Page 481-484
Page-481
ဇာတ်သိမ်း
ပိုင်ဂွန်းဂွန်းနိုးလာတော့ သူ့အမေကိုရှာလို့မတွေ့တော့ဘူး။
ဦးလေး Xie Guchou ရဲ့မျက်နှာအမူအရာဟာ အရမ်းကိုမှတည်ကြည်လေးနက်လို့နေတယ်။ သူသူ့ကိုပွေ့ချီလာပြီး တစ်နေရာကိုခေါ်သွားစရာရှိတယ်လို့ ပြောလာခဲ့တယ်။ ဦးလေး Xie Guchou ရဲ့အမူအရာက အမြဲတည်ကြည်လေးနက်နေတာမှန်ပါတယ်။ သို့သော် ဒီနေ့တော့ ခါတိုင်းကထက်ပိုပြီးလေးနက်နေသလိုပဲ။ တစ်ခုခုတော့ဖြစ်နေပြီဆိုတာ ရိပ်မိလောက်တဲ့အထိ ပိုင်ဂွန်းဂွန်းဉာဏ်ကောင်းပါတယ်။
ကောင်းကင်ကတိမ်ပင်လယ်တွေကို ဖြတ်သန်းပြီးတဲ့နောက် ကျက်သရေရှိတဲ့တိမ်တိုက်တွေဝန်းရံနေတဲ့ ကျောက်တုံးနန်းတော်ကြီးမှာသက်ဆင်းကာ ဦးလေး Xie Guchou သူ့ကို မေပယ်ပင်တွေနဲ့ပြည့်နေတဲ့ ဥယျာဉ်တစ်ခုထဲကို ခေါ်သွားခဲ့တယ်။ ဥယျာဉ်ထဲမှာတော့ ဦးဦး၊ ဒေါ်ဒေါ်၊ ကိုကို၊ မမတွေ အများကြီးစုရုံးရောက်ရှိလို့နေတယ်။
ဥယျာဉ်ထဲက တံခါးအပေါက်ဝကို သူတို့ဖြတ်ဝင်လာတဲ့အချိန်မှာ ယပ်တောင်တစ်ခုကိုင်ထားတဲ့ဦးလေးတစ်ယောက်ဟာ ချောမောတဲ့အစ်မတစ်ယောက်ကို ပြောနေတာကို ကြားလိုက်ရတယ် "တကယ်တမ်းပြောရရင် Miaoyi လောကတို့ဘာတို့ကို သန့်စင်ရတာ နတ်ဘုရားမျိုးနွယ်စုအလုပ်တွေပါ နတ်ဆိုးမျိုးနွယ်စုနဲ့ဘာမှမဆိုင်ပါဘူး မင်းပြောတော့ ဒီတိုင်းဖြတ်သွားရင်းနဲ့ ရဲ့ဟွာနဲ့တခြားသူတွေ အကာအကွယ်တံတိုင်းကို ချိုးဖောက်ဝင်ဖို့ကြိုးစားနေကြတာကိုတွေ့လို့ ခဏသူတို့ကိုဝင်ကူညီပေးတာဆို? ဒါပေမယ့် ရှောင်ရန်.. ငါမင်းကိုမေးပါအုန်းမယ် မင်းဘာလို့ပင်လယ်ပြာကိုဖြတ်သွားရတာတုန်း?" (ပိုင်ဂွန်းဂွန်း ရှောင်ရန်ကို အစ်မလို့ထင်နေတာ🤣)
အစ်မချောချောလေးဟာ ချက်ချင်းပဲ ပြာယာခတ်သွားလေတယ် "ငါ.. ငါ လမ်းပျောက်သွားလို့ ဟုတ်ပြီလား?"
Page-485
"တကယ်အရူးပဲ" ဦးလေး Xie Guchou ပြောလိုက်တာကို ပိုင်ဂွန်းဂွန်းကြားလိုက်ရတယ်။ ဥယျာဉ်ထဲမှာရှိနေတဲ့ ကိုကို၊ မမ၊ ဦးဦး၊ ဒေါ်ဒေါ်တွေအားလုံး သူတို့ကိုလှည့်ကြည့်ကြလေတယ်။ စောနကမမချောချောလေး ဒေါသထွက်သွားပုံရတယ်။ သူမ ဦးလေးXie Guchouကို စူးစိုက်စွာကြည့်လာပြီး မေးလာလေတယ် "ဘယ်သူငါ့ကို အရူးလို့ပြောတာလဲကွ?"
YOU ARE READING
Eternal love of dream-Three lives Three World The pillow book 2-Unicode version
Romansaဒုတိယတွဲ (Unicode version ) သုံဟွာသီကျွင်း၊ ဖုန်းကျို တို့်ရဲ့ love story line 💗💗💗 three lives three world the pillow book 2 Myanmar translation by three live three world: the pillow book-Myanmar translation 💖 ဖတ်ပီးရင် vote 💗 👈 ပေးခဲ့ဦးနော် ...
