العشق الاسود

24

كلم رجب سألو وين وصل الطاهر صباح تعدى يجري ..وهي وراه ... بلكرهبة كل ما يزيد في فيتاس تزيد حبت تكسر عليه طريق منجمتش ... وصلو لراس نهج هو تعدى و هي قص عليها كميون ... نقز من الكرهبة ضرب الباب برجلو طيحو ... نجوى سمعت صوتو ينادي لصقت في الحيط ...عرفة روحها المرة هاذي مش باش تبقى حية ... 

_ نجووووووووى ... نجوووووووى اخرج ... اخرج ...( شافها هاربة تجري لقفها من شعرها و رماها على الارض بكل وحشية ...هز رجلو و عفس على ايدها ...)..هاذي الايد الي قتلتي بيها كل حاجة حلوة في حياتي ... ( عينيه معبية دموع ... نجوى كانت تتصكك بلوجيعة )... اليوم موتك على ايدي ... اليوم قاتلك ...قااااااتلك ....شكون باش يشفعلك اه ... شكووووون...راني قاتل ***** يا ******* 

برك عليها بلبونية ...كان كيف الصيد المجروح ... معمي القلب ... لوجيعة عمت قلبو ... ايديه دمدمت ...وجه نجوى ولى ملبز ... وقفت مهرة في الباب ... 

_ ايهههم ..لااااا ...امانك ...كان تحب ربي لاااااا ... خلي القانون يخولك حقك ... لوقتاش باش نعيشو في ظلام ... لوقتاش ... سيبها ... اممان ...متضيعش روحك في خاطرها ... ( حست روحها مترهوجة ... فقدت توازن متاعها )

شدت في الحيط نفس عمالو يضيق ... تصويرة تغبشت ...ووصوتها تخنق ... ايهم سمع لطخة في الباب تلفت ...لقى مهرة وجها دم ... مرمية على القاعة ... سيب نجوى و قام يجري ...

_ ( حملها و حط راسها على ايدو )... مهرة ...حبي فيق ..مهرة شبيك ...انا الي عملتلك هكة انا الي سيحت دمك ... ( يطلع في شعرها )... حل عينك امان سامحني ... 

هو هكاكة و الحاكم دهم ..هزو نجوى الي كانت ملوحة على بلاصتها ... 

_( مخها منجمش يستوعب الي صاير دخلت في هستريا ضحك)هههههههههه انا قتلتهم ....ههههههه بعدو ...سيبوني ...شدهم عم شرطي يحبو يهزوني معاهم ( تستخايل في ناس الي ماتو على ايديها ) ... هههههه ... انا قتلتهم ...انا ...ههههه انااااااااا ...

ايهم كان يشيع فيها شاد مهرة في حضنو مخبيها ... عينو مليانه كره و حقد كان يلقى كفاش يخطفها و يعلق مشنقتها مايقصرش ...

هز مهرة بين ايديه و حطها في الكرهبة و مشى ...فاقت لقت روحها في بيتهم ...في بيتها هي و ايهم ...جت باش تقوم حست راسها وجعها... شداتو و بقت تحاول تتفكر الي صار ... 

_ فقت ... ( ايهم قاعد مقابلها ... كيف ما اول نهار دخلت فيه للبيت هي دايخة و هو مقابلها ...نفس نظرة على وجهو ... نظرة حادة ...تخوف ) ... قوم نوصلك روح ...

_ منيش مروحة ...مستحيل نخليك وحدك في نهار كيف هكة ... ميسالش استحملني الليلة ... 

( قعدت على حافة سرير )

_ قتلك.. قوم.. نوصلك ..لدارك ..( راس على سنيه ... موجوع ... منهار لأقصى درجة )

_ متغشش ... حابب تفرغ قلبك ... و لا حزين ... مكش عارف تفرح خاطر عرفت لحقيقة و لا تبكي خاطر الدغرة جاتك من قريب ... اعطي روحك فرصة ترتاح ... ماينقص منك شي كيف تعيط و تخرح الي كاتمو ...( قربتلو حطت ايدها على قلبو )..هاذا لحمة مش حجرة ... متحملوش اكثر من طاقتو ... متغشش مني ..هاني قدامك برد قلبك فيا ...انا راضية ...لكن ما تسكتش ... رد بالك تخدع روحك و تقول انا بخير ... عينيك فضحت وجيعتك ...( حاولت تحظنو )