بحر الذكريات

عقاب

صباحكم عافية 😘😘

هاي اني عالوعد اجيتكم بس مسؤوله عن اي سحكه موجودة بالنص 😌😌مدري وين يلكفوهم لسحكاتي 😤😤البارت بدون مراجعه وتصوتون احسن الكم😎😎

طارق :
كنا اني وعارف وايمن كاعدين بطارمة البيت نشرب جاي العصرية ...دخل ثائر من الباب واستغربنا دخوله للبيت بهيج منظر وراه دلال تلطم وتعيط ...الذعر اخذ من حيلنا نريد نفهم منهم شصاير ...احمد وسرمد وهواي من عوائلهم اجونا لان كانوا اول من عرف بالخبر احد اعمامهم كان موجود بلحظة الحادث وجاي مبلغهم بالحادث ونقل اللي بالسيارة ككلهم للمستشفى....

مازن وبناته ميتين !!

وقع الخبر كان كارثة ووكعت علينا ...اباوع حواليه نسوان هواي التمن خواته كلهن بساع صارن ببيته كلهن وعماتنا وكل من سمع ...طلعنا من البيت بسرعه متوجهين للمستشفى المركزي ....

وصلت هناك منهار كل شويه اكعد وابجي بالطريق ما تشيلني رجليه لمكانهم ...انقسمنا بين الردهات ...متقسمين منهم خطر حالتهم ركضنا للجراحية عمليات اثنين منهم وناس طلعوا للطب العدلي ؟؟؟

ربي دخيلك لا تفجعنيي باخويه وعائلته ...عرفت بناته وياه لان سديم شايلها ممرض ويفتر تبجي بايديهم ..رحت ركض اخذتها وابوس بيها مو مصدك اشوف احد منهم...
اخذها مني ثائر لما شافني انهاريت وخوالها هم شالوها ...سارة لكيناها بالطوارئ يطببوها جروح سطحيه مو عميقه لافين راسها وعيونها مورمات ... لما شفتها راحت روحي عليها وارتفع سكري كبل كعدت بعد ما بيه اتحمل اوكف ...عارف يعيط بالممر ويلطم براسه وخوالهن يبجون ...بادت رجليه كلش واني اسمع بفاجعتنا ...شهد ماتت بلحظة الحادث اويلي على قهر اهلهن وقهر ابوهن ..ادري بمازن ما يتحمل يفقد وحده من بناته من حبه الهن شايف بيهن دنيته والحياة الحلوة العايشها ...

طلبوا دم متبرعين وراحوا كل الزلم الموجودين تبرعوا ...طلعوا مازن من العمليات بغرفة خاصه حالته مستقرة بس شيماء ماكو وساعات وهي ماكو ...هاي الاثناء وصلت وفاء مفجوعة والله لا يشوفكم منظر مشابه ....ملخت نفسها بيناتنا اشيلها وتوكع مني نهلة وياها وماجدة زوجة احمد ...ما كدرنا نوقفها بالاخير طلعوها بره المستشفى بقوة وانطوهم شهد .....طلعنا ندفنها ابويه وجدها وامها وياانا ..تقسمنا بينهم ما نعرف زين نتوجه ...كل ناس مشت بجهة ...بايدي نزلتها لقبرها وشهدت انهياار امها وامي وجدتي على قهرتها ...ما تعرف شنو تريد لو شتسوي ...حطت وحدة بتراب وكامت تركض عالباقيات ...ما ردت اعوفها وياها امشي اني وياي ابويه وامي ..نهلة بقيتها بالمستشفى لسارة وشيماء اخاف يحتاجوها وسديم اخذوها بيت عمتها دلال وياهم وطلعوا لان ما تحتاج مستشفى ...والاولاد باقين يم سماح بالبيت

رجعنا للمستشفى والتهيت بمازن اللي فاق وكام يبجي ويدعي على روحه بالموت ..يلوب مو الم يلوب ندم وقهر..مكسور ضهره بفقد بنية وحالة الثانية الخطرة ...