نواره جانت تسمع لكلامهم يم دنيا ضلت صافنه نصدمت
نوال:يمه بنتي....تعالي
نواره:مامااااا صدك هالحجي الي سمعته اني موبنتج
نوال:انت بنتي الفخر مو بالخلف بالتعب وربا واني ربيتج
صلاح:تعالي بحضني بنتي خلي اشتمج يا غالية
نواره:اني سعيده لان النهوه نفكت مني وخلصت بس بنفس الوكت ما راح تكون الي اب اني أبويه سليم ومات وامي نوال الي ربتني وتعبت عليه .والي وصلتني ل أعلى المراتب ....بالنسبه ل غزلان وموج وامل ف اني اعتبرهم اخواتي لان اني وحيده
نوال:لا نواره لاتحجين هيج باجر عكبه ربك يسئلج عن امج وابوج بيج يحاسبج عليهم ..
نواره :اني ماعندي اب والله بس انتي مساعده ابقى وياااج.
نوال:يمه حبيبتي شعندي غيرج
صلاح:اني راح اكون بضهرج بنتي وسند الج
نواره:جان سندت خواتي ؟؟؟؟اقصد بناتك ماريد اشوفك ولا اريد اعرفك وخليني ارجع ل امريكااا
صلاح:اني استأذن،يله خالد. وعمار الحكوني للسياره
نواره/جانت الي صدمه وشعور لا يصدق بس شبيدي اسوي انه اشوف امي الرباني وسهلا وفرحت لفرحي ومرضت بمرضي تذبل كدام عيوني هذا طريقي وياها ولازم اكمله قيصر ضل صافن حسيته مثل الي نكسر وضاقت الدنيا بي بس ماحجه شي واني طلعت من بيت سامي بحيل صدر ورجعت بيت امل ...... امل جانت كلش فرحانه .....واحتفلو بيه وسوولي اكل عراقي يميم.... بالليل جنا دنشوي ذره لان أجواء شتاء اجتني رساله على الواتساب بعدين عرفت انه هو قيصر
وكبل خابرني
قيصر:اني اسف على كل الي سويته بيج
نواره:شووو جاي تعتذر ...ليله رأس السنه كضيتها بالكفخات منوراك ذليتني سحلتني سحل كل كلمه وثانيه صيااحك عليه...
قيصر:من الظهر ليهسه البيت اظلم ومالي ملامح او هدف اني موكرايبج بس تمنيتك صدك بنت عمي
نواره:تدري اني اكدر ادخلك سجن بس كلت اصير احسن منك
قيصر:اها احسن مني ......زين يله اروح احجي ويه صديقتي .....
نواره:صديقتك؟ماشي باي
*صديقته هيه منو تباوع بوجهه متباهي بروحه
وبطوله اوووف عصبت .....ضليت اخذ شهيق وزفير سرررريع ودكات كلبي احس كان احد ضاغط عليه.......
بهالاثناء اجت كعدت يمي غزلان وبحضنها بنتها روزه....
تخابر على عبد الرحمن وماكووو ميجاوب .....
وامل حايره ويه موج رجلها ضربها وامل طلعت ويه الهام راحت تجيبها......
وفعلا امل جابتها لوموج لبيتناواجت مرت ٨ايام موج يمنا ضاله وماكو خبر من عبد الرحمن ......باليوم ل٩موج ضلت تصيح وتلاحكنا بيها يالمستشفى وعفنا
الهام وروز بالبيت.....يا سبحان الله كل ما ننوي نسافر تصير شده.عند خواتي ونأجلها...رحنا اني وامل وو ماما وغزلان وياهاا بالولاده طولت ٥ساعات يبه ولدت ويه ولادتها اجه اتصال لغزلان من عبد الرحمن.......
غزلان:الو هاي وينك؟؟؟؟ ضل بالي اني يم موج هسع ماسمعك الوو .....
_الوووووو
غزلان:شبيج جاوبني لحظه لعد خلي اطلع
_اختي اني محمد زوجج االيوم سووو هجوم على داعش زينه مجموعه من الحشد الشعبي ومارجعوا
كالووا استشهدوو ف اذا رجعنا سالمين وكليناه نجيب جثمانه ....الووووو ...الووووو
امل:اكلج نواره غزلان وين صارت ؟؟؟؟
نوار:باوعي هاي البنت مغمى عليها بالسديه شوفي شلون ديتلاحكولهاا
امل:ييييييمه لج هااااي غزلان_______يتبع
رأيكم
ملاحظه _ابطال القصه يتابعون وياكم
تحياتي الكم الكاتبه جيمن جلال Jaymin
أنت تقرأ
لاسلطة فوق الحب(مكتمله)
Chick-Lit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
