| عشگ المداح | ' باللهجة العراقية '

البارت الرابع عشر

#عشگ المداح
#بقلم: الراوية
#البارت الرابع عشر

بسم الله ❤
اللهم صلِ على محمد و آل محمد❤

.

عبدلله..

نطقت حنين كلمتها..و اني فتحت عيوني على وسعها من صدمتي بكلامها

گبل دحگت ل ناز الي انسحب لون وجهها و هي ادحگ ل حنين الي گضبها ياسر من زندها و گعد يرزل بيها و يحچي عليها

و هي و لا سكتت..صاحت و هي تأشر على ناز

- لا تگول لا سيد..هي السبب بطلاقها ل أحلام منك

- انتي يولي ليش ما تسكتين و تصمين حلگچ

صحت بيها و اني امشي ناحيتها بس الحجيه گضبتني من ايدي و گالت

- بصلاة محمد عوفها..وحده جاهل و حچت

- ياسر اخذ مرتك من هين

حچه عمار..و ياسر اخذ حنين و طلع..و هو يتف بيها من زندها

انداريت للحجيه و اني استغفر ربي و امسح على وجهي و گلت بهمس

- ماكو منهم..نادرات و محترمات و ما تلگون احسن منهن..هاي اختياراتچ حجيه
تحملي نتائجها

سكتت و ما جاوبتني..و هي تخلي ايد على ايد و حواجبها عاقدتهن...
انداريت اني و الكل ل ناز الي تقدمت صوبنا و گالت بعين مدمعه

- عمار ترا و الرب ماكو شي بينا..هاي تتهمنا

هز عمار راسو و گال

- خيتي ناز ترا اعرفچ و اعرف سيد
ف لا تبررين شي..بس حنين الله يصلحها عل هالحچي

أشرت عل تقيه انو تأخذ ناز و تطلع..و سوت الي گلتو

گعدت على القنفة و اني استغفر ربي
رجع ياسر و گام يتعذر من كلام مرتو
اني رفعت راسي و گلت

- ياسر مرتك وگفها عد حدها..ترا عيب عليها تحچي
هالحچي..اليوم حچتها بنصنا باچر أطشرها بالعرب

- سيد والله حچيت عليهاو رزلتها..و من باچر ادزها لأهلها

- لا ادزها لأهلها و لا تكبر السالفة بهاي فعلتك..
وگفها عد حدها هذا الي اريدو..و اذا ما تعرف تحچي اني احچي وياها

حچاها عمار و اني دحگت عليه و گلت

- لا ياسر يفهم و يعرف يتصرف

جر حسرة..و اني مسحت على لحيتي..صارت لحظات صمت
الحجيه ادحگلي بنظرات تساؤل..تريد تعرف الموضوع كامل..و هسا حسب تفكيرها
حنين ما حچت هيچ الا اكو شي شايفتو

انداريت فجاة ل محمد الي گال و هو يرفع حاجبو

- سيد..اخاف كلام حنين صدگ

- محمد

زجر بي عمار..و اني دحگتلو بنظرات عدم رضا
و هو تدارك الوضع و گال بضحكه