| عشگ المداح | ' باللهجة العراقية '

البارت الواحد و العشرون

#عشگ المداح
#بقلم: الراوية
#البارت الواحد و العشرون

بسم الله ❤
اللهم صلِ على محمد و آل محمد❤

.

ناز..

نطقت كلمتي و أني عيوني دمعت من الفرحه..و سيد بقى يباوعلي بصدمه
قبل لا يرمش و هو يگول

- شنو ؟

- سيد..أني حامل
راح تصير اب

فجاة تقدم عليه و سحبني ل حظنه..تعلقت برقبته
و اني ابچي من الفرح..و هو گعد يحمد ربه قبل لا يوخرني عن حظنه و يحاوط وجهي و گال و لمعة فرح بعيونه

- ناز الله يبشرچ بالجنه على هالخبر
الف حمد و شكر الك ربي..

رجع حظني و اني احس قلبي راح يطلع من مكانه..اباوعله و اشوفه ما يعرف شلون يعبر عن فرحته..باسني من راسي و خدي و هو يگول الله يبشرچ بالجنه..

ما تحمل الا انو ينزل جوه و يخبر الكل..عمار فرح و باركلي و محمد همين..
شفتهم كلهم فرحانين و السعادة تغمرهم.
قبل لا يأذن المغرب دز سيد على خرفان اثنين..و ذبحهن و وزع واحد و نص على العالم..لورا العشا يلا فضينا الهوسه
من سألته ليش ذبحت الخرفان..گال اني نذرت بس تحبلين اذبحهن..

صعدت فوگ و اني اباوعله شلون فرحان و وجهه يضحك..و گعد يوصي بيه..لا تشيلين ثگيل
لا ادنگين و الصعدة و الحدره قليلهن..

چنت مدده على ايده و هو يمسح على شعري و يوصيني..اخر شي ضحكت و إني اخلي ايدي على لحيته و گلت

- حبيبي و الرب ادير بالي..لا تخاف عليه

- ادري بيچ ديرين بالچ بس لازم اوصيچ..ناز بس رب العالمين يعرف فرحتي لدرجة ما اعرف اعبر عنها..

ابتسمت و اني ارفع نفسي شوية و اطبع بوسة يم رقبته و گلت بصوت خافت

- ما حاجة تگول..داشوف الفرحه بعيونك قبل لا تحچيها على لسانك

ظمني ل صدره أكثر و هو يگول

- الحمدلله يا رب الحمدلله..

حچاها و أني ابتسم..الرب يديمها علينا

مرت ايام على خبر حملي..و الحجيه ما قصرت
گامت ما تخليني اصعد فوگ و انزل الا وقت النوم..

دخلت بالشهر الثاني و أصر سيد على ياسر انو يرجعها ل حنين..گالوا هي بشهرها و عيب من الناس
و صدگ ثالث يوم رجعت و هي حامل بالشهر التاسع
من اباوع عليها اموت من الخوف من اشوف بطنها كبرت و حركتها صعبة و حتى تنفسها..

ماما أتصلت بيها و ما حصلتها..و سيد گال خابرت اكثر من مرة بس ما حصلت خبر..شلت هم
و گمت ابچي من شوقي الها..و سيد طمني

بيوم من الأيام چانت دنيا ظهر..اني بالمطبخ واگفة عند التمن بس انصي النار جواه..و فاطمه و تقيه ديخبزن