| عشگ المداح | ' باللهجة العراقية '

البارت الثامن

#عشگ المداح
#بقلم: الراوية
#البارت الثامن

بسم الله ❤
اللهم صلِ على محمد و آل محمد❤

.

تقيه

ادحگلهم سكتوا و اني كاتمه دمعتي و غصتي
ادحگ ل جده الي بدت تحچي و هي تريد تقنع عمار و سيد عليه
بس عمار  گال و هو يندار عليه

- حجيه القرار ل تقيه

- عجل إذا على قرارها اكيد راح ترفض

حچتها بعصبيه خفيفه و اني التفتت ل عبدلله من گال

- تقيه لا تجاوبين هسا..فكري بالموضوع و انطينا قرارتچ

هزيت راسي ب اي..و أستاذنت منهم و گمت
و اني اسمع الحجيه تحچي تگول شنو تفكر توافق و تسكت

صعدت فوگ ل غرفتي..و گعدت على التخت و دموعي وگعت
اني بدون ما افكر مرتين اني رافضه الخطوبة..ما اتخيل نفسي ل احد
لو لمحمد لو ماكو..رفعت راسي للباب الي انفتح و ظهرت من وراه ناز و هي مخليه المنشفة على راسها

من شافت دعوني جتي و گعدت يمي و گالت بقلق

- تقيه شبيچ ؟

- ما بيه

حچيتها و انفجرت بالبچي و هي گبل سحبتني لحظنها..شبكتها و گمت ابچي و هي تريد تهدأ بيه

وخرتني عنها و حاوطت وجهي و گال

- لا توگعين گلبي..گولي شكوو

- جايتني خطابة

- ايي ؟

- ناز ما اريد اتزوج..و الحجيه تگول لازم اوافق

بللت شفتها و گالت

- و اخوانچ

- يگولون القرار قرارچ

- ما طول هيچ ليش البچي يا عيني

- مقهوره

حچيتها و اني احط كفوفي على وجهي..كلام محمد و  هي جدتي و صياحها عليه خلتني انقهر اكثر من قهرتي على موضوع المشيه

- تقيه ترا ادري بيچ تحبينه ل محمد
و مقهوره علمود ناس اجوچ و تخافين اهلچ يوافقون ..بس ما طول گالوا القرار الچ ف ليش الخوف

مسحت دمعتي على السريع و گلتلها

- ناز الله يخليچ لا تجيبين سيرة محمد جدام اي شخص

هزت راسها ب اي و گالت

- ما احچي و الرب

سكتت و رجعت تحچي و هي تكمش ايدي

- تقيه كافي بچي و امسحي دموعچ..و باچر من يسألوچ گوليلهم ما مرتاحه لهاي الزيجه و بطلي

هزيت راسي ب اي و هي ابتسمت و گالت بس علمود اطلعني من حزني

- الحزن ما يلوگلچ شو اضحكي.. و الرب تطلعين تخبلين من تضحكين و هيچ عيونچ تصغر

ضحكتني و هي رجعت حظنتني و تگول