لاسلطة فوق الحب(مكتمله)

البارت11

البارت11 من القصة الحقيقية  #لاسلطة_فوق_الحب بقلمي #الكاتبة_شهناز_الخزعلي  #Jaymin

لاتنسوا التصويت ❤

وصلنا لمنطقتهم اي وصلنااااااااا غررريبين الناس عيونهم علينا هذوله منين وشوكت جوي ...

اي مبينين مبين جايين بطرك هدومنا ....منطقه ومجتمع يختلف عن حياتنا ليش هيجي صار ليش

تمنيت أخذ التكسي وارجع ردود لبيتنا بس ما باليد حيله

وصلنا لبيت حسام خطيه ام حسام وابوه وحسام واخوه كانوا دينتظرونا واول مانزلنا استقبلونا
وحسام واخوه همام أخذوا جنطنا وضيفوفا وفرغولنا

غرفتين وحده مفتوحه على الثانيه صارت غرفه وحده كبيره كلش .... وخلولنا٣سراير وصوبه وميز

الحمدالله هم نكدر نكول كثر الله خيرهم اوادم هم مدو

ايد العون النا .......فرشت جراجفي وخليت راسي
على المخده وابجي .....عمري مراح انسى هذا اليوم

اشلون مضى ....ومراح انسى نظره العطف والشفقة الي نظروا
النا الناس بيها واحنه ولد الخير والعز والدلال

بيت جدي بعده موجود بس غالقيه من توفى جدي وراحوا البنات سكنو يم أبويه وناديه.....اني صرت كل كم شهر اروح اوصفه بس هوه مغلق مرات اكول ليش ما رحت سكنت بي ههههه بس شبيه استغبي هو بنفس المنطقه وبعد خطوتين عن بيت ام ربيع يعني لو فاتحته اكيد جان دزوا تهديد بعد اني تركت بيت جدي امانه يم ربي واحنه هم امانه اوووووووف وخالتي نوال شلون راح اخابرها واعرف اخبارها واخبار اختي نواره
مااخذت رقمها زين ....زين بنتي شلون تداوم ياربي
معقوله هالسنه تروح عليها وهيه اول ابتدائي يعني ميخالف اذا راحت سنه .....يااااارب يا مدبر الأمور دبر امري.....

نمنا وكعدنا صار الصبح لكيت بنتي الهام كاعده وتباوع عليه

الهام:ماما شوكت نرجع لبيتنا؟

.....غلست وماجاوبتها كمت من فراشي وجسمي مثقل وعلى اكتافي احمال جبال ماتحملها باوعت على
ام ربيع موبفراشها

امل:بيبيتج وين ؟؟؟؟،
الهام:ماعرف ماما بيبي كامت منا
امل:ديلا لاتضلين كاعده رجعي نامي
الهام:لا شنو شينومني؟ ماما اريد اداوم مدرسه
امل:ميصير تداومين لان احنه موبمنطقتنا المدرسه بعيده ومانكدر نوصللها

*الهام ضلت تبجي بفراشها حسيت بيها بس شبيدي عليها .. رحت بدلت ولكيت ام ربيع دتسولف ويه
ام حسام ومحضرين آلريوك صبحت عليهم وجبت الهام وريكتها...وبوكتها وصيتها ل بيبيتها على الهام وحسام وصلني للدوام .

هناك واخذت أجازه من الدوام اسبوع والموظفين تعاطفوا ويايه...رجعت الظهر للبيت لكيت الهام بالباب منتظرتني وعيونها بيها بجي وحجي

كل الي كالته.....:ماما اريد اداوم مدرسه...

دخلت سلمت على ام حسام وابوه حسام وام ربيع جانو كاعدين وام حسام دتسوي الغداء لاحضت عليه مهمومه

ام حسام:شبيج بنتي محتاجه شيء
امل:لاخاله
ام حسام:الله عليج لا اني ولا الحجي والولد نقصر
امل:شهالحجي خاله مستوره والحمد الله
ام حسام:لعد شبيج؟
امل:ببالي مدرسه الهام شلون؟؟؟
ام حسام:فدوه لعيونج يامدرسه وانتو بهالاوضاع
امل:سوده عليه صار لها يومين تسئل شوكت تداوم متتصورين شكد فرحانه بجنطتها وكتبها نيمتهم يمها قبل مداوم
ام حسام:ان شاء الله الله يفرج عنكم وع السنه الجاي تعوضيها
امل:توها سجلت شكلي راح اضيع عليها سنه
ام ربيع:لا ام حسام بنتي امل ماتستهين بسنه الدراسه مالبنتها ولاتستسلم بس هيه شويه متثاقله
ام حسام:والحل ياحبيبه
ام ربيع:عند امل الحل ،امل يمه لا تنسين امج شلون كافحت علمودكم وعلمود دراستكم.
امل:امي ما مرت بالعشته والشفته
ام ربيع:خليها ببالج وترجيه بأاذنج لكل وكت وجعه

*حجيهم عشعش براسي من رجعت الشباب حسام وهمام من الشغل

حجيت له لحسام بخصوص الهام وبعدها تغدينا
وومشى الوقت ل بعد الغروب اجه حسام دك باب الغرفه واني طلعتله________يتبع

رأيكم
الحلقه قصيره بس بيها تفاصيل دقيقه واحاول انزللكم اكثر من حلقه باليوم وماقصر حتى انزلها هنا وبالفيس بنفس الوكت........

تحياتي الكم الكاتبه  شهناز  الخزعلي  Jaymin
وابطال القصه يتابعون وياكم