بحر الذكريات

ام البنات

نهلة:

سنة ٩٣ تزوج احمد من ماجدة وتم عرسهم ورحنا بصفة اخوات العريس ....اهله البوهاشم بلفهم موجودين.. اني ووفاء كلهم يعرفونا بنات ام احمد من زوجها الاول... يسمونا بنات الحاج علي باسم جدنا لان انعرفنا بناته وابونا انسى اسمه لان مات بعمر الشباب كلش صغير...دلال كانت ضايجه حيل لان جايات ...نسوان عمامهم استقبلونا ببرود ..امي الوحيده اللي فرحت واكيد اخواني الاثنين اللي لخاطر خوتهم  وعلاقتنا الحلوة بيهم حضرنا بمناسبة الهم ...وكفنا بالعرس خوات ومعزبات وهالشي سبب غيض لدلال وخاصه زوجها المستخف كتل نفسه عالبيت والمطبخ بيومها كل شويه وفايت بحجة شكل مره يشوف الاكل ومره يجيب ثلج ومره يحضر ماي ويطلع ....كل مره يفوت اني اسحب نفسي بغرفة امي ...مرتين ويالثالثة لكيته ورايه يمشي

-نهلة
انداريت عليه والتفتت عالباب مال المطبخ زوجته واكفه وتباوع
-شكو

-بويه ما اندك بيج والله اخذي راحتج لا تفوتين جوه ولا تنجرين مني
-ثائر سوالفك مو وكتها ..خل العرس يعدي بخير
-هسه شحجيت وياج

-مرتك واكفه تتفرج عالاقل احترم وجودها

-ههه بنت عمج من يومها تدري وين بالي وهي تدكرت وقبلت تحط روحها بهالمكان ..انت الاولى والاخيرة نهلة .

اجيت اغلط عليه بس سكتت وصبرت نفسي كوه ورحت انلزكت بامي اساعدها واخلص من لزكته ...دلال الوقت كله تخزر بيه ...عدها اربع اولاد صاروا من ثائر توها جانت جايبه وانقهرت عليها من هيج يعاملها بلا احترام ولا يحسب الها حساب ....بعدين اكول تستاهل بعد ما عرفت حقيقة صدمتني ...حبته ورادته وضاله تركض وراه وخطبها 

تقربت يمي وحجت
-نهلة تعاي عندي حجي وياج
رحت وياها مهما يكون بنت عمي هي..فتنا بغرفة امي وسدينا الباب وهي كعدت تبجي
-شسويله نهلة ؟ ؟

-دلال اني زوجي اسير ويرجع عيب عليه والله وحتى انت كلامج حرام بعد تكوليه ..عرفتوا كلكم زوجي عايش ...كافي عاد تعبت من الملامه رجلج اكمشي عني

-والله احجي واتعارك ولا يفيد ..يكول اني ما مسوي شي ولا محاجيها
-اي خل يبعد كافي تره والله اوصلها لمازن هو يتصرف وياه

باوعت بوجهي بخوف ...بعد هالسنوات كلها والمشاكل والفرقة.... وهمه يعرفون لو نريد نشتكي لمازن شراح يسوي

بعد خبر اسر طارق الكل سكت ...دلال لمت مشاكلها ولسانها وسماح صارت تخاف تندك بينا بعدددد ما اشتكتها وفاء لجدي ودز على ابوهاا واخوها وحاجاهم ...طارق بمجرد اسمه عايش انسدت حلوك ربي بس رجعه الي كل شي ما رايده .....دلال تعبانه كانت رغم كرهها الي اللي عمى عيونها وقلبها بس هسه تيقنت الخلل وين وعرفت معرفة تامه زوجها ما يبطل سوالفه ابد