[POISON] completed

Гэр бүл

Эцэс төгсгөлгүй мэт нүргэлсэн хөгжим дуусахад Еэжи сульдан доош унаж толины тусгалд өөрийнхөө эцэж ядарсан төрхийг ажлаа. Шалан дээр түүний хөлс ус шиг дусална.

Үдэшлэгээс хойш бүх зүйл уруудаж байгаа мэт мэдрэгдэнэ. Яаж ч хичээсэн нэг цэгтээ цавуу шиг наалдчихаад ахихгүй байгаа юмшиг. Оргилд нь ирлээ гэж бодтол үнэндээ юунд ч хүрж чадаагүй байхын шаналал.

Бүжгийн зааланд бүсгүйн гомдлыг тасалдуулах гэсэн шиг гар утасны дуу хангиналаа.

Тэр бүр авахыг хүсдэггүй ч авахгүй байх аргагүй дуудлага.

-Юу болсон бэ? .. Ааваа.

...

Энд ирэлгүй удсан ч бүх юм урьдын адил. Харшийн гадаа цэнхэр өнгийн спорт машин байрлуулсан байв. Ойлгомжтой , Жэнни ирчихэж.

Хоолны танхимд орж ирэхэд Жэнни аль хэдийн аавд наалдчихсан ямар нэг зүйл хошуу унжуулан гуйх аж.

-Би танд амлаж байна. Миний Соло дэбют бүхнээс онцгой байх болно, өөр хэний ч соло минийхтэй эн тэнцэхгүй. .

Еэжи ирснээ мэдэгдэх гэсэн шиг ширээнд суугаад Жэннигийн яриаг тасалдуулан:

-Чи 1000 хувцас сольж өмсөж 7тивд зураг авалтаа хийсэн ч чи өөрөө дуугаа бичдэггүйгээс хойш энэ чинь зүгээр л мөнгөний гарз.

-Юу гэнээ?!

-Аливээ , миний охин эгчдээ жаахан зөөлхөн ханд.

Еэжи дуугаа хураан хоолоо аль болох том халбагадан эндээс хурдхан явахын түүс болж байлаа. "Хайрт эгч" нь аавтай нь зогсоо зайгүй ямар нэг зүйл ярилцана.

-Ингэхэд бүлгийн ажил юу болж байна?

-Хавьгүй дээр. Чамайг бэлтгэгдэгч болхоор явснаас хойш дүү чинь байдгаараа хичээсэн. Еэжиг бэлтгэгдэгч болхоор шийдсэнээс хойш бүх ажил эргээд аавынх нь мөрөн дээр овоорчихсон, тэр уг нь буцаад наддээр ирвэл сайнсан..

Аавынх нь аргадангуй харц Еэжи дээр ирэхэд бүсгүй тавагтай хоолоо урагшлуулчихаад:

-Иймэрхүү зүйл ярих гэсэн бол ахиж намайг дуудах хэрэггүй. Бид тохирсон. Дебют хийсэн эхний 10 хоногтоо ямар нэг шагнал авахгүй бол би эргэж ирээд ахиж хэзээ ч тайзруу зүглэхгүй.

Жэнни танхим цуурайттал инээх нь тэр.

-Хөөе тэнэгээ, хэн ч дебют хийсэн эхний 10 хоногтоо шагнал авдаггүй юм.

-Чамаас ялгаатай нь би мөнгөөр биш хөдөлмөрөөр гарж ирнэ!

...