| عشگ المداح | ' باللهجة العراقية '

البارت الرابع و العشرون

#عشگ المداح
#بقلم: الراوية
#البارت الرابع و العشرون

بسم الله ❤
اللهم صلِ على محمد و آل محمد❤

.

ناز..

تعشينا و كملنا..و سيد گال تعبت اريد انام..

اخذته من ايده و صعدنا فوگ..غيرتله ملابسه و هو يحچيلي شنو گاله الدكتور بالتفاصيل

رجعت نزلت اخذت ريان من حنين..اباوع ل حنين شگد تعلقت ب ريان بسرعة..صح بالأول ما چنت مطمنه منها و اگول يمكن عدها غاية..بس تصرفاتها هسا و كلامها ثبت العكس

نومتها ل ريان..و رجعت گعدت يم سيد..
گال بصوت خافت

- راسي يوجعني

- افركه الك

- بكيفچ‌

حچاها و اني مديت رجليه و هو خلى راسه بحظني..و گعدت امسح عليه على كيفي..اخاف اعوره على الجرح

اباوع اله يفتح و يغمض عيونه..انتبهت للدمار الي على طرف جبينه..شلون منتفخ..من يضوج لو يحس بوجع براسه دائماً يطلعله

دنگت عليه و بسته من جبينه و گلت

- عبدلله..شوكت نسافر ؟

- هلگد اغوتچ السفرة..و تريدين نسافر

حچاها بابتسامه و اني مسحت على جبينه على مكان الوريد و گلت بهمس

- لا علمودك و الرب

- اعرف..بس اشاقيچ
ما ادري شوكت الدكتور گال اتواصل وي الدكتور الي هناك و يردلنا خبر

- خوش

حچيتها و هو التفتت عليه و اني ابتسمت من گال

- انطيني ايدچ

حطيت ايدي بكف ايده و هو رفعها ل شفته و باس ايدي و گال

- ما مشتاگ ل شي بگد ما مشتاگ ل شوفت وجهچ..عيونچ و شعرچ

غورقت عيوني..و حاولت ما ابچي..دنگت راسي
ل وجهه و گلت بخفوت و اني اسند جبيني على جبينه

- عمري انت..

سكتت و خاني لساني..هو رفع ايده و تلمس ملامحي وخدي قربني اله اكثر و باسني من شفتي بلطف..
غمضت عيني و وگعت دمعتي على خده و هو گال گبل ورا ما بعدني

- بس اريد افتهم ليش تبچين..
اني احچي هيچ مو تا ابچيچ

- شنو اسويلها دمعتي بطرف عيني

حط ايده على الفراش و گعد..گام يتلفت قبل لا يباوعلي و هو يتلمس ايدي..حاوط ايدي بيديه اثنينهن و گال بصوت خافت

- ناز..

- عيونها

- تعاي بحظني..اريد اشوف الدنيا منو

غمضت عيوني و اني اجر نفس..قبل لا اتقرب و اني احاوط خصره بيديه..حطيت راسي على كتفه و هو بدا يمسح على ظهري بخفة
غمضت عيوني و دمعتي وگعت من گال