Ikaw Na Nga

Chapter 17

                    Nasa living room ng mga Yap nag-uusap ang apat. Si Mommy Ching, si Daddy Joe at si Kim magkatabing nakaupo. Si Xian sa katabing upuan na malapit kay Kim siya nakaupo.  Nahirapan si Xian kung paano magsabi sa mga magulang ni Kim kaya kung ano na lang tungkol sa business ang pinag-uusapan ng dalawang lalaki habang nakikinig   si Kim at ang kanyang Mommy.  Kung nahihirapansi Xian maghanap ng timing, si Kim naman ay tahimik at natatakot sa maging reaksyon ng daddy nya,

                     " Sabi ni Kim may sasabihin ka daw  sa amin  Xian ? ",   tanong si Daddy Joe kay Xian at napapansin niya na kung saan-saan na nakarating ang kanilang usapan.

                        Hindi na makuhang magpaligoy-ligoy pa si Xian tutal  naumpisahan na ng Daddy ni Kim. "Tito, Tita, last night po kasi nagpropose na  po ako ng marriage kay Kim and she said Yes."

                       Nabigla si Daddy Joe sa sinabi ni Xian.  Si Mommy Ching ay lihim na napangiti.  May hinala na kasi si Mommy Ching na duon na rin papunta ang dalawa.   Palagi kasing nag-uusap ang mag-ina    kaya naramdaman  nya na seryoso na ang dalawa.  Nakikita  niya naman  na masaya si Kim with  Xian .  Napatingin si Daddy Joe una kay Kim tapos kay Xian saka nagsalita uli.

                      " Hindi ba masyado pang maaga na pag-usapan natin ang kasal ? Wala pa nga kayong isang taon at heto, kasalan na kaagad ? nag-alalang tono ng boses ni Daddy Joe.

                        Nag-umpisa ng pinagpawisan si Xian at sa tono ng pananalita ni Daddy Joe ay  mukhang kokontrahin pa yata ang balak nila na  pagpapakasalan.

                         " Wala naman po siguro yun sa tagal ng relasyon Tito Joe. Sa tingin namin ni Kim mas importante na ready  na kami sa kung ano ang papasukan namin at  higit sa lahat mahal namin ang isa't isa ", paliwanag ni Xian.    

                          " Bakit ba kayo nagmamadali ?    Enjoy nyo  muna ang pagiging single ! ",  pagdiin pa ni Daddy Joe  .

                         Tuloy- tuloy na  na napakwento si Daddy Joe tungkol sa mga  challenges of married life at ang mga responsibilidad kasama sa pag-aasawa.  Nakikinig ng maayos si Xian at Kim at paminsan minsan sumasagot naman si Xian kung may mga tinatanong si Daddy Joe sa kanya.  Natuwa naman si Daddy Joe sa mga naging sagot ni Xian na  hindi naman sila magkalayo ng mga pananaw.

                             "Alam mo Xian, dahil sa mga pinagdaanan ko these past months, nabago talaga ang mga priorities ko sa buhay.   Narealize ko na its not just  about  business or  about  making money  . Mas  mahalaga  ang pamilya .  Naramdaman ko  kung paano sila naka suporta sa akin kaya sa mga panahon na gusto ko na sana  mag-give up,  sa kanila ako humuhugot ng lakas para labanan ang sakit ko "

              Tumingin muna si Daddy Joe kay Mommy Ching  at patuloy na nagsalita , " Naging masunurin si Kim sa kung ano ang gusto namin  ,  kahit  alam namin na iba sana ang mga plano nya . This  time, we will respect kung ano  ang desisyon ni Kim.   Xian, Kim, we give you our blessing sa plano nyo na magpakasal.  Life is too short  for me at pinangarap ko na nandun ako, kami ng mommy nya on her wedding day."

                    " Tito , Tita, thank you po at pumayag po kayo, alam ko  po  how precious si Kim sa  inyo. Hindi ko man kayang pantayan , but I will do whatever it takes to take care of Kim and our future family" , maluha-luha pa si Xian na nagpasalamat  habang nakahawak  sa mga kamay ni Kim.

                     Napayakap si Kim sa kanyang Daddy at Mommy  at nagpasalamat din sa kanila. " You will forever be our  Princess , Kim "  ang tanging nasabi ni Daddy Joe.  Tears of  joy ang nakikita kay Mommy Ching na masaya para sa anak . 

                        Naisip ni Xian na mas maganda siguro na bago pag-usapan  ang mga plano tungkol sa wedding nila  mas makabubuti na magkaayos muna sina Daddy Edison at Daddy Joe kung meron mang dapat ayusin.  Pumayag si Daddy Joe na magdinner ang dalawang pamilya kinabukasan. Sa side ni Xian, alam nya madali lang ayusin ang schedule ng Daddy at Mommy nya. Excited din kasi ang dalawa sa maging outcome ng pag-uusap ni Xian sa parents ni Kim.

                     "O ano na ? " nakangising nagtanong si Xian kay Kim .  Magkatabi na ngayong nakaupo ang dalawa pagkaakyat ng Daddy at Mommy ni Kim. Naka akbay si Xian kay Kim habang  hawak ni Kim ang kabilang kamay ni Xian. "Anong date ba ang gusto mo for our wedding day ?"

                           " Ikaw, kailan ba gusto mo ?" binalik ni Kim ang tanong kay Xian. Hindi pa nya kasi naisip ang date at medyo tense pa siya at baka nga hindi pumayag si Daddy Joe. 

                              " How about tomorrow ,ok na sa 'yo ?", nakatawang sumagot si Xian.

                             " Ikaw talaga, niloloko mo na naman ako eh ! " sabay kurot sa tagiliran ng boyfriend.

                          Naunang dumating sina Xian at ang kanyang mga magulang sa  Italian restaurant kung saan sila magdidinner.  Nang dumating sina Kim, agad sumalubong si Xian sa kanila. Tumayo sina Daddy Edison at Mommy Menchu para pormal  na ipakilala sa bagong dating. Medyo nagkaroon ng tension sandali  at walang gustong maunang magsalita sa magkatabing Edison at Joe.  Maya't-maya, binasag ni Edison ang katahimikan at  finally nag-usap  ang dalawa.

                        Nakakatuwang tingnan si Edison at si Joe na parang mga long lost friends na ngayon lang ulit nagkita pagkaraan ng maraming taon.  Eto pa ang unang pagkakataon  na magkausap ang dalawa bilang magkaibigan.  Parang flashback ang napag-uusapan  habang pinagtagpi-tagpi nila ang mga pangyayari nuon at ngayon nakuha na nilang matawa sa  pinaggagawa nila sa kainitan ng kanilang rivalry nuon.

                     Masaya ang lahat at natapos ang gabi na naayos kung ano man ang naging issue nina Edison at  Joe. Wala namang naging  problema sa dalawang mommy at mukhang magkasundo  ang dalawa. Ang nakakatuwa pa , si Mommy Ching at Mommy Menchu  ay parang mas excited pa sa ikakasal .   Napagkasunduan ng dalawang pamilya na sa darating na   weekend  , sa mansion ng mga Yap ang dinner para mapag-usapan na ang mga plano  ni Xian at Kim sa kanilang kasal.

                     Kagagaling lang nya sa isa sa mga function rooms ng matanaw nya sa di kalayuan sina Kim at ang mga kasama na tumayo na para lumabas na ng restaurant.  Nagmamadali siyang naglakad para maabutan pa nya ang papalabas na grupo at nagtakang napatanong sa sarili "Bakit magkasama na sila  ngayon, akala ko ba mortal enemies si Joe at si Edison,  anong ibig sabihin nito ?    Kailangan maabutan ko sila bago pa  sila makalabas ng restaurant !"