இன்டர்வல் முடிந்ததும் ஜான்வி மறுபடியும் ஒன்றரை மணி நேரமா என்று நினைத்துக்கொண்டே உள்ளே செல்ல அவளிற்கு அப்பொழுதும் அந்த கார்னெர் சீட்டை தான் விட்டு வைத்திருந்தனர் .
கடவுளே என்று தலையில் அடித்துக்கொண்டு உள்ளே சென்று அமர்ந்தவள் திரையில் படம் ஓடத்துவங்கியதும் கண்களை மூட தன் கையை ஏதோ ஒரு கை பற்றும் உணர்வில் கண் திறந்தவள் அருகில் இருந்தவனை பார்க்க அவனோ அவளை பார்த்து இதமாய் சிரித்தவன் "ப்ரவீன்னு நெனச்சுக்கோ படம் முடியுற வரைக்கும் "என்று கூறி அவள் கையை பிடித்துக்கொள்ள அவளும் என்ன நினைத்தாளோ அவனின் கையை இறுக்கமாய் பற்றிக்கொண்டாள் .
ஒவ்வொரு முறை பயம் கொள்ளும் காட்சிகளில் அவள் உடல் நடுங்க தன் பெரிய கையில் பொதிந்திருந்த அவளின் சிறிய கையை இதமாய் அழுத்தி அவளிற்கு தைரியம் கொடுத்துக்கொண்டிருந்தான் கெளதம் .
ஒரு வழியாய் படமும் முடிவிற்கு வர அனைவரும் அரங்கை விட்டு வெளியேறினர்.கௌதமும் எழ சென்றவன் ஏதோ தடுக்க குனிந்து தன் கையை பார்த்தான்.அது அவளின் கரங்களோடு இணைந்து இருந்தது.
இன்னும் இருவர் கைகள் இணைந்திருப்பதை கெளதம் பார்க்க அவளும் உணர்ந்து கொண்டாளோ என்னவோ கையை பட்டென்று விலகிக்கொண்டாள் .அதன் பின் அவன் ஒரு சிறு சிரிப்புடன் எழுந்து சென்று விட அவளும் பின்னோடே எழுந்து சென்றாள்.
வெளியே வந்த பின்னே கௌதம் தான் தனது போனிற்கு மறந்து அந்த சீட்டின் கைப்பிடியில் வைத்து விட்டு வந்ததை நினைவு கூர்ந்தவன் மீண்டும் உள்ளே ஓடி செல்ல அங்கே அவன் சீட்டில் பத்திரமாய் இருந்தது அவனின் கைபேசி .
அதை எடுத்தவனின் கண்களை கீழே கிடந்த ஒரு சிறு துணி கவர கீழே குனிந்தவன் அதை எடுத்து பார்த்தான் .அதுவோ ஜான்வியின் kerchief .
அதில் டோரா புஜ்ஜி படம் வரைய பட்டிருக்க அதை பார்த்து சிரித்துக்கொண்டவன் பட்ட பேர் வச்சதுல தப்பே இல்ல என்று நினைத்தவன் பின் என்ன நினைத்தானோ அந்த கைக்குட்டையை மடித்து தனது பாக்கெட்டில் வைத்துக்கொண்டான் .
