அடுத்த நாள் காலையில் சூரியன் தனது வரவை உணர்த்தி கிழக்கில் உதிக்க வழக்கம் போல் தனது அன்னையின் அர்ச்சனைகளுக்கு பின் தான் துயில் களைந்து எழுந்தாள் ஜான்வி .எழுந்ததும் மணியை பார்க்க அதுவோ எட்டு என்றது அவசர அவசரமாய் தனது போனினை எடுத்தவள் என்ன பதில் அவனிடமிருந்து வந்திருக்கின்றது என்று பார்க்க கௌதமோ "who are you ?"என்று கேட்டிருந்தான்
அதை பார்த்ததும் கோபம் சுறுசுறுவென்று ஏற நா யாருன்னா கேக்குற போடா பாடி பில்டர் என்று திட்டி விட்டு பதில் அனுப்பினாள் "கண்டுபுடி என்று " .
பின் அவளின் அன்னை கீழிருந்து வசை பாடுவது மேல் வரை கேட்க உள்ளே குளிக்க சென்றுவிட்டாள் ஜான்வி .கௌதமோ உடற்பயிற்சி செய்து முடித்துவிட்டு தனது அறைக்கு உள்ளே வந்தவன் தனது போனினை பார்க்க அதிலோ அவன் யாரென்று தெரியாமல் "who are you ?" என்று கேட்ட எண்ணிலிருந்து கண்டுபுடி என்று வந்திருந்தது.
கௌதமிற்கு எங்காவது சென்று முட்டிக்கொள்ளலாம் போல இருந்தது .வாட்ஸப் user name எதுவும் இல்லை, முகப்பு படத்தில் ஒரு குழந்தை அழகாய் தூங்கிக்கொண்டிருக்கும் படம் இருந்தது .இதை வைத்து எப்படி ஒருவன் கண்டுபிடிப்பான் என்று நினைத்தவன் பதிலிற்கு " நீ யாரா வேணா இருந்துட்டு போ தேவை இல்லாம என் timeah வேஸ்ட் பண்ணாத "என்று அனுப்பி விட்டு தனது அலுவலகத்திற்கு கிளம்ப ஆயத்தமாகி விட்டான் .
குளித்து முடித்து தனது சுடி டாப் பேண்டுடன் வெளியில் வந்தவள் கீழே தனது போனுடன் அமர்ந்து காபீ குடித்தபடி அவன் என்ன அனுப்பி இருக்கிறான் என்று பார்த்தாள்.
அவன் அனுப்பி இருந்த பதிலை பார்த்தவள் மனம் சுருங்க "அதுக்குள்ள என்ன மறந்துட்டியா ?"என்று அனுப்பினாள்
கௌதமோ அலுவலகத்திற்கு கிளம்பி விட்டு சிறிது நேரம் போன் பார்த்துக்கொண்டிருந்தவன் "ஒழுங்கா யாருனு சொல்லு இல்ல பிளாக் பண்ணிருவேன் "என்று கூற
அவளோ செய்தாலும் செய்து விடுவான் என்று எண்ணி "ஜான்வி "என்க
