| عشگ المداح | ' باللهجة العراقية '

البارت السابع و العشرون

#عشگ المداح
#بقلم: الراوية
#البارت السابع و العشرون  و " الأخير "

بسم الله ❤
اللهم صلِ على محمد و آل محمد❤

.

عبدلله..

چنت واگف بممر المستشفى  احچي وي ناز على وضع تقيه..سديت الخط و دحگت لأمي الي گاعده و بصفها عمار و فاطمه..

جريت حسرة و دحگت لباب الغرفة الي فوتو عليها تقيه من نص ساعة..

طلعت من الممر..و اني احس بثگل على صدري
شايل همها و حاقد على محمد حقد مو صاير..كل الي صار ل تقيه من جوه راسو..علقها بيه و مشى و عافها..

اني گاعد امشي أنضربت بشخص.
تعتذرت گبل و من رفعت راسي فتحت عيوني على وسعهن من لگيت محمد گبالي

گلت يمكن اتخيل
بس هو همين وگف و دحگ عليه..رفعت تك حاجب و گلت باستغراب و إني متعجب وجودو هين

- شتسوي هين محمد !

- سيد

حچاها و بلع ريگو..دحگت بيدو شايل علاگة دوا

- انت مو مسافر ؟

جر حسرة و مسح على شعرو و گال

- هسا افهمك

ابتسمت بسخرية و گلت

- اي لازم افهم..صارلك يا أستاذ أسبوعين مو بالبيت و هسا جاي للمستشفى يعني انت مو مسافر

- سيد خلي افهمك..امشي وياي و احچيلك كلشي

سكتت و جريت حسرة..طلعنا للحديقة و گعدنا
قليل ناس موجوده بالثيله لأن الوقت متأخر

- اي محمد احچيلي شعندك هين

- انت شعندك هين احد صاير بي شي

ما جاوبتو و گلت

- احچيلي انت مو سافرت !!

تنهد و هو يدنگ راسو و يسند ايديه على ركبو

- بس اريدك تتفهمني..سيد مو بيدي الصار والله..
بنهار صارت المشكله..اني بطريق الرجعه
اتصلت بيه امي..و حچت وياي و انطتني خبر حدر على راسي مثل الصاعقة

رفع راسو و گال بصوت ناصي

- سيد..امي مريضة بالسرطان

- لا حول ولا قوة الا بالله..

تنهد و مسح على وجهو و كمل بنبرة خافته

- انقهرت و عصبت..حسيت بقلة حيله و اني اسمعها تبچي و تشكيلي..من رجعه للبيت والله چنت منتظر كلمة حلوه من تقيه تنسيني الصار
بس هي تلگتني بالكوانات و الشك و الغيرة..ما گدرت اسكت
اعرف غلطت..و اعرف جرحتها و ما برد عليه صوابي الا فات الأوان..بالليل رجعتلها و اعتذرت منها و والله چان اعتذاري نابع من كل گلبي..

سكت لحظات و شفت بعيوني طبقة دمع خفيفه..و هو يكمل

- الضرب الي انضربتو منك و من ياسر استاهلو..بس والله چنت مو بوعيي من رفعت صوتي عليكم و حچيت على تقيه..مصاب امي خلاني افصل عن الواقع
گلتلك بالليل من رجعت صالحتها..و التلفون الثاني والله كسرتو هو و السيم كارت مالتو
و حتى سيم كارتي الاصلي كسرتو ظل بس حساب الفيس احچي وياكم بي..