بحر الذكريات

ترحال مشاعر

٣٠٠٠ كلمه 😍⭐⭐⭐⭐⭐⭐هواي نجوم اكوو🥰🥰 بالسما مو بقصتي🤨🤨

شيماء:
طلعت من محافظتنا من قبل الظهر وما وصلنا الا وغايبه الشمس ...مسافة بعيدة واني كل ما نبعد اكثر دموعي التنزل اكثر على بعد اهلي عني ...الزفة كانت مختصرة كلش بس زلم اجو ...عدا زوجة ابوه لحسين وعمته الجبيرة وطلعت وياي خالتي نهلة بس من اهلي ...اخوه وابوه وعمامه اثنين بسيارة ثانية وبعد سيارة مدري منو بيها ...استغربت امه ماكو رغم هو وحيدها ولازم تفرح بهيج يوم بس يكولون مريضة خطية ....

كنت منحرجه منهم حيل وخاصه هو كاعد يمي وكل شويه يكمش ايدي وبس يلتهي اجرها بهدوء ...
حسين طبعه هادئ حيل واصلا قليل كلام وهالشي صعبها عليه اكثر 

زوجة ابوه الطريق كله تهوس هوسات وتصفك هي والسايق اللي عرفته ابنها واخو زوجي من ابوه ونسونا وخففوا ضغط الطريق دمهم يخبل اثنينهم

وصلنا لنص الطريق ونزلوا الكل غسلوا وارتاحوا وعرضوا عليه انزل ما كدرت رغم اني ما كنت لاببسه بدله لو شي لبست فستان عدل اوف وايت لان كالوا الطريق كلش بعيد واصلا يمهم بعد اكو حفلة ...حسين جابلي ماي وعصير وااجاني واني بالسيارة
-هاج اشربي
-هااا لا ما اريد
-اشربي عيوني انت الطريق بعيد وشكلج تعبتي 

-اي تعبت كلتها بيأس تام وكأن هالطريق ما حيخلص ...شكد باقي
-لا ما باقي هواي ساعتين ونوصل
-يااا كل هاي وتكول قليل
صعد يمي بالسيارة بعد ما كان واكف بره ...سد بابها وتقرب استغل نزول الكل من السيارات
-حلوة طالعه ...حيل حلوة انت

-شكرا
-العفو عيوني ما كلت شي
سكتت ودنكت وبحضني العصير قوطية بقيت اقرا عليها المكونات حفظتهم كثر ما عدت
-ليش ما تشربيها احسن
-ها لا خليها
-ما عطشانه
-هاا لا
-شبيج شمتي

-منو ؟؟
-شمتي انت ....شمامتي
سكتت محرجه منه
-شبيج
-ما بيه
-ليش ما تنزلين تاكلين تشربين شي وجهج مصوفر
-لا
-عنودية !!

-هاا لا والله شنو شايف عليه مره تكول وكحه مره عنودية؟
-تذكرين اللقاء الاول
-اي ؟؟
-هو انت وكحه عنودية ...

باوعتله بضوجه وعتب شنو شاف مني..سكتت ودرت وجهي رجعت اقرا مكونات القوطية..مو راح افتح معمل عصير عبالك؟؟

صعد اخوه ورجعت الهوسة وياه ...شغل الاغاني ويصفك وامه تهلهل واحنا رجعنا التزمنا الصمت هم اني وهم هو؟؟

وصلنا بيوتهم متأخرين تفاصيل عرسنا غريبة جانت ماكو يمهم عرس اليوم لان ما يلحكون زفه وعرس نفس اليوم فعزيمة عرسنا حتكون بثاني يوم ...اني سويت حفلة يم اهلي لقريباتي حنه جانت قبل بيوم من الزفة ....

دخلوني للبيت بعد ما رموا طلقات بالجو فوك راسنا ....ما شفت شي لان ليل اولا واصلا اني حالتي حاله من التعب ...