| عشگ المداح | ' باللهجة العراقية '

البارت الثالث عشر

#عشگ المداح
#بقلم: الراوية
#البارت الثالث عشر

بسم الله ❤
اللهم صلِ على محمد و آل محمد❤

.

ناز..

فتت للمطبخ..و باوعت ل تقيه و محمد الي باوعلي
ابتسمت الهم بمجاملة لأن نظراتهم اقلقتني..و هما شعجب گاعدين سوية بدون ما يتعاركون ؟

اخذت گلاص مي و شربته و باوعت ب طرف عيني ل تقيه ال گامت من مكانها..

كمل محمد الريوگ و طلع من المطبخ
التفتت ل تقيه الي گالت

- ناز

- همم

- انتي حاچيه ل محمد ! عن الي صارلچ

يبس الدم بعروقي و اني اباوعلها..ما عرفت شنو اجاوبها
بللت شفتي و گلت

- لا..ليش ؟

تقربت عليه و گالت بهمس

- ما ادري..هو گالي و انتي گبل فتي
و سد الموضوع

جريت حسرة..و گلت

- گلت ل سيد

- ما معقوله گالوا !

- البارحه بالليل تقريباً بال١٢ ما لحگ يحچيله

حچيت كلمتي..و تقيه ضيقت عيونها و گال

- بال١٢ !

توترت و اني اجاوبها

- يعني اني طلعت من الغرفة للحمام..و هو شافني و سألني..نزلنا للصالة و حچيلته

ضحكت تقيه و جاوبتني

- يولي شبيچ اصفر وجهچ
سألتچ سؤال..و بعدين ما بيها شي.. اني اعرفچ و اعرف سيد..و ها صدگ شراح يسوي

رفعت اكتافي ب عدم معرفة و گال

- گال انتي دافعتي عن نفسچ..
يعني ما ادري بس الي افتهمته انو الحق وياي..و بصالحي

ابتسمت و عينها دمعت..تقربت مني و حظنتني و گالت بصوت ناصي

- ناز سيد ما راح يعوفچ..مثل ما اني ما راح اتركچ

ما عرفت شنو اجاوبها..كل الي سويته زدت بحظني الها..طول عمري چنت منغلقه على ذاتي
بعيده عن الصداقات و التعارف..انطوائيه بشكل مبالغ بي..بس من اجيت هنا
تغيرت هواي اشياء..أهمها صرت اجتماعيه
صح مو هواي..بس على الأقل اجتماعيه و هي أهل البيت..
و خصوصاً تقيه..الي حسيتها صارت مثابة اخت و أكثر
الأخت الي طول عمري ما اعرف شنو معناتها..او شنو معناة انو أملك اخت
تقاسمني ضحكتي و دمعتي..و مكانها و خزانة ملابسها

حنين كالعادة ما طلعت من غرفتها..عبالك اذا طلعت راح ياكلونها
و اذا طلعت تباوع و تخزر..تحسها تريد تهجم عليك

على الغدا چنا بس احنا البنات..و حنين مو ويانا
و احنا دنتغدا فاتت حنين و هي مخليه ايدها على خصرها و گالت