ايام وأشهر وموج مصممه على موقفها مترجع ووتطلك منه ....بس بنفس الوقت امل نصحتها ترجع لسجاد وهيه جوه وضرتها ندى فوك......
بالضبط شلون ما أبويه قسمها ناديه فوك وامي جووه
بس امي راحت.......
موج:اني اريد اتطلك منه بعد ما اتحمل اعيش والله
امل:وتصيرين مطلقه
موج:و شنو يعني ؟؟؟
امل:لج شنووو ...شنو يعني انتي نسيتي مطلقه من حسام ،نسيتي لووووو اذكرج تحبين وتتحملين انتي الأولى مو لخاطر اخد لخاطر بنتج نهر ......باوعي فكري عدل قبل ماتقررين اي خطوه .....اسمعيني زين
اهلنا شيكولون يكولون الرجال رحمه حتلو فحمه
فكري زين.....اني مشايلتج فوك راسي هاي بيتج انتي وغزلان ونواره بس العالم تحجي
موج:اي بس لو ميت احسن بمكان عبد الرحمن
امل:غزلان بلوتها بلوه الله يعين كلبها شلون حالها هسه مسكينه .....المشكله لو بس لاكين الجثه مالته جان نسويله فاتحه لج موووووج أحمدي ربج وروحي لبيت رجلج هاي وكتبت عليج.....
موج/فكرت هوايه وتعبت من التفكير آخر شي خابرت سجاد وكتله تعال أخذنا اني ونهر للبيت
رحت هناك وعبد ماشفت ندى زوجته الثانيه وابد ماسئلته عنها ولاصرت احاسبه والتهيت ويه بنتي نهر وبدوامي ........وفهمته انه اني ماعندي اي مسؤوليه
اتجاهه....الحياه مشت وبعد مرور٩اشهر ندى خلفت ولد سمته محمد ...سجاد صار ميصيحوله ب اسم بنته نهر
يصيحوله ب اسم ابنه ابو محمد .........
غزلان/مالكينا جثته ما رجع ماكوووو خبررررر.......عبد الرحمن ليش رحت وعفتني...
خالتنا نوال تخابر ونواره تسئل عنا وتخابرنا كل يوم
نوراه/صح رحت ويه امي نوال وكملت شغلي وكنت بدراستي....قيصر ابد ماما اني كل يوم يراسلني ويسولف ويايه ونحجي كاميراا وتحلفلي اذا يشوفني يركعني بكفخه😂😂💔مادري شكووو مرات اصفن ويه نفسي واضحك اكول معقوله حبيت هالشخص
كلشي كبالي بس هوه ببالي بس مع الأسف 💔قيصر
تزوج ......الشاب العراقي مايوفي زين لو هو حبني ليش تزوج جان اكدر اسحبه ل أمريكا...... نسيت
هو متزمت وعايش دور العادات والتقاليد الي ماتخلص.....مرات اتمنى ارجع للعراق بس المن وووين
وشيرجعني ؟ لو مرات اتذكر عمار شلون من حاول يزحفلي وهوه اخويه لا اني ولا هو ندري اقدار
وايام متعرف سلامه للواحد بس كل ما بالامر اول وتالي اني احسن منهن .......
الهام/تمر ايام عليه اكضيها بغرفتي وحدي وابجي ومن تجي امي امسح دموعي ماريد ابينلها اريدها تهتم بيه من راح زوج خالتي غزلان وروزه يمي ومرات خاله موج تجيب نهر يمنا همه شويه يونسوني ياريت لو عندي اخت ياررريت......
موج/اموت ...قهر من اشوف سجاد يطلع ويه ندى ويرجعون فرحانين وباايدهم المهم محمد واني مايذكرني يجيني يحجي من وره خشمه شنو ذنبي ياربي ......يوم إلها يتعب تعبووماينام الايام واليوم الي يمي يكضيها على الحاسبه لو على الانترنت كانه ماخذ اجازه من بيت الزوجية المشكله اني هم حقي ومن حقي........
بشهر ل١٠ من٢٠١٥_________يتبع رأيكم
ملاحظه _ابطال القصه يتابعون وياكم
تحياتي الكم الكاتبه جيمن جلال Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
