بحر الذكريات

٧

متابعيني بارت صغيرون ادري صدكوني ما كدرت اكتب اكثر باجر اعوضكم ان شاء الله ما اخذ اجازتي لتن احنا متفقين بين يوم ويوم صح😘😘

نهلة:
بعد ايام من عرس مازن ووفاء صادفته بالطريق واكف هو والمسحاة مالته ....بملابس الفلاحة جاي وشكله عصبي...وصلت قريب وتعديته كال بعصبيه وحدة
-اوكفي بويه خل نسولف 

وكفت وكلت احجي وياه
-اترجاك خويه اني ارملة وعندي جاهل وكفتك هيج بدربي وتوكفني مو حلوة وحلوك الناس ما ترحم
-اشك حلكه اليجيب اسمج على لسانه...اجيت اسمع ردج منج

-مو كلت الهن ما اتزوج ..خويه اني متزوجة وام
عيونه طلعت وعصب

-الاولى اني مو اخوج لا تكوليها ولا تفكرين بيها والتالية انت ارمله ويحق الج زواج
-انت شبيك كلت الك ما افيدك يا اخي فك مني والا راح اكول لاخواني يتفاهمون وياك عاد لخاطر اخوك وولده اني اختهم عيب عليك...حجيت عليه معصبه لان ما يفيد الحجي بهدوء مخبل هذا؟؟؟

-نهلة روحي بدربج حتى اسمي ما حاولتي بيوم تعرفيه تذكريني تذكري ثائر ... عساج بنار كلبي واكثر عساها بحظج وبختج ولج سنين نطرتج وهاي التالي عسى لوعتي بيج ومحد يطفيج تذكري يا نهلة كل ما مر بيج ضيم وكولي هاي حوبته ولج مرمرتي عمري ...

مشى من كدامي ولمحت دموع تجمعن بعيونه ...خفت من دعوته ورجفت ايديه ...دعوة بكسرة وقهر ...خفت هواي منها ...رجعت الطريق كله ودموعي ما بطلت ليش يدعي عليه شنو غلطتي ...احب طارق ما احب غيره لا ثائر ولا غيره اكدر اخليه ياخذ مكانه...

....
فتت للبيت عمتي ام طارق كامشه ايمن وكاعده بالطرمه اول ما شافني اجا يركض عليه وشلته ومسحت دمعي ...وصلت لعمتي كاعده بالحديقه سلمت واريد افوت بس هي ما تفوتها وهي مربيتني
-شلونج عمه 

-هلا يمه هلا بيج الله يساعدج
-ويساعدج يا غاليه

مشيت اكمل طريقي وهي لمحت وجهي
-نهلة شبيج؟؟
-ما بيه شكو بيه ؟؟؟

-تعالي هنا يا بنيتي تعالي منهو مضايقج
هي كالت هيج واني كعدت وكمت ابجي
-عمه تعبانه ...ما ردت ازيد نارها وهي هم امه وقلبها امر من قلبي عليه

-شنو البيدنا امر ربج وحكمه يا بنيتي انت مؤمنه وتعرفين المكتوب ما منه مهروب
-اووف يا عمه عافني وما تهنيت

-ومنهو تهنى بي يا يمه ...حطت الشيله على وجهه واشغلت بواجينا ....هي تحجي وتصبر مره واني مره نواسي بعض

طلعت جدتي وشافتنا اجتي بساع النا
-ولجن خايبات لا تندبن كافي راح تكرطن الباقين...وانت كومي توج جيتي من دوامج وكاعده تعوين
طردتني بخفه ايدها من يم عمتي ورجعت كعدت يمها وتسكت بيها ....جدتي رغم اثنين من ولدها راحوا بس هي اقوى منا واحسن ..تصبر روحها بالدعاء والرحمه الهم ودوم من تذكرهم تسبح بسبحتها لما تخف قهرتها ابد ما تبجي تكول ما يصلح البجي والحزن