البارت13من القصة الحقيقية #لاسلطة_فوق_الحب بقلمي #الكاتبة_شهناز_الخزعلي #Jaymin
موج/ويه وقت الغروب رحت ل غزلان جانت كاعده بلمطبخ
موج:غزاله
غزلان:همممممم شتريدين؟
موج:ليش ما نروح لبيت امل
غزلان:امل ما عندها بيت ...قصدج بيت حسام؟
موج:اي هههههه
غزلان:لا عيب من تحتاجنا نروحلها واني كتلها اي شيء تريدين احنه موجودين.
موج:أي ماشي...
امل/الوكت مشى وثاني يوم وديت الهام للمدرسه ومناك طلعت ادور بيت للايجار ....بيت وبيتين والثالث لكيته مناسب الي بي ٣غرف نوم وصاله وحمام ومطبخ
وحديقه وممر صغير ،بس سعر اجاره غالي ....اني هم كلت خلي شويه اشرح وضعي اله بلكن يراعي ظروفي
وحجيتها انه اني مهجره وبس الله المعين وفعلا قلل شويه من الايجار....حجزتها وطلب مني اجار سنه بس منينلي آخر شي قنعته على٦اشهر مقدما
وكتله باجر ادفعلك اجار٦اشهر مقدما ...رجعت للبيت
دخلت لكيت حسام وهمام موجودين والهام جايه من المدرسه اويلي سرقني الوقت وماحسيت بروحي من حد مالقيت الشوارع علمود الكه بيت يلمنا لكيتهم بالبيت
حسام:الله يساعدج ...
وامل:ويساعدك
حسام:وين جنتي تاخرتي وخليت همام يجيب البنيه
من المدرسه ....
ام حسام:يله حسام شلك دخل بيها قابل صغيره تره امل خوش امل
امل:جنت ادور بيت للايجار ولكيته حجزته و باجر راح ادفع فلوس الايجار مقدمه ٦اشهر
حسام:ليش ام الهام ليش هيج احنه ضايقناج بشي؟
ام حسام:لابنتي ياعيبه العيبه والله منورين البيت
ابو حسام:لبنتي هذا البيت بيتكم واحنه خطار.
امل:ماتقصرون والله انتو شلتوت شيل من اوك تي بس ارجع واكول عظم الانسان ثكيلة وسالفتنا راح تطول
مو مال يوم او يومين
ام حسام:زين تتبهذلون الإيجارات تكسر الظهر
امل:ربج المعين خاله .
*المهمممممم دخلت للغرفه كعدت على الجربايه ولزمت رجلي ااااه توجعني واصابعي تفركست من المشي
صار بيها مي ........جبت ابره وعقمتها وفشيتها....وعصرتها ب كننس وشديتها...
ام ربيع جانت نايمه من اجيت كعدت....باوعتلي
ام ربيع مريضه وكبرانه بالعمر......رحت يمها.......كتلها:
...لكيت بيت بس اجاره غالي
ام ربيع:يمه اني انطيح البتوت وبيعيهن
امل:عندي ذهب وعلى راتبي شي يحمل شي
بس اكول خساره تعب العمر والجمعتهن تروح على الايجارات ،عمه الايجار بير ياخذ وماينطي
ام ربيع:دخلي هالبتوت واني عند خير واني شكد باقيلي من العمر حتى البسهن
امل:طوله العمر الج......
ام ربيع:دخذيهن
امل:صار عمه والله ماعرف شلون اجازيج
ام ربيع:لايمه انتي بنتي
ام حسام:كواكم الله كافي تتودودن كومو اكلو صبيت الغدا
امل:خاله دنتعبج ويانه...
ام ربيع سبقتني على السفره واني اخذت البنات وشويه ذهب خليتهم بالجنطه.....
وطلعت تغديت على السفره ووكلت الهام وغسلتلها
داريد اطلع حسام وكفني......
حسام:وين رايحه؟
امل:عندي شغله
حسام:شنو هيه ؟
امل:دابيع شويه شغلات محتاجتهن واريد امر لبيت أبويه مناك .
حسام:اني اعينج بالاكدر عليه بس لاتبيعين
امل:حسام انت ماقصرت بس خليني اعتمد على نفسي
حسام:زين شلون راح تروحين
امل:عبريه
حسام:اني اوصلج...تروحين تنباكين فلوسج تروح؟
امل:صحيح
امل/رحت اني وحسام وبعت ومناك تسوكت شغلات لبيت أبويه حتى ميروح ايدي فارغه هاي الأصول...رغم محد ذكرني بشلونج من أبويه واخواني بله خواتي مبيدهم شي .....
رحت اني وحسام وصلت هناك دخلت قبله ........
خواتي استقبلوني ...بسسسسس.....________يتبع
رأيكم
تحياتي لكم الكاتبه شهناز الخزعلي
چيمن جلال Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
