في كل يوم يمر نفكر بما سنفلعه غدا وبعد غد ونخطط لامال تتمثل فيها وتترتب عليها حقوق مشاعرنا وواجبات واقعنا ...الحب دوما يأتي في وقت غير ملائم يكون احد الطرفين غير مستعد للخوض فيه او تكون الظروف عائقا امامه
...دائما يكون خطأ التوقيت والمكان والمناسية رفيق للحب ...نتسائل دوما هل الجميع يمر بنفس الاسى والعذاب ام هناك حب يسر بسيط ياتي بلا حساب ولا موعد ..بت اليوم اثق بان الحب وخطأ التوقيت قرينان لا يفترقان 😕
هدير:
بعد ما انطردت مرات ومرات من بيتهم مره هو ومره ابوه وحتى رانيا صارت من تشوفني تكلي هسه يجون بابا لو ايمن وكأني مسويه ذنب بجيتي لبيتهم ..مو بيدي يمكن اليسمع هيج سويت يكول عني بلا كرامه بس "كنت" مؤمنه بمبدأ لا كرامه في الحب سطرين وتطويخ على كلمة كنت"
بعد خطوبة صفاء رحت يمكن مرتين ما شفت منه تغيير ولا اهتم لمشاعري اللي صارت مفضوحه واكثر من مره عاتبتني عليها شيماء اللي كانت قريبه مني هي وساره بنات عمه وفاء . ..قررت بأن خلص اكتفيت من اذلال نفسي ...كطعت الروحه ويه اهلي بالاجازات اتحجج لو بمرض لو بالدراسة والتهيت بدراستي بعد وراي سنة على ما اخلص اعدادية وسنين دراسه هواي لحد ما اتخرج ويجوز تتغير قناعاتي وافكاري ...
قررت اقرا بمنهج السادس من العطلة و اطلع كلية زينه بس اللي صار اول يوم العطله واخواتي لحوا على بابا نروح لهناك وبقوا يتوسلون تبقى يم بيت عمو سرمد وجدتي ....حاولت اطلع حجج لان اعرف روحي بعد ما مسيطرة على مشاعري ورجلي تاخذني الهم غصب عني غلست بس ماما ضلت تلح وياي وبقت تنبه بأن الكل لازم نروح محد يبقى بالبيت ...
وصلنا للمنطقة واني مدنكه ودي ابجي او انفجر بأحد ...اول ما فتنا من يم باب بيتهم بابا نزل الجام وسلم عليه ...كان بالشارع ...حاولت ما ارفع راسي ولا اهتم بس صدكوني غصب عني تصير
...كامش الماي ويرش بابهم ..رافع دشداشته وشادها على خصره ...يا ربي والله عذاب شوفته ...لابس دشداشه لونها ابيض بلمحة فيروزي خفيف مطلعته كيك ابو الكريم شانتي بنكهة الفستق الحلبي😢واني ضعيفة كدام الحلويات ...من صغره يحب الدشاديش مدري هي اللي تحليه مدري هو اللي يحليها بس الثانية هي الاكيدة ...عيوني الما استحن ابد بيوم هم ما استحن وضلن يتأملن هالطول والملامح
...ربي يعني هو صدك مريض لا اعتراض بس والله هالنوب روحي صارت تعتصر من اتذكر من وكع بين ايديه هالنوب جنت احبه هسه صار ويه النفس ...اختلط ويه الحب هواي مشاعر ثانيه تجاهه بس شسويله وهو عبالك مو شايفني....
بعد ما سلم بابا عليه وهو سلم على ماما ..اندار ناحيتنا وسلم من بعيد ورجع اعتدل ..ابتعدت السيارة واني عيوني ما ابتعدن منه خفت لا بابا ينتبه بس اللي صار غير كل مخططاتي وهو ابتسماته الي واحنا نبتعد ..صدمه؟؟؟؟ايمن مبتسم ؟؟؟والي اني؟؟؟
أنت تقرأ
بحر الذكريات
ChickLitقصة باللهجة العراقيه .....من الزمن الجميل وبين صفحاته سطور ذكريات لامرأتان عراقيات دارت بهن الحياة وطحنت رحاها شبابهن ...فكيف سيكون مستقبلهن ....؟؟؟؟
