| عشگ المداح | ' باللهجة العراقية '

البارت الثاني و العشرون

#عشگ المداح
#بقلم: الراوية
#البارت الثاني العشرون

بسم الله ❤
اللهم صلِ على محمد و آل محمد❤

.

ناز..

من صرنا قريبين ل خوالي..شفت نظراتهم الي تجدح نار و شر
بخوف رجعت ورا ظهر سيد..الي باوعلي بنظرات مطمئنه..
راح المحامي و القى التحيه عليهم..و ردوها ببرود و جفاء
و عمار هماتين..اما سيد ب بقى بصفي
و ياسر راح هماتين..شفتهم يباوعلي و لو ما الناس چان هجموا عليه و اكلوني بسنونهم..

گعدنا على الكراسي و بصفي سيد..الي ما ترك ايدي
و بصفي على اليسرى عمار و ياسر بصف سيد
و المحامي گال دقائق و أرجع

گدامي خوالي و وياهم المحامي مالهم..باوعلي خالي الاكبر الي اسمه ڤيد
نظراته حسيتها حرقت بشرتي و كوتها

گمت اتقرب ل سيد أكثر لو ما عيب من الناس چان شمرت نفسي بحظنه..
و هو تفهم خوفي و قلقي و حاوط اكتافي ب ايديه..

دقايق قليله و اجا القاضي و فات للقاعة بعد ما سلم علينا..

لحظات و صاحلنا..و اني جسمي كله رجف..بقيت اضغط على ايد سيد و هو يطمني
باوعت ل خالي الي ضحك باستهزاء من شافني

فتنا جوه و اني ما تركت ايد سيد..و لا ناويه اتركها

گعد يسالنا اسئلة روتينيه اسمچ و عمرچ و هذوله شنو يصيرون منچ..
من سألني على سيد..باوعتله و گلت

- زوجي

- خوش

جاوبني القاضي..
و باوعت ل خالي ڤيد الي هز راسه ل اي..نظراته خلتني اخاف منه

وراها وجهلي القاضي السؤال الي خلاني لو متمنيه ما جايه

- اي بنتي احچيلي شنو صار بهذاك اليوم

باوعت گبل ل سيد..الي هز راسه و هو يحثني انو اتكلم

تنهدت و اني انزل راسي..لأن ما اريد اخلي عيني بعين اي شخص..و خصوصاً سيد
ما اريده يشوف الدمعه بعيني..هو گالي صيري قوية حتى تاخذين حقچ و لازم اسوي هيچ

- بيوم ١٣ خمسة
چانت دنيا ظهر..اني الوحيده الي بالبيت..بابا و ماما راحوا ل قداس بالكنيسه و اني بقيت لأن چنت اقرأ

سكتت لحظات و إني اغمض عيوني كاتمه غصة چبيره ب حنجرتي..من حسيت نفسي اگدر ارجع احچي
رجعت رفعت راسي و اني اباوع على القاضي..و احچي
سردت كلشي..بدون ما اباوع على غير..احچي و دموعي توگع على خدي
و من وصلت للحظه الي ضربته بي..سكتت ثواني و رجعت احچي
و ما ان ختمت كلامي ما حسيت الا خالي ڤيد
واگف من مكانه و هو يهجم عليه..
اجا يضربني بس لزموا الشرطه

سيد صاح بي..و هو گام يسب و يشتم و هو يگول انتي اغويتي و خليتيه يتقربلچ..

اخر شي القاضي أمر انو الشرطه اطلعوا برا..
من طلع تنهدت براحه..لأن خالي ڤيد انسان شراني و أكثر واحد بيهم عصبي