بشهر ل١٠ من٢٠١٥ غزلان وروزه جانو يمنا وموج هم جايه تشكي من اهمال سجاد.....حتى بوكتها خابرتنا نواره وضلينا نسولف كلمن حايره ببلوتها
جان نسمع هوووسه بالمنطقة وطلقات واندكت
اني طلعت اركض افتحلكم الباب الكه عبد الرحمن كبالي مالحكت اسلم عليه بس ضليت اصيح بعلوا صوتي .........غزلان ......غزلان
غزلان/امل صاحتني واني كلبي مخطووف يمكن جثه عبد الرحمن اجتي ......طلعت اركض والبنات يركضون ورايه ووومااشوف اله عبد الرحمن كبالي واااكف بطوله
رحت كبل حضنته بس هو بعدني عنه لان مضروب طلقه بصدره والخياط يوجع وطلقه ب كتفه مستقره وبعدها ممطلعيها ....المهم روزه فرحت واني طرت فرحه والهلاهل ملت المكان بعد فقدانه١٠اشهر محد يحس بالموت والانتظار والألم والظلام كد الي عاشه الحمد الله والشكر من رجع زوجي واابو بنتي ......حياتي ماكلكم حلوه بس صارت احلى رغم علته ل عبد الرحمن ومرضه بس اني زوجته ولازم اتحمل ....عبد الرحمن جان أسير لداعش وتصوب حجي طويل بس الحمدالله من الله فك اسره هو ومجموعه شباب الله كاتبلهم يعيشون ورجعلي
عبد الرحمن رجع يشتغل شغل عادي مثل قبل مو عسكري ووين نهايه سنه ٢٠١٥ صرت حامل من جديد😍
بهذا الوقت الي اني فرحت برجعه عبد الرحمن ...موج جانت تموت قهر من سجاد وتفكيرها العدواني رجع
بالتحديد من صارت تفكر نفسها معلومه وكل متشوفين تلطم بوجهيي وتكول هنيالج رجلج وحدج وماتقدر تكول زوجها من رجعلها رجع مريض او رجع لخاطرها ربها لطف بحالها .......
امل بيوم من الايام جان يوم خميس امل اجازه ماخذه وكاعده بالبيت والهام رجعت من المدرسه .....
الهام:ماما شلونج
امل:امممم اشو شلونج؟؟
الهام:هههههه ها ماما غير احبج ....
امل:يمه ضلعتي بنيتي
الهام:ماما تتذكرين مدير مدرسه الابتدائيه الي جان ماعندي وثيقه وخالتي اداوم ك مستمعه عنا انتي وعمو حسام جبتو الي الوثيقه
امل:اي والله الله يحفظه ساعدنا شويه بووكت عوزتنا
الحمدالله الله يسخر الطيبين ....بس خير شذكرج بي؟
الهام:مو هو شافني وسلمت عليه وسلم عليج وكال اريد احجي ويه ماما
امل:يحجي ويايه ؟؟؟يا ستار يارب
الهام:شكووو هوه يجوز معجب؟؟
امل:اتبسسز
الهام:تره نطيته رقمك لان رادج بشي ضروروي هو كال
امل:لج شنو انتي ممتربايه شو صلفه عليمن طالعه ؟؟
الهام:اذا صلفه ف اني ف طالعه على موج واذا طيبه عليج واذا حساسه على غزلان واذا سبورتيه على نواره هاااااا😍
امل:ماينكدرلج روحي بدلي
مشى الوقت وصار العصر ......ومدير مدرسه بنتي ايام الابتدائيه اتصل بيه
_مرحبا ام الهام اشلونج ان شاء الله زينه الاهل شلونهم
_الحمدالله استاذ بخير
_والله دومكم ببالنا ونسأل عنكم بس انتي تدرين هاي ثلاث سنوات مرت بسرعه وانشغالات
_الحمدالله يا استاذ والله الدنيا تلعب لعب بالواحد ماتخليه يندل طريقه بس علينا الصبر
_ام الهام اني كاصدج بشغله
_اي تفضل ؟
_اني انسان مطلق من٧سنوات وما عندي اطفال ..حبيت أعرض عليج ان اتقدملج على سنه الله ورسوله .
_تتقدملي؟؟؟؟؟؟..........._________يتبع
رأيكم
ملاحظه _ابطال القصه يتابعون وياكم
تلاحظون شلون القصه صارت تترابط ويه أحداث الأجزاء الماضيه ...شنو توقعاتكم ب رده فعل امل اتجاه طلب مدير المدرسه إلها
رأيكم بالبارت جان بي فرح وحزن وعلامه استفهاام؟ مو صح
يا ترى ما هو القادم؟؟؟؟؟
اذا عجبتكم القصه شاركوا رابطها او رابط واتباد وسووو دعوه لجميع صديقاتكم لمتابعه الروايه ولتشجيعي على الاستمرارية
واكو بيكم يشكون من قصر اجزائي اكررها الكم اني كتابه قصصي قصير نادرا ما تكون طويله
تحياتي الكم #الكاتبه_جيمن Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
