[POISON] completed

Үзүүлбэр

JYP энтертаймент доторх үзүүлбэрийн жижиг тайзны ард Еэжи Жунины нүүрийг халхлах гэж хичээн юүдэнтэй цамцных нь бүчийг чангалж өгж байлаа.

-Чи өчигдрийн бэлтгэлээ яагаад таслачихсан юм? Би тэр фудволын жижиг зааланд тэнэг хүн шиг ганцаараа шөнө дунд хүртэл чамайг хүлээсэн.

-Гэнэтхэн зохицуулах шаардлагатай ажил гарчихсан юм, би хэлэх хэрэгтэй байж. Цагийг чинь дэмий үрсэнд уучлаарай.

Тэднийг маргалдаж амжихаас өмнө арын албаны ажилчид үзүүлбэрийн цаг болсныг сануулмагц Жунин санаа алдаад түрүүлэн тайз руу гарлаа.

(Үзүүлбэрийг бүтэн үзээрэй.)

Үзүүлбэр эхлэсэн даруйд үзэгчээр суусан ITZY-гийн гишүүд юүдэнтэй цамцтай залууг хэн болохыг тааж ядан дуу алдах бол Пак захирал Еэжигийн эрээ цээргүй хөдөлгөөнүүдэд ундууцаж суув. Охид нэгнийхээ нүдийг таглан ичингүйрэн инээлдэвч энэ үзүүлбэр бүхэлдээ гал дүрэлзүүлэм зүйл гэдгийг хэн хүнгүй хүлээн зөвшөөрнө.

Хөгжим зогсохтой зэрэгцэн түрүүнээс хойш бүгдийн харцыг булаасан нууцлаг эрхэм юүдэнгийнхээ дотуур өмссөн саравчтай малгайгаа тайлан шидэхэд үзэгчдийн шивнэлдээн тайзан дээр зогсох хослолд хүртэл сонсогдохуйц чангаар дуулдаж эхлэв.

"Эксогийн Кай энд юу хийж яваа юм, тэр Еэжитэй дотно юм байхдаа? Дотно биш бол яаж ийм эрээ цээргүй зүйл хийчихээд санаа зовох ч  үгүй цэх зогсоно гэж"..Эцэстээ тэд шивнэлдэхээ больж оронд нь чангаар хөөрөлдөхөд өөр энтертайментийн айдол шинэ хамтлагийнх нь гишүүнд нь тусална гэж төсөөлөө ч үгүй суусан Пак захирал самгардан байж энэ тэрүүгээр холхин хүмүүсийн анхаарлыг өөр зүгт хандуулах гэж хичээнэ.

-За охидоо, та нар Еэжигийн ур чадварыг хангалттай харсан байх. Бүр хамтрагчийнх нь ачаар түүний танилын хүрээ нөлөөллийг ч мэдсэн гэж найдаж байна. Тиймээс ахин утгагүй ялгаварлал гарсан тухай сонсмооргүй л байна шүү! Одоо дотуур байрлуугаа явж амраад маргаашнаас эхлэн тайзны үзүүлбэртээ бэлдэцгээ. Тарж болно.

Кай гэмгүй инээмсэглэл тодруулсаар тайлж шидсэн саравчтай малгайгаа шалан дээрээс авч духдуулан өмсөөд Еэжи рүү "баяртай" гэх шиг далласаар тайзны арын хаалга руу зүглэлээ.

...

ITZY хамтлаг дебют хийснээс хойш 9 дэх хоногтоо Mcountdown хөгжмийн нэвтрүүлгээс анхны ялалтаа авав. Ингэснээр тэд хамгийн богино хугацаанд амжилт гаргасан охидын хамтлагуудын дунд зүй ёсоор багтах болсон ба Еэжи шагнал авсан даруйдаа цомоо нандигнан тэвэрсээр харшид очиж эцгийнхээ өмнө нүүр бардам зогссон билээ.