العشق الاسود

p17

فاقت من نوم على صياح و عرك ... طلت من فوق لقاتو ايهم كشاكشو طالعة يكفر و يدز في عبد سميع ...

_( هبطت و نست انها راقدة بلكاب ) سيبو عبد السميع ...خلي نسمعو سي ايهم اش جاي يقول ... اما زعما لابس ماسك الملاك و لا ماسك شيطان ...

_ ( جبد الناب من فوق طاولة لفطور جاب الي فوقها فلوس و رماها بيه ) البس انت ساعة يا مدام و بعد تو نلبس انا الي تحب ( تلفت يقحر لعبد السميع ...)عاجبك المنظر انت ...ايا ... اختفي ... لا نجي نعميلك عينيك الي تلعب فيهم. ...

جبد مهرة و طلع بيها لبيتها يكركر فيها وراه ...اول ما دخلو رماها فوق سرير و سكر الباب ...

_نجم نفهم كفاش سيادتك تخرج و ما تكلمنيش و من فوق تنبه على رئيس المنطقة ما يقليش ... علاش اه ...علاش ( شدها من اجداقها حللها فمها يشوف فيه و يطل على خشمها و هي ترفس فيه و دز )... 

_ سيب لخرى ( بعدت عليه بلقوة تنهج)... تثبت في خشمي باش تزيد تمشي تبلغ عليا ... اما خسارة لو بلغت قبل بنهارات راعو تحليل طلع بوزيتيف ... ( تشوفلو بإستحقار مش حاملة حتى ملايكتو )... تعرف. .. انا بوهالية ... عملت فيلم و شاد زينب و انت المخرج متع ها لفيلم هاذا كل ... تحشيني في الحبس و على خاطرك راجلي المحترم تولي تنحم تتحكم في كل فرنك عنا و يكمل انتقامك برافو و الله برااافو ( تصفقلو )

_ ( جبدها من مسلانها لصقها فيه ... حط عينو في عينها )... نسألك حاجة ... انت مصدقة الي تحكي فيه ...كان انت مصدقة تو حتى انا نصدق ..  

_ من غير ما تعب روحك و تبرر و تألف انت تكشفت ساي ( تحاول تبعد عليه ...تحاول تتخلص من تأثيرو عليها )

_ تعرفني منيش من نوع الي يبرر و يألف انا نفعل ديراكت ... ( زاد لزها ليه اكثر لدرجة لو مهرة طلع راسها يجي شفايفها على شفايفو )

_ (دزاتو على ما اعطاها جهدها ) ... ايهم ... اش حاب مني ... وين تحب توصل ... مرة باهي و مرة خايب ... انا تعبت ...متعبتش ؟؟؟ 

_( يتكلم في قلبو )..تاعب ... تاعب و مرتحت كان في حضنك طول عمري نجري يا مهرة ...هوما علموني نجري منو غير نفس و انت علمتني كيفاش نتنفس ...( رمى الكرسي من لعصب تهزت و تحطت ) مزلت تسأل فيا اش نحب ... نحب نشرب بوك من نفس الكاس الي شربنا منها ... نحب نحرمو من اعز ما يملك

_ ( ماتت بضحك ...ضحكت لين كرشها وجعها )...ههههه تعرف ساعات يولي دمك خفيف ...ههههه لو كنت انا اعز ما يملك كان باعني ليكم ... كان كركرني كيف نعجة و رماني قدام عتبت داركم ... ( ضحكها ولى دموع )... اخرج ايهم رد بالك ترجع ...خوذ فلوسو و لا حتى روحو كان تحب ... معادش هامني ...اخرج و خوذ الي تحب ..معادش فارقة ( تحكي في قلبها )... بالله لا تخليني ... حاسة بفراغ يخوف من غيرك ... خوذني معاك ... خرجني من ها ظلام الي داير بيا ...( شدها و جاء خارج ) ... سيب اش تعمل ( نترت ايدها منو )