| عشگ المداح | ' باللهجة العراقية '

البارت العاشر

#عشگ المداح
#بقلم: الراوية
#البارت العاشر

بسم الله ❤
اللهم صلِ على محمد و آل محمد❤

.

ناز..

طلعنا من الدكتور..و رحت ناحية الحجيه الي وگفت على حيلها و گالت

- ها يمه شگالك !

- كتبلها على علاج..و لازم تلتزم بي
انتن روحن للسيارة و اني اروح اجيب الدوا و الحگچن

- خوش يمه

چنت ساكته..و ما حچيت كلمه
خفت و توترت من فتت للدكتور ..بس شوية تطمنت من اجا سيد و گعد يستسفر عن مرضي

هو فات للصيدلية..و اني و الحجيه رحنا للسيارة
فتحتلها الباب الگدام و صعدت بي
و اني ليورا
و بقينا نتنظره تقريباً بالعشر دقايق
و اجا وراها
فتح الباب و انطاني العلاج و بصوت شبه همس تشكرته
و شغل السيارة و مشينا..لمن وصلنا للبيت الدنيا صايره ليل قريب ال٧ و نص

فتنا من باب المطبخ و تلگتنا فاطمه و تقيه و هنّ يسألني عن حالتي
و حنين و أحلام گاعدات على الطاوله و يباوعلي بطرف  عيونهن و الوضع مو عاجبهن

فات السيد..و اخذ علاگه الادوية و گعد يشرحلي عنهن و شوكت اخذهن..بعض الادوية ماخذه منهن قبل
و اكو لا اول مرة يكتبوهن الي..

هو طلع و راح لغرفة الگعده..و اني صعدت فوگ غيرت ملابسي
و رجعت نزلت..من نزلت الدرج تلگاني محمد
الي اول ما شافني گال

- ها سلامات گالوا رايحه للطبيب ؟

هزيت راسي ب اي و هو رجع گال

- ما بيچ غير العافيه..ديري بالچ على نفسچ

- تسلم

حچيتها و كملت طريقي..ما ردت اخلي عيني بعينه
كل ما اشوفه اتذكر اعترافه الي..اعترافه الي لحد هسا ما متقبلته..

من طبيت للمطبخ..اجت عيني على حنين الي گالت

- ها شبيچ ؟

- حنين مو گتلچ مريضه..عليش الاسئلة الزايده

جاوبتها تقيه..و اني تجاهلتها
مبينه صاحبة مشاكل و ما اريد احط راسي براسها..
على الأقل لخاطر الحجيه

خلينا العشا و التمنيا كلنا..
أحلام ما گعدت بصف سيد..گعدت يم اختها
و هو اباوع عليه و لا دار بال..و لا رفع راسه الها

من شبعت صعدت فوگ علمود اخذ علاجي..و اخذت وياي گلاص مي
شربت العلاج و طلعت من الغرفة
من نزلت جوه لگيت سيد يم المغسله ديغسل
اجيت اروح ارجع الگلاص بس هو وگفني من گال

- اخذتي علاجچ

هزيت راسي ب أي..
حسبالي خلص كلامه رجعت انداريت علمود اكمل طريقي
بس رجع گال