دخل للكوجينه لقى مهرة صافنه على ايديها ...تميل في راسها ... تسمط في رطل مقرونه ... الي اصلا ولت عجينه ... حملها من تالي و باسها من كرومتها ...
_ حبي ...فاش تعمل ... منيش نشم في ريحة حاجة مشوشطة و لا محروقة ... ان شاء الله ناب ربي و طيبتنا حاجة تتكل معدتي تهرت من ماكلة الشارع ... ( طل على طنجرة )...علاه هكعبات الفل يتعذبو في طنجرة ابنتي خرجهم ولو عجينه ...
_ تدكك عليا خاطر منعرفش نطيب ...اصفن على ذراعك و طيبنا انت ... ( مدتلو المغرف وجت خارجة )
الله كان تبدى زقوم ما ناكلها ... كمل عملية تعذيب متاعك ... ويني زيزو حسها بايت ...( شاد ايدها يبوس فيها )
_ شادة رجب من صباح مررتلو عيشتو برا تفقدو لا تطلع عملة فيه عملة ...( تضحك )
دخل لقى رجب متربع قدام زهرة لابس بوند روز ... شدتلو صوابعو و تدهن فيهم بلفرني ... اول ما شاف ايهم وقف مفجوع ...زهرة نقزت على ايهم تعنق فيه ...
_ باباتي ...وحشتك ....( باساتو )
_ حتى انا يا روح بابا ...اما اسمع امك لوطة بهذلت بحال المقرونه ... هيا ناكلو بيتزا و كيف تسألنا على لفطور نحسبو رواحنا ناكلو و نقلولها بنين ...( حل باكو لبيتزا )
_ اووووه كل يوم تيزا... كل يوم تيزا . نحب باتي انا ( غاشة )
_ منين نجيبلك شباتي انا هاذي دخلتها بسرقة على امك بسيف ...ايا كول اليوم غدوة نجيبلك ...الله غالب كان ترجع خالتك عواطف ...اه تو يرجع كسكسي و المقرونه المحرحرة ... و نرتاحو من تلبيز امك...( ريقتو سالت)
_ ماما ...
_ اي امك هرتنا معدنا ...يا ربي حتى كعبتين عظم متعرفش تشكشكهم ... اوووف ...
_ ماما وراااك ..( تضحك عليه)
_ اي اي مامتك (تلفت بشوي )... اه ..امك..امك هذيكة صنافة ... تي نرمالمون يعمللولها برنامج طبخ ...ليها وحدها تورينا ابداعاتها ...( جبد روحو بشوية و هرب من البيت )
لحقاتو مهرة تجري هازة المغرفة و زهرة واقفة تشجع فيها ... دخلت تلوج عليه في بيت نوم ... هي دخلت و هو سكر الباب ..رماها فوق سرير و هبط يبوس فيها ...
_ ايهههم ...ههههه
_ العببب ااروحو ...اقلبووو ... (نحى الشوميز ..)... رجع يبوس في كرومتها ...
_ المقرونه بردت ... ( شايخة ضحك )
_ خلي تبرد ... ماغضتكش انا شاعل ...( يحللها في شوميز )
_ ايهههههههههم ... ( تدلل ) بشوي على ولدك ...
_اه ...اه... اش تحكي ... انت ... تحكي برسمي ...( قومها ولى يسايس فيها )
_ اي ..حبلة .. ( خبت وجها فيه )
حلت زهرة الباب و بقى ينقز هو وياها فوق سرير و هي شايخة عليهم ضحك
أنت تقرأ
العشق الاسود
Romanceقصة كره اسود و عداوة كبيرة بين مهرة و ايهم تتحول لمغامرة عشق بإمتياز ...استعدو باش تسافرو معايا لرحلة حب و حرب و انتقام ... #منقولة
