البارت 5من القصة الحقيقية #لاسلطة_فوق_الحب بقلمي #الكاتبة_شهناز_الخزعلي #جيمن_جلال
راح نام واني ضليت اباوع على الفلوس الي ناطينياهم أبويه لزمتهم وضميتهم بالجيزدان حضرت هدومي للدوام ونمت.....ثاني يوم ..طلعت للدوام الصبح بس جنت لابسه كعب عالي وتنوره تحت الركبه وبدي وشعري طويل وجنطه زغيره طلعت من الباب مالبيت جدي جان اكو شويه هواء عالي ف شعري ضووجني وخرته بايدي مشيت خطوتين او ثلاثه مشيت من يم بيت ام ربيع .....ومنتبهت الباب مفتوحه وربيع دايريد يطلع للدوام، اني وامشي على كيفي رجعت السياره بيني وبينها 1سم لدرجه لزمت صندوقها
وكلت"انتبه .....
ربيع نزل :اني متأسف ما شفتج؟
أمل:اني الي متأسفه ممنتبهه الهواء سطرني
ربيع:انتي غزلان مو؟؟؟
امل:تأخر الوقت عن اذنك.
*تركته ومشيت من سألني انتي غزلان .....
رحت للجامعه واخذت محاضرات وبالي يم الطبخ شراح اطبخخ على الغده وبين أوقات المحاضرة ربيع يجي ببالي شديقصد بغزلان؟معقوله هو قاصدني
خلص وقت الدوام ورجعت اول مادخلت لكيت غزلان وموج متعاركين إثنينهم يبجون دخلت هديتهم ورحت بدلت ووكتلهم تساعدوني كالعاده بتحضير الغدا وجدي رجع من محله ووتغدينا ،موج وغزلان ناموا .....
وقت العصر ام ربيع دكت الباب واني جنت داغسل ملابسي واضرب اوتي للبنات فتحت الباب للمره
واستقبلتها بالصاله ...اجت لزمت ايدي وكالت:
ام ربيع"اي يمه شلونج اخواتج اشلونهم؟
امل"الحمدالله خاله زينين خير صاير شيء
ام ربيع"خير ي بنيتي خير جدج وين
امل"نايم .........
"""احم """احم
*هاي كعد جدي
جدي"هلا حجيه ام ربيع
ام ربيع"هلاحجي كاصدتك بطلب
جدي"اتفضلي
ام ربيع"جايه أخذ امل لربيع الولد جان رايدها واتشابهنا بالأسماء عبالنه ايريد غزلان .وشتكول
جدي"الشور شور البنت
ام ربي ها يمه امل شكلتي
امل"اليكوله جدي اني أسمعه .....
جدي"هلا على الخير والبركة وربيع خوش زلمه وجادود
باجر ننطي خبر ل أبوها
ام ربيع"اي لعد بعد المغرب نجي اني وابني لهنا
وكلللللووووووووش....مهنايه بنيتي
*طلعت ام ربيع واني طايره من الفرح....جدي كال انه لازم نروح ل أبويه واكيد راح يفرحلي....
مر الوكت وانتظرت ل اخواتي وجدي اجهزوا حتى اروح لبيت أبويه بعد السنين الطويله من تركنا اله ....جنا مضطرين نروح لان اول وتالي البنت ملزومة من ابوها
مردودها ل ابوها
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
