العشق الاسود

p21

دخلو طاهر لبيتو و بقت نجوى و سميح في صالة و معاهم ايهم ... دخلت سماح هازة ولدها على كتفها ... وقفو كل من الصدمة ...نجوى دنيا دارت بيها و اغمى عليها ... وقف ايهم موقف عينيه ...

_ سماح ... ولد شكون الي هزاتو ... شكونو هاذا ...( يشوفلها عينيه باش تخرج )

_ ولدي ...هاذا ولدي ... اكيد مستغرب ...انا نحيلك ... الي عملة روحها دايخة ... دبرتلي ولد وحدة من اصحابها الاعيان ... قتلي طيحو في شباكك ... تعرس بيه تطلع فوق الريح و طلعنا معاك ... ( سميح سيب امو ووقف يسمع )... ولت تبرمجلي في الخرجات معاه ... نقلها يا امي يرمي في المعنى تقلي طيش شباب ... نقلها يا امي يرمي في ايديه تقولي ناويك في لحلال ... لين نهار روحتلها دماياتي شرتلا و لحمي مقطع ... قاتلي نلزوه و تعرس بيه ...قلتلها ما نعرسش بواخد زوفري ...رخصتني و هزتني ليهم الطفل كيف سمع هرب للخارج و انا حبلت ... حبستني كيف ظهر كرشي ... كانت توقفني قدام لمرايا تكبسهالي لين نتخنق ... ولدت في القراج ... هزوه و حرموني منو ... اما اليوم كان تقطعوني منيش مسلمة في كبدتي ... فهمتو ( حضنت ولدها ووقفت قدامهم )

_ ( مشالها سميح ناوي على شر نقزت مهرة قدامو )... رد بالك تمد ايدك عليها ... ارجع العقلك و شوف شكون سبب ( تلفتت لنجوى ..كانت مستقتلة فوق الكنبي )

_(ايهم دم ضرب راسو ... جبدها ... ) ...نجوى...حل عينيك ...الي تعمل فيه ما يخيلش عليا ... قتلك حل **** لا نعميك و نرتحك ...

 قامت تتحط و تتهز ... تلفتت لمهرة ...تو فهمت كلامها ... عرفت اش تنجم تعمل ... 

_ تو انت ام ...تو انت تجي ام ... بعت بنتك لواحد زوفري و هججت ثانية ... ( واقف قدام امو يصيح )

 _ سميح ولدي اسمعني ... ( كبشت فيه)

_ منيش ولدك ...رد بالك تقول ولدي ... من غدوة نهز مرتي ووبنتي و نخليهالك واسعة و عريضة ارتع فيها ... ( سلت ايدو و مشى و خلاها )

 سماح طلعت لبيتها ... هازة ولدها فرحانه بيه و ايهم خرج البرا يتكيف ... بقت هي و مهرا راس براس ... 

_ صحيتك يا بنت صالح لهماق ... عرفتي وين تضربي ... صحيتي ...

_ نجوته تعرفي اللبة كفاش تصيد ... تبعد فريستها على القطيع تعزلها و بعد تنقض عليها و تاكلها ... فهمت ...تاكلها ...( هزتها و حطتها )

 مهرة طلعت لسماح تلعب بلبيبي هي وياها و تشم في ريحتو ... تتفرج في برائتو..تخمم زعما احنا وقت الي صغار كنا هكة ... نظاف و بريئين هكة ... هوما هكاكة و ايهم دخل ..

_ سماح ... عندك دبش للبيبي ... بيبرو و حاجات كيف هكة ... ( طبست راسها فهم معندهاش )...البس تو تتلهى مهرة بولدك حتى نجو ...

طفل رقد جو هادي ...و الفرملي متع ليل بطى مجاش ... لمت مهرة شجاعتها كل و دخلت للبيت متع بو ايهم ... شفاتو شايب رغم اعاقتو مزالت ملامحو حادة كيف ايهم ... واقف يشوفلها كنو عينيه يسألو فيها شكونها ... خبت دوا في كمها ... وقفت بجنبو شافت تصويرة عايلتو في حجرو ... تعرفش علاش سخفت عليه ... مخها كان داخل بعضو ملي دخلت لدار الرصاوي و هي تستنى في لحظة هاذي ... علاش تو خلتها و خرجت ... رجعت للبيت عارقة ... حست روحها عطشت ...