلك الطفله ماتت ويه امها.....ما ماتت نواره اخذتها خالتي لان امي طلبت تعاقبك وتحرمك منها لانك اتزوجت ناديه و حركت كلبها وماتت وهيه غضبانه عليك روحها هنا تفتر علينا حرمتنا من امي علمود ولد هذوله ولدك كبالك فادوك بشي جاووبني؟
ابويه:نواره وين ؟؟؟؟
نوال:حجي سامي اخو سليم اجه هو وابنه قيصر من ردت اسافر تأخذها واروح كل فكره بنت اخوه
اخذها وفيصل نهى عليها ومن عندت وياه اخذوها صار١٠ايام اخذوهاااا منييي
ابويه:خلونا نروح
الاب/اني خسرتهم تبعت مصلحتي وكسرتهم ،،،،فرقتهم وشتت بناتي وعززوتي.....اخذتهم واخذت ولدي ورحنا بيت حجي سامي ....وصلنا والزلمه استقبلنا برحابه صدر....
سامي:اامرنا حجي خطوتك عزيزه
صلاح:جاي اخذ بنتي
سامي:بنتك منو؟
صلاح:نواره بنتي
قيصر:نواره بنتي عمي وماكو غير كلاممممم
نوال:شنووو؟ انت بكيفك تحجي عمك مااايخلف عقييييم واي كل التقارير الطبيه شووووفهااا........
قيصر:صوتج لاترفعيه
نوال:واكسر راسك ماااتقربك نواره موبنتي نواره بنت الهام وصلاح واختي سجلتها بااسمي قبل ماتموت وصتني عليها ولكم ماعندي غيرها عزيزه كلبي هيه ليش خليتوني بهالموقف كبالهااااااا.
نواره جانت واكفه يم دنيا ووووووووتسمع صاااافنه ومصدومه و________يتبع
ملاحظه _ابطال القصه يتابعون وياكم
رأيكم تحياتي الكم الكاتبه چيمنjaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
