العشق الاسود

p4

فاقت من زوبعة ذكرياتها على صوت كرهبة شرطة ... تشوف في بوها المانت في ايدو و امها طاحت ما في عينها بلة ....حطت ايدها على قلبها المنظر ما حرك فيها حتى شعرة ...لدرجة احساسها تلبد كانت مستغربة من برودها ...مستغربة من الابتسامه الي ترسمت على وجها ...زعمة بدت تولي كيفهم ...سودة من داخل ...بوها قدامها مكركرينو شرطة ... لكن هي تتبسم ... لكن فجأة البرود تحول لبركان ... و ابتسمتها لدموع سخونه ...حست قلبها ذاب ...

محستش بروحها كيفاش هبطت دروج هي وصلت و كرهبت شرطة خرجت من الباب ... مشت قدام ايهم الي كان واقف وحدو في ساحة ... ترمت عند رجلو تتكربص من الحرقة ... صيح على طول صوتها ... 

نكرهك ...نكرهههههههك ...حرقتني و حرقت قلبي... من نهار الي شفتك ما شفت خير ... انت واحد واطي ... احقر انسان شفاتو عيني ... موتك باش يكون على ايدي ...صدقني بيديا هاذي باش نطلع روحك ( من كثر ما صاحت ولات تنهج ..عروق وجها تكبسو شفايفها زراقو .. و تراب غطى عينيها )

بقى يشوفلها من غير حتى ردت فعل ... قامت تجري للباب ... شدها من حزامها و قربها ليه ...وشوشها ...

_ ارجع لبيتك ... وفك على ربي في هاليلة الكلبة ...لا ندفنك وين واقفة ... مزالك شعرة و تجيبي اخري ...لذلك ريض احسنلك ... 

_ ادفن ... ادفففن خلي نرتاح منك و من ها الحبس... انا اصلا حبلك مربوط على رقبتي و خانقني ... ( حاطة ايدها على كرومتها ) 

_ ( شدها من ايدها دزها لتالي ... شعرها طلع و هبط معاها كيف موجة غاضبة )..قلتك ربك ولديك ادخل ( وقف عينيه فيها ...قامت نفضت روحها وعاودت وقفت قدامه)

_ قتلك اعمل الي تحب ... باش نلحق بابا نشوف علاش هزوه ... ( دزاتو بلي بقى من جهدها ) ...

ركبت في الكرهبة دورت و كان ما بعدش العساس كانت عفساتو ...بقى يتفرج على الغبرة الي خلتها وراها ... فهم الي مهمتو باش تكون صعيبة برشا ... انو مهرة فرسة جامحة و لازمها برشا إرادة باش تتروض و تولي طوع ايدو ...

روحت قريب الفجر لدارهم ...ايديها ساقت الغادي من غير وعي منها ...دخلت لبيتها ... ترمت فوق سرير تذكر في عينين بوها المكسورة ... فلي سمعاتو من المحامي ...فجأة 

تفكرت امها... خرجت تسوق 

.. الاحداث الي عاشتهم بقو يتكررو في مخها كيف فيلم ابيض و اسود ماسط ... دزت الباب و دخلت لقت سرور ..مسندة امها تشرب فيها في الماء ... وقفتها بشوية ركزتها عليها و خارجة للكرهبة ...

_(قابلتها نجوى ... ) واشي يا عروسة وين مخلية راجلك ليلة دخلتكم و ماشية ... ها دنيا كيف زريبة ناس داخلة خارجة على كيفها ...

طفتها و تعدت معادش عندها جهد حتى تتكلم .. قابلها رجب في الباب ... شافتلو شوفة هو راجل جمد منها ... شافلو ايهم الي كان واقف في بلكون ... خلاها تتعدى ... حطت امها في الكرهبة و تعدت ترحي في طريق ...