لهيب الهوى

الفصل السابع والعشرون "الأخيرة ".... "لهيبي ! "

ضربت تلك النسمات وجهها لتداعب بشرتها الرقيقة بلطف فتحت عينيها لترمش عدة مرات ثم بدأت تستعيد الأحداث رويداً رويداً اتسعت عيناها لتهب وهي تزيح تلك الأغطية عن جسدها ... صرخت بعنف حين شعرت بتلك الوخزات أعلى يدها الصغيرة لتجده يندفع من باب تلك الحجرة العصرية يجلس أمامها يعدل من وضع الإبرة بيدها وهو يقول :

- تعوري نفسك كده يارنيم !!

اتسعت أعينها وقد احتلت الصدمة جميع ملامحها تنظر إليه بدهشة ثم رفعت يدها الحرة تمسك يده وتتنقل على أنحاء جسده بشكل عشوائي لتهمس بكلماات مبهمة لم يفقه منها شيء ثم قالت بصوت مسموع متقطع ...

- انت بخير ... ال... ال ...النار ... آآآ قتل .. عمر وجوان فين !! ولااادي !!

أحاط رأسها بيديه يهدئها وهو يسير بإبهامه على خديها برفق :

- اهدي ياحبيبتي الولاد بره مع عمهم سيف ... وأنا قدامك اهوه كلنا بخير ... محدش غيرك خضني عليه !!!

أدمعت عيناها وهي تهز رأسها بالسلب بخوف لتضع يدها أعلى بطنها وتنظر إليه بأعين متسعة وكادت أن تتفوه ليبتسم لها مطمئنا إياها:

- والبيبي بخير بس الدكتورة حذرت على حالتك النفسية وقالت إن ده غلط عليه !!

تنفست بهدوء لتعقد حاجبيها وهي تقول بإندهاش :

- إزاي !! أنا شوفت المسدس !! كان حاطه ناحيتك وسمعت صوت ضرب النار أنا متأكدة !!

ابتسم لها وهو يعدل من جلسته ليجاورها محتضنا إياها:

-متقلقيش ياروحي أنا بسبع أرواح مش هسيبك أبداااا !!

لم تكن بمزاج لتبادله دعابته إذ سيطر عليها عدم الاستيعاب والاندهاش لتقول بحزن:

- انت بتتريق يا أيهم !!! أنا عاوزه أفهم !! حاسة إني كنت بحلم !!!

تنهد بهدوء ثم قال :

-هما ضربوا نار فعلا يارنيم بس على بعض !! يعني سليم وناصف خلصوا على بعض و صافي اتقبض عليها .. !!

شهقت بعنف ثم نظرت إليه بأعين وهي تهمس:

-وأمها !!

زفر أنفاسه وهو يزيح خصلاته للخلف بإرهاق واضح:

- انتحرت !!!

صدمتها كانت واضحة للغاية حين قالت :

- أيه !!! امتي حصل كل ده !! هو أنا حصلي أيه بالظبط !!!

جذبها إلى صدره مقبلا رأسها ثم أراح ظهره أعلى الوسائد من خلفه وهو بجذبها معه ويقول هامسا لها :

-شوفي يارنيم ... أنا كنت عارف إن ناصف هيبعتلك .. وكنت مستني منك تصارحيني بده وقتها كنت هفهمك كل حاجة و إني كنت برتب عشان أنهي المهزلة دي وأجيب حق أخويا ووالدك ووالدتك طبعا ... لكن للأسف الأمور اتعقدت بينا ومكنش عندي حل غير إني أسيبك تمشي من القصر وتبقي تحت عيني وبجيلك كل يوم بس بليل وإنتي نايمة ... أنا اللي كشفت مكان عمر لناصف عشان يفتكر إنه متحكم في كل حاجة ويتصرف براحته منغير حذر وده اللي عمله ... جمعتله تسجيلات بصوته وبدأت أوقف أي شغل لشركات والدك وفعلا معداش كتير والشركات أعلنت إفلاسها وبعدها زي مانتي شوفتي كان بيحاول يوصلك بعد مامضى على تنازل عن كل اللي أخده منك ....