..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
بمجرد ما دخل سمير لكوزينة ناض حاتم لبيت نعاس لي خلاه سمير محلول ..دفع لباب بشوي وسرح عينو بصدمة فأريج لي ناعسة فوق ناموسية عاطياه بضهر...كمش حجبانو ما فاهم والو ..بان ليه خيال سمير كيقرب وهو يدخل بزربة تخبا تحت ريدو مكيبانش ...
بقى مخبي تم وطالق ودنيه كيسمع اش كيقولو وكل مرة كيتصدم من كلامهم و العلاقة لي جمعاهم....حل ريدو بإبتسامة خطيرة من سمع سميتو ..
سمير: حاتم مزال برا تعطلت عليه ....
حاتم: كتهضرو عليا...
سمير و اريج دم جمد ليهم فعروقهم ..دورو وجهم دقة وحدة لحاتم لي حط يدو على ناموسية كيشوف فيهم و هما كيشوفو فيه بصدمة ...
فاق سمير من صدمتو : منين دخلتي نتا ...
حاتم : من لباب.."تبسم تا تسدو ليه العنين"....شنو كنتو كديرو ...
اريج وجها ولا حمر :ووو والو غير بغيت نهضر مع سمير و صافي ..
حاتم داير معاهم لنكيط : سادين عليكم و مخليني برا ولابسة حوايجو وغير كتهضرو...
سمير شاف فيه بترجي : ما تقول والو لباك راه ايقتلني لساق ليا لخبار ...
حاتم عض شفاه ديالو من جنب كيشوف هنا ولهيه ولا كيبان ليهم بحال عصام نفس تصرفات و الحركات صدمهم...طلع جلس بيناتهم كيدور راسو بيناتهم : عارفين هادشي لي كديرو فيه دابا حرام و كتسمى علاقة غير شرعية وانا لا مقلت والو وسكت على لي شافت عيني انتحاسب عليه قدام الله ...
سمير خرج عينو فيه : كفاش...
حاتم هز كتفاو ببرائة : الساكت عن الحق شيطان أخرس، والناطق بالباطل شيطان ناطق و انا مبغيتش نولي شيطان وهاد شي لي شفت خاصني نوصلو لبابا يتفاهم معاكم ...
صدم ملتهم بجوج بقاو حالين فمهم و كيرمشو ما لقاو ما يقولو.....وهو ساكت كيتمنضر فيهم..دور راسو لاريج وهبط عينو وطلعهم فها مخصر سيفتو ....
