எதிரில் புன்னகையுடன் நின்றிருந்த திவ்யாவை அந்த மூன்று நண்பர்களுக்கும் பார்த்த மாத்திரத்திலேயே பிடித்து விட்டது .அதன் பின் அந்த பத்து பேரையும் அழைத்து சென்றவள் அவர்களுக்கு அவர்களின் பணிகளை விலக்கிக் கொண்டிருந்தாள் .மெயின் ட்ரைனராக அவள் இருக்க அவ்வப்பொழுது சிலரை கே டி எனப்படும் knowledge transitionற்காக அழைப்பர் .
அந்த ஒரு நாளிலேயே அங்கு அவர்கள் டீம் இல் இருந்த பத்து பெரும் நட்புகளாகி இருக்க அதில் பல மாநிலத்தவரும் இருந்தது பேசுவதற்கு நிறைய சுவாரஸ்யமான விஷயங்களை கொடுத்தது .
அதில் திவ்யா அவர்களை விட ஒரு வயது தான் மூத்தவள் என்பது அனைவருக்குமே ஆச்சர்யம் .வேலைக்கு சேர்ந்த ஒரே வருடத்தில் காக்னிசன்ட்டில் டீம் லீடராக பதவி வகிக்க வேண்டுமென்றால் அது சாதாரண விஷயம் அல்ல .
அவ்வப்பொழுது குட்டி குட்டி பிரேக்குகளுடன் முதல் நாள் வேலைப்பளு அதிகம் இல்லாமல் மிகவும் நன்றாகவே சென்றது . லஞ்ச் பிரேக்கில் அனைவரும் சேர்ந்து உண்ண அங்கு ஒரு குட்டி கலாட்டாவேநடந்து விட்டது .
ஜீவிதா ஒரு இடத்தில் பொருந்தி போவதற்கு சற்று கால அவகாசம் எடுத்துக்கொள்வதால் அனைவரையும் அறிந்த பிறகே தனது குறும்பு தனங்களை எல்லாம் வெளிக்காட்டுவாள் ப்ரவீனும் அவ்விதமே . எனில் ஜான்வி அப்படி இல்லை .இருக்கும் இடத்தை கலகலப்பாக வைத்துக்கொள்வாள் .
பார்க்க தான் பாவமாக இருக்கும் முகம் எனில் அவள் செய்யும் வாலுத்தனத்தை எல்லாம் பட்டியலிட்டால் அடிஷனல் ஷீட் தான் வாங்க வேண்டும் .அப்படி ஒரு வாயாடி வாலு .ஆதலால் அவள் அந்த குரூப்பின் செல்ல பிள்ளையாக மாறிப்போக திவ்யாவிற்கு favourite ஆகவும் மாறிப்போனால் ஒரே நாளில் .அன்றைய நாளும் முடிவிற்கு வர அனைவரும் தத்தம் விடுதிகளை நோக்கி பயணித்தனர் .
மூவரும் ஆபிசில் கொடுக்கப்பட்ட பேருந்தில் ஏற அவசர அவசரமாக திவ்யாவும் வந்து ஏறினாள்.ஏறியவள் ஜான்வியின் அருகில் இருந்த காலி சீட்டில் அமர்ந்து கொண்டாள் .அவளிற்கு cab வழங்கப்பட்டிருந்தது .என் இவள் இங்கு ஏறுகிறாள் என்று குழப்பமாக ஜான்வி பார்க்க திவ்யாவோ அவளை நோக்கி புன்னகைத்தவள் காதில் ear phoneனை மாட்டிக்கொள்ள ஜான்வியும் ஜன்னல் பக்கம் ஆர்வமாய் வேடிக்கை பார்க்க ஆரம்பித்து விட்டாள்.
