نيران العشق والهوس "عشق آل قصاص"

الفصل الثامن "شراره حب"

#الفصل_الثامن
#نيران_العشق_والهوس
#عشق_آل_قصاص
#شراره_حب"8"
#بقلمي_فاطمه_عماره

هبطت الطائره واستقرت علي الاراضي المصريه من  خلال مطار القاهره الدولي , ابتسمت زينب بحنين ثم استنشقت الهواء بكثره فمن بها يريد مغادرتها، ومن بالخارج يريد العوده اليها، اتسعت ابتسامتها وقالت
-مصر وحشتني أوي يا ولاد
ابتسمت حوريه بشرود وعيناها تنظر الي كل شئ حولها بينما نظر نضال اليهم واليها هي بالاخص قائلا بجديه
-هو اسبوع هنخلص اللي جايين عشانه وهنرجع تاني
نظرت اليه حوريه وهي تعلم ان الحديث موجهه اليها فرفعت منكبيها دون حديث
ابتسمت زينب ثم قالت
-الحمد لله انك اتصرفت يا نضال وخليت حد ينضف الشقه اصلنا هلكانين مش هنقدر نعمل اي حاجه..!!
استلقوا سياره اجره متجهين الي منزلهم بحي راقي من احياء القاهره
بعد فتره كان يقفون خلف نضال الذي يفتح باب شقتهم ثم دلفوا ابتسمت زينب ونضال بينما توقفت حوريه وقد عاد بذاكرتها الي أول يوم جاءت فيه الي هذا المنزل

فتاه بعمر الثامنه عشر وقد اكملتهم اليوم تركض ودموع عيناها تتساقط بغزاره وجسدها ينتفض حزنا وقهرا اوقفت اول سياره اجري قابلتها ثم اعطته ورقه صغيره بالعنوان المطلوب لم تتوقف عن البكاء طوال الطريق رغم محاوله السائق في تهدئتها ولكن دون فائده بعد مده وقفت السياره فهبطت منها واعطت المال اليه شاكره اياه بصوت باكي مُختنق
وقفت امام باب البنايه تتذكر حديث والدتها قبل وافاتها بعده أيام

-الورقه دي فيها عنوان زينب ، زينب دي  تُعتبر أمك التانيه يا حوريه ،كانت مربياكي وكنتي علي طول معاها قبل ما نيجي هنا عاوزاكي تحافظي علي الورقه دي زي عينيكي يا حوريه، اوعي تضيع منك مهما طالت السنين اوعي تضيع منك يا حوريه ، لو حصلك حاجه وحشه لقدر الله روحيلها ، اتصرفي وروحيلها ،  انا مش مطمنه عليكي يا حبيبتي وحاسه اني مش هفضل معاكي كتير ، طول ما انتي كويسه هنا ومفيش حاجه متروحيش يا حوريه فهماني يا بنتي اوعي الورقه دي تضيع منك,اول ما تكبري والامور بقت تمام معاكي ومحدش اذاكي ابقي اتواصلي معاها وساعتها هتعرفي انك مش لوحدك يا حبيبتي

وقتها لم تفهم شئ فكانت والدتها تتحدث في ذلك الوقت كثيرا وكلام غير مُترابط وغير مُرتب ولكن ما دُفن في ذاكرتها ان لا تُضيع تلك الورقه سألت والدتها مرارا وتكرارا لما لا تريد ان تتواصل مع زينب حاليا ولكن كان ردها دائما

-لو حصل حاجه وحشه بعد الشر ساعتها هتعرفي ليه يا حبيبتي المهم حافظي علي الورقه دي وخلي بالك من نفسك يا حبيبتي.!!

بعدها بثلاثه أيام فقط توفت والدتها تاركه معها تلك الورقه التي حافظت عليها عديد من السنوات
صعدت الي حيث الشقه المدون عنوانها في تلك الورقه ثم طرقت الباب بهدوء فتحها شاب في نفس عمرها يكبرها فقط  بعام قائلا بتساؤل