العشق الاسود

p14

واقف في شباك يتفرج عليها ... قاعدة في تركينه محضنه ساقيها ... تتفرج في العدم و دموعها على خدها ... فجأة ولت تضحك ...وقفت ... يسمع فيها تتكلم ...

_" صالح مالح مات البارح شم الكبدة في كانون طايح يرفس كي المجنون هههههههه....اش تعمل هنا ... مش بعتني ... انت بعتني ( ولت تبكي بصوت )... علاش خليتني ومشيت تكت على الحيط محضنة روحها بإيديها ... لوحتني لنار بيديك ....علاش لوحتني ... تو رجعت علاش باش تشمت فيا ... هههههه ... اصلا انت في الحبس ... ايهم حبسك خخخخخ...امشي من هنا ... امشي منحبش نشوفك ....قتلك امشييي... ( دخل ايهم هاز سينية فيها فطورها ضربتها بيديها )... قلو يمشي ... ايهم قلو يخرج ...

_ ( سكر الباب و مشى بجنبها)شكون مهرة الي يمشي ... 

_( خبت راسها بين رجليها ) صالح واقف يضحك عليا ... قلو يمشي اماااان ...نكرهو نكرهوو.... قلو يمشي امان ... ( تشاورلو للفارغ)

_ باهي اهدى تو يمشي غمض عينيك ... تخيل روحك في بلاصة تحبها ...مع ناس يحبوك و تحبهم ... ( قعد قدامها ...شد ايدها بين ايديه)... تخيل الي احنا فيه هاذا كل مشى تعدى ولا مجرد كلام ...كابوس فقنا منو ... 

حست روحها طايرة في بلاصة تشبه لجنه ...شافت ايهم هازها بين ايديه شافت كرشها قدامها ...شافت برشا فرحة و هنا ...

قام باش يخرج من البيت ...و يخليها ترتاح ... حملاتو كان راسها على صدرو ...دقات قلبو حستهم كيما لحن حلو يسحر تفاجأ من ردت فعلها  

_ ( صوتها فيه نغمة بكى ).. عمري ما تخيلت نهار نحكي ها لكلام اما ... عيشك خاطر وقفت معايا و تحملت و سهرت في جرتي ...هاذا دين في رقبتي لآخر نهار في عمري ليك ...( مطلعة راسها و تشوفلو )

بقى يشوفلها ضايع في عينيها لمرغرغة ...اول مرة يكتشف انو عينيها بحر و هو غارق فيه لشوشة ... محبش يتحرك ... اول مرة يكره الوقت .. تمناه يختفي و يبقى هو وياها محبوسين في نفس اللحظة ... حس انو هي الحاجة الي عيشلها و روحو فيها.. انو حبو ليها فوق اي مشاعر و حدود و احداث...فوق حتى من الموت و الحياة ... حتى هي قدام عينيه حلم بيها و هرب منو ليها ... حس انو تخلق منها و تولد منها و تدفن فيها ... و من دموعها تولد من جديد حاجة نظيفة و طاهرة ... في لحظة حب تمنى يبقى في حضن قلبها للموت ...حب تخطفو مهرة من كل شي ...حبها تحتويه و تاخذو حتى من روحو ... و تبعدو عن كل شي داير بيه ... 

الحلقة 30 

 الايام تمشي و مهرة مرة تصبح كيف صنمبة تتكتل على روحها و نهار كيما اليوم تصبح هايجة تضرب و تكسر ... 

_ ايهم اعطيني حتى شمه وحدة قتتتتلك ( تصيح و تنتش في شعرها )...باش نموت راني ...ياخي لدرجة تكرهني ... اعطييييييني ...

_ مانكرهكش ...وما لاااا افهم لااااااا ... انت لازم تبري من ها السم ...لازم يخرج من بدنك ... ( دار لقفها من تالي ... ولت تخبش قي ايديه ظوافرها طوال دمدمتلو ايدو ...تحمل لوجيعة ...حطها فوق سرير و ربطلها ايديها و رجليها ) ... كيف تهدى تو نحلك ...انت مريضة و لازمك تتعالج بسيف بسياسة ..لازمك تتعالج ... 

_ انا نكرهك يا ايهههم نكرهك ..انت دمرتلي حياتي ...انت الي وصلتني للحافة ...نكرهك و نكره بابا و نكره روحي .... انتم سبب ... ( تحاول تفك روحها )

_ من غير ما تحاول تفك روحك ...منيش حالك الا ما تهدى و تسمع لكلام ... سي نو تعدي ليلة كيف البارح مربوطة ...( خرج و خلاها تبكي و تشهق غارسة راسها في لمخدة )

_ حاسبني كلبك رابطني... سيبني ...خليني نمشي على روحي ...اصل شكونك انت و لا اش تكونلي حتى تعمل روحك تعاون فيا ...انت مجرد واحد نكرة ...انت حلمة خايبة باش ننساها نهار و معادش باش نتذكرها ... انت وهم يا ايهم وووووهم ...( فكت روحها ...حلت رجليها ...) 

وقفت ورا الباب ...لطخت الكرسي دخل يجري باش يشوفها كان ايهم مزال دايخ في كلامها حسو كيف سكينه في قلبو ... دزاتو و خرجت تجري قابلتها دبوزة ايسونس هزتها ... قبل ما يرد الفعل .. كبتها على روحها ... دخلت تلوج على بريكية ...

_ مهرة اعمل عقلك ... تحب تموت محروقة ... وامك و ناس الي تحبك شنوة ذنبهم ... (يقربلها بشوي ...)

_ حل الباب خليني نمشي ... و لا اعطيني نشم ... حللللل قتلك ( ترعش بكلها ...حاسة روحها باش تستفرغ )...ايهم خليني نمشي ...

_ تحب على سم الهاري هاهو ( كان حاط في جيبو شكارة صغيرة فيها نشا للحاجة )...ايجا خوذو.... ايجى ...

شافت شكارة معادش فيها عقل ...قدمت تهز فيها لقفها ... فكلها لبريكية ... و كبس عليها ... 

 دخلها لدوش ... مد ايدو متردد باش ينحيلها دبشها ... حبس عاجز خايف من روحو و احساسو...خايف لا يضعف و يحل لروحو في جنه ذراعين بعد يلقى روحو في جهنم ... لم جرأتو كل و كبس على قلبو حاول ما يركزش في بدنها ... كانت واقفة عطياتو بظهرها ...نحالها مريول قابلو وشمها ... من غير ما يشعر عدى ايديه عليه ...لين وصل لآخر ظهرها ... عينيه كانت تايها في كل تركينه فيها ... مهرة بدنها ترخف سيبت روحها لإيديه يشكلها كيما يحب ...ينحتها و يبدل تضاريسها و جغرافيتها ... من قوة تأثيرو عليها ...حست دنيا دارت بيها ...جت باش طيح لتالي ... راكت ظهرها عليه ... زادهو قربلها اكثر ولف ايديه على مسلانها ... حللها سروال ... حس بكفوف ايدو عرقت و ريقو شاح ... خرج نفس منو سخون لكرومتها ... شعلها و هبلها ... تاه فيها و تاهت فيه ...حست بيه كنو جزء منها ... كنو لمستو باحت بلي في قلبو كل ... غمضت عينيها شافت روحها محملاتو ...متخبية فيه ... شفايفها على شفايفو و روحها متاخذة ليه ...

كان العشق سيد الموقف و الصمت لوغة ترجمها الاحساس ... كل شي ينضح محبة لكن لا هو نجم يحكي و لا هي نجمت تعترف احساسو...