[POISON] completed

Хоригдол

-ЧИ.

Бүсгүй хэсэгтээ яахаа үл мэдэн хачин царайлан суусан ч удалгүй залууг өөрөөсөө түлхэн холдуулж хөндүүр болсон эрүүгээ гараараа дарлаа. Еэжи хундагаа барьсаар цонх руу дөхөж мандаж буй нарыг ажиглангаа дарс шимнэ.

-Жунинаа, чи аливаад татагдаад нэг их удалгүй залхчихдаг гэдгээ анзаарсан уу? Би чамайг жаргалтай болгоно гэдэг өрөөсгөл ойлголт. Чи надтай хамт байлаа гээд юу ч хожихгүй, магадгүй хэсэгхэн зуур амьдрал чинь арай сонирхолтой болж магадгүй юм. Гэлээ ч чи ахиад л залхана, ахиад шинийг эрэлхийлнэ. Харин надад чиний хуучин амрагуудын жагсаалтанд нэрээ оруулах хүсэл алга. Зугаацах төдийхний харилцаа хүсэж байгаа бол өөр хүн ол.

...

Эл өдрөөс хойш 3хоногийн дараа ITZY зураг авалтаар европ руу шууд нислэгтэй байсан ч Еэжи онгоцны буудал дээр ирсэнгүй. Бүсгүйг гэр, энтертаймент, Тамга4-т харьяалагддаг бүх үйлчилгээний төвүүдээр хайсан ч Еэжи усанд хаясан чулуу шиг алга болж орхив. Бүсгүйг хамгийн сүүлд тусгай үүргийн онгоцоор Хятадын хилээр нэвтэрсэн гэсэн бүртгэл л үлджээ.

7 хоног өнгөрөхөд Тамга4 үймж эхлэлээ. Арга ч үгүй биз, гол удирдагч нь сураггүй алга болчихоод байхад. Дөрвөлжингийн гишүүд тушаалын дагуу хятад дахь бүх камерыг нэг бүрчлэн шалгав ч тербум гаруй хүнтэй улс дотроос жаалхан охиныг олно гэдэг өвсөн дундаас зүү хайхтай ижил ажил аж.

Удирдагчид төв шилтгээнд цуглаж толгой өндийх завгүй ийш тийш утасдан танилуудтайгаа холбогдоход зурагтаар JYP энтертаймент ITZY хамтлагийн эргэн ирэлтийг хойшлуулснаа зарлах агаад шалтгааныг нь хамтлагийн гишүүн бэртэл авсан хэмээн тодотгожээ. Хамтлагийн ахлагч сураггүй алга болсон гэдгийн хажууд байж болох хамгийн бодитой шалтаг.

Шилтгээний хаалга ярагдан нээгдмэгц хямд хослолтой залуухан хүү гүйн ирж гол шатаар унаж туссаар 2давхарт байрлах удирдагчдын өрөөнд зөвшөөрөл ч авалгүй дайран орлоо.

-Олчихлоо! Гилийн тамгыг олчихлоо. .

Удирдагчид нэгэн зэрэг суудлаасаа өндийн хүүгийн юу хэлэхийг амьсгаа даран хүлээнэ. Хөвгүүний өмссөн хувцас , хуучин нүдний шилнийх тэмдгийг ажвал дөрвөлжингийн ажилтан гэдэг нь илт. Тэрбээр яаран ирсэн бололтой, одоо ч амьсгалаа хуваарилж чадалгүй гацаж түгдрэх аж.

-Хадагтайд "хүний амь насанд санаатайгаар халдаж хөнөөхийг завдсан" гэсэн шалтгаанаар хэрэг үүсгэж хятадын прокурорын газраас ялын санал гарган тусгай үүргийн онгоц илгээж 8 хоногийн өмнө албадан баривчилсан байна. Мөн  гэмт хэргээ нуун далдлах зорилготойгоор хил дамнан зугтсан гэж үзсэн. Тиймээс Хан Еэжиг Шиньжян-Уйгурын өөртөө засах орны 14дүгээр бөөнөөр хорих лагер луу аваачсан ба хадагтайн бие эрс муудсан тул маргааш түүнийг ойролцоох шорон луу шилжүүлэхээр болсон байна.