البارت10 من القصة الحقيقية #لاسلطة_فوق_الحب بقلمي #الكاتبة_شهناز_الخزعلي #Jaymin
امل/سديت الاتصال وكلي خيبه هه وين اروح وين اجي
تمنيت يكولي تعالي ولاتشيلين هم أصعب يوم بحياتي
معرفت افكر واتصرف كل الي قريته اتصل ب حسام صديق زوجي المرحوم بالعمل .... واتصلت
امل:الو
حسام:الو هلا ام الهام يا هلا بالغاليه
امل:رحم الله والديك بالمهلي
حسام:اشلونج خو ممحتاجه شي
امل:دزولنا تهديد
حسام:شنوو تهديد
امل:منا لباجر لازم نطلع الصبح لازم طالعه اني
حسام:احجيلي ...
*امل/حجيت اله بوضعنا والي صار ويانه ...والنخوة صعدت عنده وكال:
حسام: جاييكم انتو بركبتي واسكنو يمنا منا لحد ما الله يفرجها ومانقصر وياكم
امل:بالااخاف نزاحمكم هيه كم يوم ونطلع
حسام:يا ام الهام لاتحجين هيج والله نفرغ الكم البيت
وعلى رأسنا تصعدون وتاامرون انتو انتو اجهزوا ولموا غراضكم واني اجيب لوري واجي
امل:لالاتجي يروح يكتلوك هنا المنطقه مو امان واليدخل بيها ما يرجع اله من النوادر
حسام:صار راح ننتظركم مثل ماكتلج ولاتشيلين هم واي شي يصير بلغوني
امل:ان شاء الله
امل/والله سديت الاتصال ورحت ل ام لربيع باوعت الدنيا مغرب مضل وقت صعدت ل الهام لكيتها نايمه بدون المدرسه خطيه ما فديتها اوف يا بنتي قصرت بحقج
ونزعتها الطاك مالشعر وحذائها وجواريبها وغطيتها ،نزلت
سويت بيض وطماطم ورحت ..داريد اكل لكيت ام ربيع لازمه صوره ربيع وتبجي حتى هالكمه ذبيتها من حلكي
ورحت يمهاااا
امل:شبيج يمه لاتبجين
ام ربيع:وين اعزف بيتي وانذل تالي عمري
امل:يايمه شنو هالحجي شنو تنذلين واني موجوده يمه هيه فتره ونرجع لبيتنا هنا بس احنه لازم نطلع لازم نحافظ على ارواحنا
ام ربيع:ومرت ابوج ناديه تتحملنا
لسانها طويل شطوله
ام:لاعمه لا مراح نروح يمهم راح نروح ببيت حسام صديق زوجي تعرفيه
ان ربيع:يااا فشله وبيت ابوج؟؟؟
امل:عمه بس اكلج شي وافتهميني هو اني ماتت مصدك شمرنا ببيت جدنا علمود ناديه وهسه كوه مرته متحمله خواتي .. اه يااارب فرج عني
ام ربيع:تعالي يمه تعالي بحضني
امل:مانبقى بيت حسام بس تضبط وضعنا نااجر
بعد ساعه وكفت بنصف البيت واخذتلي صفنه ......
هاي الاغراض شلون راح تنلم ومنو راح يلمها ومنو يجيب لوري وشيطلعني من البيت اخاف اطلع وبعد ماارجع
دخيلك ربي .....لوخواتي موجودات جان مايقصرون
الهم دياكل بكلبي اكل .....فكرت بيني وبين نفسي بكلمه جدو الله يرحمه من اجتي موج للدنيا وسماها موج
و جانت المشاكل بين امي وابويه مشتعله......
كاللها.....موجه وجع او غيمهة وتعدي اني هم تركت كلشي بالبيت على حاله وماحركت شيء ....بس اخذت ملابسنا بجنط وما الهام مال مدرسه وكم لعبه ......عفت كلشي وبنتي بالليل من كعدت
وسألتني كتلها:فتره ونرجع
الليل شطوله وماغمضت عيوني لحضه وحده تتصورون صوت البزونه يفززني انتظرت يطلع الفجر والناس تصحه،،،،،، طلعت والتفت وباايددي بنتي اخذت التاكسي وجبته للبيت لان الجنط هوايه وو وكبل طلعت لبيت حسام.. وطول الطريق أقره قرآن واكول استر علينا يارب. وام ربيع تبجي
وصلنا لمنطقتهم اي وصلنااااااااا غررريبين الناس عيونهم علينا هذوله منين وشوكت جوي ... ____يتبع
ملاحظه /ابطال القصه يتابعون وياكم
تحياتي لكم الكاتبه جيمن جلال Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
