قسمتى حبك ( كامله)

الجزء الرابع

نزلت رولا إلى الشارع تتمشى على البحر وجدت إمامها باسم ابتسم لها ومشى
فى اليوم التالي وجدت باسم يدخل مكتبها
باسم : مساء الخير
رولا : مساء النور تفضل
باسم : عامله آيه
رولا : الحمد لله غريبه جاي شركتي ليه
باسم : عندى شغل ليكى ايه رأيك تصممى ديكور شركتى
رولا : أنا  ليه فى شركات كبيره تتعامل معها
باسم : أنا عايزك انتي وفرصة يبقى ليكي اسم في عالم الديكور ده غير انا بيعجبني ذوقك
رولا : بص كل كلامك ده انا مش مصدقه اسمع يا باسم مش رولا أللى تمسكها من أيدها أللى بتوجعها تلعب عليا علشان ...... قاطعها بغضب
باسم : اسمعى أنا مبيهمنيش حد أنا مقتنع بيكى حبه تشتغل معايا أهلا وسهلا ولا مش حتقدرى على المستوى دة اهربى
رولا : نعم أنا أدها وإنت عارف
باسم : اتفقنا ومد يده إليها فسلمت عليه
باسم : على فكرة الشركه الدورين أللى فوقك هنا فى العمارة
رولا : دورين كل المساحه دي ليه
باسم : شركتى مشهورة وعالميه صحيح مفتوح ادامك اى مبلغ تطلبيه غير مبلغ كبير لكى
رولا : ماشى لما أشوف اخرتها

فى المساء دخلت هند إلى التراس حيث تجلس عاليا
تقرأ كتاب
هند : عاليا تعالى ننزل نتمشى شويه آيه رايك مش عايزه تشتري حاجه من اسكندريه
عاليا : عايزه طبعا تعالى نشتري حاجات انتي معندكيش صحاب لسه هنا
هند : لى رولا
عاليا : بنت ناديه كنا زملاء بالجامعه
هند : وماما كانت زميلتك
عاليا : وصحبتى كمان
هند : تعالى ننزل نتمشي شويه مصطفى راجع بليل فرصه أتمشى شويه فى المحلات
عاليا : تعالي يا هند
نظرت إليها عاليا وصعبت عليها جدا شعرت إنها وحيده رغم إنها أول مرة تراها تعلقت بها لتخرج معها صغيره على أن تشعر بالوحده

نزلت معها اخرجت سيارتها من الجراج نظرت عاليا إلى تلك السياره الفارهة التي تركبها فتاه لم تتم التاسع عشر وذهبت إلى إحدى المولات
وتسوقا لبعض الوقت  وجلستا فى إحدى الكافيهات يتحدثا
عاليا : تعرفى مصطفى من زمان
هند : اعرفه طوال عمرى هو وبابى اصحاب
عاليا : وازاى هو و هدير سابوا بعض احكيلى
نظرت إليها لا تعرف ما تقول وفجاه وجدت بجوارها هدير ومصطفي يجلسان فى رومانسيه يمسك يدها فوجئت عاليا بما رات ونظرت إلى هند لتجدها تنظر إليهما
هند : تعالى يا عاليا نتمشى على البحر
عاليا : كمان بتخبى عليه ولا همك
هند : عاليا مصطفي خاطب هدير لسه
عاليا : وإنت ايه
هند : أنا ظروفى اجبرتنى يكتب على لأن بابي خائف  اعيش لوحدي في اسكندريه
عاليا: حارس يعنى بعقد رسمى آيه الجمال ده
هند : أرجوكى يا عاليا افهمى
عاليا : افهم آيه البيه أخويا خاطب وآحده ومتجوز الثانيه
هند : انا ومصطفى مش مرتبطين ده مجرد عقد مش حقيقي هو بيحب هدير وانا ارتباط صورى يعني لفتره وكل واحد يروح لحاله
عاليا : ماشى يا هند ليا كلام مع مصطفي بالليل

رجعت إلى المنزل وجلست مع عاليا فى التراس يتحدثا عن أيام الجامعة وعن والدتها و ذكريات إنتهت بدموع عاليا