العشق الاسود

p20

تتثاوب شعرها مفرعس على صدرو) ..ايهم ... قوووم جعت ... اييييهم ... ججججعت ...

_( مكبش فيها مش حاب يحل عينيه )..امممممم ( جبدت روحها و زعمة قايمة جبدها رجعها ) ... وين ماشية ريض و انت تفركح ... ( كبس عليها بيديه )

_ ( شدت صوابعو تلعب بيهم )... هاي نمشو لعم الشايب نفطرو عندو.... ايهم ...

_ يا روحو ...يا عمرو ...يا روح روح ايهم انت ... شبي روحي قول ( حال عين و مغمض عين )

_ تتبهلل ...مسمعتنيش ...( مطلعة راسها و معوجة فمها )

_ سمعتك ... اما شكون قالك انك باش تخرجي منها البيت هاذي اليوم ... مزلت مشبعتش منك ... (حملها و حاط راسو على كتفها )

_ (جبدت روحها منو بسيف عندها حكاية سوسن اليوم لازم ترجع لدار ) عنا عمر كامل مع بعضنا ... قوم اي يزي من البخل ... 

جاء باش يشدها هربت ...دخلت تدوش ... 

بعد ما فطرو حطها قدام دار و مشى للخدمة ... دخلت لقت سوسن تستنى فيها ترعش ... 

_ مهرة وخيتي وينك بقيت نستنى فيك ...في بالي جبدت بيا ... امي بحال حاسة نبهت على رجب قتلو ما يخرج حد كان ما تقلي ... ( تفرك في ايديها ماشية جاية )

_ سوسن راك عروسة قتلك انا نريقلك الدنيا ... ما تخافش ... اسمع كلمت عايدة مولات سونتر الي عجباتك خدمتها باش تجي على اساس باش تعملي ... حظر روحك ...( غمزتها )

_ يخليك ليا يا عسلة عملت معايا الي ما عملتوش امي 

 (خرجت سوسن و هي شدت تلفون ...) اش عملتو ... لقيتوش حاجة ... يا ولدي لحكاية مزالت سخونه عمرو يمكن توا سبعة شهور ... تعرفني نكره الكذب ... اغطس و اطلع تجيبلي اسم القابلة سي نو ما تورنيش وجهك... 

رمت تالفون و قعدت تخمم فلي جاي ... لكن كل ما تتعمق في تفكيرها تجي ملامح ايهم قدامها تشتتها ... تمنت لو تمشيلو للبيرو ... حست روحها شهياتو ... بدنها كل يلوج عليه ...

 (هي هكاكة وهو دخل ...) اي ...هاك رجعت ...لاباس ...

_ ( حصرها بينو و بين الحيط ) ...منيش منجم نخمم في شي ...منيش منجم نخدم اش عملت فيا اه ... اش عملت ( دورها للحيط ... نحالها شوميز بقى يعدي في صوابعو طالع هابط على الوشم الي في ظهرها هي كانت كيف لعجينه بين ايديه يشكلها كيما يحب )... مهرة ...نحبك ... نعشك ... ( صوتو كان خارج مليان رغبة بعد شعرها عن رقبتها ... و غطس فيها ) 

(دق الباب فد و طارتلو تبسمت مهرة و بعدت عليه ) ... شكون ..

_ مدام عايدة لوطة يا مدام تستنى فيك ... 

(خطفت شوميز لبستها و دزاتو للباب) ايا برا عاد ...لمرا تستنى 

_( قحرلها ) ...شكون عايدة هاذي ...

_ نقص من شك يا مشكاك ... حجامه ...( خرجتلو لسانها )

_ عصفورتي باش تتزين لراجلها الليلة ... ( رجع حملها )... اما يكون في علمك كان تقص شعرك و لا تبدل لونو راني باش نقصلك رقبتك ... نحبو يبقى هكة