| عشگ المداح | ' باللهجة العراقية '

البارت السادس

#عشگ المداح
#بقلم: الراوية
#البارت السادس

بسم الله ❤
اللهم صلِ على محمد و آل محمد❤

.

ناز..

ظل سيد يباوع ل محمد..قبل لا يتنهد و هو يتجه للثلاجه و يأخذ بطل مي..شرب منه و رجعه
و باوع عليه و گال

- كملتي عشاچ ؟

بتوتر هزيت راسي و رجع باوع لمحمد و گال

- و انت شبيك ما تروح تنام..لو عندك شي هين

- لا ما عندي

حچاها محمد بهدوء و هو يهز راسه بقلة حيله

- عجل روح نام

- ما متعود على فراگ ياسر..مشتاگلو

ابتسم سيد بسخرية و گال

- روح نام

و بدون كلام زايد..مشى محمد بعد ما مسى علينا
اني باوعت ل سيد الي گال

- عود طفي الضو

و اجا يطلع بس اني وگفت على حيلي و گلت

- ترا ماكو شي بينا..اني داتعشا و هو اجا يشرب مي

التفتت عليه و رفع تك حاجب و گال

- اني گلت بينكم شي ؟

هزيت راسي ب لا و اني وجهي احسه صار احمر من فشلني

-تصبحين على خير

حچاها وطلع..و اني جريت حسرة و باوعت للأكل
انسدت نفسي من ورا كلامه..ما ادري ليش من يباوعلي يحسسني انو مسويه شي

رجعت الأكل بالميكرويف و غسلت و صعدت فوگ
مددت بفراشي و اني اباوع للسقف
و اتلمس مكان الصليب.. و اگول وين راح

ما گدرت انام بالليل..لأن نمت هواي بقيت اتقلب بمكاني و مرة اگوم اباوع من الشباك و مرة افتر بالغرفة من الملل
وين يلا گدرت انام..

و الصبح گعدنا و البيت عبارة عن معسكر..هواي من اقاربهم اجوا
حتى يباركون الهم
اني استحيت انو ما أنزل..على الأقل اساعد البنات
لبست تنوره غجريه بصليه و قميص اسود و على اطرافه نقش ناعم..البسه من تقيه
هي صح شوية اطول مني..بس رهمت البسه عليه
سويت شعري ذيل حصان و نزلت جوه وياها..گمت اساعدهن للبنات
و حنين و أحلام بالهول عند النسوان يباركون الهم
و اجت امهن من الصبح جايبه الهن ريوگ ما اعرف شنو

اساعد بالبنات بالمطبخ..و اني اسمع همسات البنات الخطار الي اجن وي اهلهن
وحده تگول هاي منين جايبنها...و الثانيه تگول يمكن شغاله
تجاهلتهن مع اني صابتني غصة بصدري من كلامهن ..
صار الغدا لو الامة انقلبت..ذبحوا اربع خرفان
اثنين وزعوهن و الباقيات للغدا

هواي ناس اجوا و خطيه البنات تعبوا و اني صح ما اشتغلت هواي..هو بس غسل المواعين و استكانات الچاي الي يكسرن الظهر